A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

bambàrru , agt Sinonimi e contrari babbaocu, baliodha, bichimmeo, bucalloto, gingiorre, isaliadu, issemechiau, làvinu, nuscentri, prantamone, tolondro Terminologia scientifica ntl Etimo srd. Traduzioni Francese bête, sot, stupide Inglese fool Spagnolo necio, bobo Italiano sciòcco Tedesco dumm.

bambàtzu , agt Sinonimi e contrari fabbiocu, innóchidu, listrone, tontarrone | ctr. abbistu Frasi custu fut un'ómini bambatzu, laredhiau, ma disigiosu de fuedhai de is cosas passadas Etimo srd.

bambàxa, bambàxi bambàche

bambè , nm: bombè, bombei, bombeu Definizione pígiu de sola chi si ponet in sa punta de is iscarpas po chi sa punta no si abbascet / avb. a bombè = ingobbedhadu, itl. convèsso Sinonimi e contrari pampè 2. sas bòvedas unu tempus las faghiant a bombè Etimo itl. bombé.

bambería , nm Sinonimi e contrari bambíghine, ibbàmbiu, lochímini, sciapidóriu Frasi custu faet binu malu, dhi pigat a cantare e a nàrrere bamberias Etimo srd.

bambidúghine , nf Sinonimi e contrari bambíghine, bambímine.

bambighédhu , agt: bambixedhu Definizione unu pagu bambu Sinonimi e contrari bambaredhu, bambighinu, bambisinu, bambitu | ctr. salidonzu Terminologia scientifica sbr Traduzioni Francese fade, insipide Inglese rather tasteless Spagnolo soso Italiano piuttòsto scipito Tedesco fad.

bambíghine , nm Definizione mancàntzia o farta de sale, nau de su sabore de is cosas de papare, o de sabidoria nau de persona chi at unu fàere o pentzare cun pagu giudítziu Sinonimi e contrari irbambissiadura / bamberia, bambidúghine, bambímine, bambiore, bambura, ibbàmbiu, sciapidóriu 2. lassae sos bambíghines e lassáeli finire su contu! ◊ tziu Berte sichiat a bocare bambíghines tocandhe fintzas sos carabbineris ◊ finíela chin sos bambíghines, ca non sunt cosas de prides! Etimo srd. Traduzioni Francese insipidité, fadeur Inglese insipidity Spagnolo insipidez Italiano scipitézza Tedesco Fadheit.

bambighínu , agt: bamboghinu Definizione unu pagu bambu Sinonimi e contrari bambighedhu, bambisinu, bambitu, bambixi | ctr. salidonzu Terminologia scientifica sbr.

bambímine , nm Sinonimi e contrari bambíghine, bambiore, bambura, ibbàmbiu, lochímini, sciapidóriu Frasi si ndh'est riendhe de cussos chi creent a totu sos bambímines Etimo srd.

Bambínu , nm Definizione Cristos candho est naschiu, su Pipiedhu Frasi dònannos tue, Bambinedhu, gràscias, risitos e carignos! ◊ in istadha isderruta, a pitzu de unu cufinu cun palla postu asuta, est nàsciu su Bambinu (M.Pintor) Traduzioni Francese l'Enfant Jésus Inglese infant Jesus Spagnolo Niño Jesús Italiano Gesù Bambino Tedesco Christkind.

bàmbinu , nm Definizione lassare in b. = lassare a unu chentza arresposta, chentza dhi nàrrere ne chi eja e ne chi nono, lassare unu chistionu o una faina a mesincumentu, lassare a unu che àinu, lassare in bambis Frasi li apo nadu de isprodare sa tàula: annotamala mi at lassadu totu s'isterzu in bàmbinu (G.Ruju)◊ fimus chistionendhe candho totindunu mi at lassadu in bàmbinu! ◊ l'apo preguntadu si sa muzere si fit issindhigada e mi at lassadu in bàmbinu.

bambiòco, bambiócu, bambióncu , agt Definizione nau de unu, chi si cumportat cun pagu giudítziu Sinonimi e contrari babbaocu, bambu, bijoncu, braballu, salàpiu, tzinnai, tzullu | ctr. abbistu, cabosu Frasi fit pisedha bella meda, ma bambioca Terminologia scientifica ntl Etimo srd. Traduzioni Francese imbécile, abruti, nigaud, bête, sot Inglese dull Spagnolo bobalicón, bobales Italiano scimunito, melènso Tedesco dumm.

bambiòre, bambiòri , nm: bambore, bambori Definizione farta, mancàntzia de sale, nau de cosas de papare, o de sabidoria nau de persona chi si cumportat cun pagu giudítziu Sinonimi e contrari irbambissiadura / bambíghine, bambiorja, bambura, gambiore, ibbàmbiu, isabidóriu, isapidoria, isapidura, sciabóriu | ctr. sabidoria 2. po carirari… ita bambori chi portas! ◊ si abbusat de su tou bambiore, a sa fine si pigat fin'a tie! (Sassu) Etimo srd. Traduzioni Francese insipidité, fadeur Inglese insipidity Spagnolo insipidez Italiano scipitézza Tedesco Fadheit.

bambiória, bambiòrja , nf Definizione cosa chentza cabu, bamba, de pagu importu Sinonimi e contrari balossada, bambíghine, isabidóriu Etimo srd.

bàmbis , nm Definizione lassare a unu in b. = lassare a unu in bàmbinu Frasi arrejonat a dechidu, ma a bortas no las afinat e lassat a s'àteru in bambis.

bambisínu , agt: bammisinu Definizione chi est unu pagu bambu Sinonimi e contrari bambighedhu, bambighinu, bambitu, bambixi, gambisinu | ctr. salidonzu Frasi ista sa salipa ca mi paret bambisina custa minestra! Terminologia scientifica sbr Etimo srd. Traduzioni Francese insipide, fade Inglese insipid Spagnolo soso Italiano scipito Tedesco fad.

bambítu , agt Definizione unu pagu bambu Sinonimi e contrari bambighedhu, bambighinu, bambisinu.

bambixédhu bambighédhu

bambíxi , agt Definizione nau de papare, chi est unu pagu bambu Sinonimi e contrari bambighinu, bambisinu, bambitu.