A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

baltzànu , agt, nm: batzanu, brassanu, bratzanu Definizione si narat de animale chi portat su cambúciu, o àteru arremu (fintzes ogu) de colore diferente s'unu de s'àteru; est númene chi ponent a su cane puru; nau de persona, chi no faet a si fidare, trassera, metzana / su brassanu = su pè (s'ungredha) de su cadhu, de sa baca Sinonimi e contrari pearbu, pedibbellu / allabentinau, baltzaneri, trasseri, stramu Frasi brassanu a unu, a duos, a tres, a bàtoro pes, a pes de nanti, de segus, a pes vicànicos 2. su brassanu bratzu sou crudele e assassinu at fatu subra mia disatinu! ◊ no ti lessas ingannare dai cussu brassanu! ◊ dae tentu, mighi cussu est brassanu! Terminologia scientifica ntl Etimo itl. Traduzioni Francese balzan Inglese white-footed horse Spagnolo calzado, manchado, armiño Italiano balzano Tedesco weißgestreift, wunderlich, Sonderling, unzuverläßiger Mensch.

baltzànu 1 baltzàna

baltzellàna , nf: bartzellana 1, porcellana 1 Definizione genia de pedra vulcànica Terminologia scientifica mnr Etimo itl. Traduzioni Francese pouzzolane Inglese pozzolan Spagnolo puzolana, puzol Italiano pozzolana Tedesco Puzzolan.

bàltziga bàlcica

baltzigàre , vrb Definizione foedhare in cobertantza Sinonimi e contrari alaviai, suspare Etimo srd. Traduzioni Francese s'exprimer par métaphore Inglese to speak metaphorically Spagnolo metaforizar Italiano metaforeggiare Tedesco sich bildlich ausdrücken.

bàltzu , nm: bartzu, bràciu, brassu, bratzu Definizione parte de sa carena chi andhat de su codhu a sa manu, distintu in duas partes de mesania, in su cuidu: in is animales, est sa camba de ananti; si narat fintzes de àteru (es. cambu grussu de mata, aina de traperi po intrare mànigas o camberas de pantalone a prentzare); coment'e medida, unos 75 centímetros de longària (tres prammos)/ min. bratzichedhu, bratzitu Sinonimi e contrari camba 2, fratu 2 Modi di dire csn: sa canna, sa cannedha de su bratzu = sa parte de su bratzu de su cuidu a sa manu, itl. avambràccio; bratzu de cadrea = parte de una cadira aundi fait a pònniri is bratzus apitzus, candu unu si setzit; b. de àrbure, de riu, de mare = camba; su bratzu de s'arromana = su fusu o canna cun sas intacas, ue si ponet su pirone; andai cun is bratzus sciàcula sciàcula, sciamiendu = cun sos bratzos péndhuli péndhuli, coment'e bantzighendhe; fugliare una cosa a cantu curret bratzu = atesu meda, a totu codhu; èssere, rúere, leare in bratzos = itl. tra le braccia Frasi fut a fàere sa meigina a su brassu ◊ fillu tuu portaiat su brassu betau in codhus a una burreca bella! ◊ bidesit un'upa niedha cun su fusile in baltzos ◊ cussu portat unu bratzu retentu Cognomi e Proverbi smb: Bratzu Terminologia scientifica crn Etimo ltn. brachium Traduzioni Francese bras Inglese arm Spagnolo brazo Italiano bràccio Tedesco Arm.

bàlu , avb: (cun /b–/ a lampalughe apustis de vocale) galu* 1 Definizione fintzes como, chi no at acabbau, chi si agatat como puru nau de tempus chi est durandho fintzes in su tempus chi si foedhat: si narat fintzes in su sensu de in prus, a prus de s'àteru Sinonimi e contrari ancora Frasi sas piantas chi gighent balu vida parent pedendhe su bàlsamu divinu a sas aeras (G.Monzitta)◊ sunt passados chimbanta annos e balu mi ndhe ammento ◊ su campile fit cun totu s'elva balu bilde ◊ so cuntentu de ti poder balu ajuare 2. issos como nos sighint a mirare e pregant alu pro nois ◊ alu, a Babbu nostru li dimandhamos de nos difèndhere dae sas tentasciones Traduzioni Francese encore Inglese still Spagnolo todavía, aún Italiano ancóra Tedesco noch.

baluàldu, baluàrdu , nm Sinonimi e contrari baltione Traduzioni Francese rempart, bastion Inglese rampart Spagnolo baluarte Italiano baluardo Tedesco Bollwerk.

bàlva , nf: alva, barba, barva, braba, varva Definizione su pilu chi creschet a s'ómine de trempas a is murros e a su gúturu; su tretu puntudu de sa cara, sa punta de sa barra de fundhu; foedhandho de erbas e matas, arraighinas fines e longas Sinonimi e contrari baedhu / radichina / cdh. balba Modi di dire csn: fàghere una cosa che barba de isposu = bene meda; fàere sa braba cun duos corognos = fai is cosas chen'e is ainas adatas; is barbas de su pisci = zenia de alighedhas; barba de pudhu, de caboni = brabas, zenia de nàcaras chi zughet pendhindhe in bula; barba de becu, de craba = tzufu de pilu longu chi zughent suta de sa barra de fundhu; erba de braba = "andropogon hirtus", zenia de erba chi de sa raighina faghent ispàtzulas; fai barba (faedhendhe de àrbures)= bogare, pònnere raighinas; brabas de soli = raighinas subra subra, a paris a terra; abbarrai a barba asciuta = cun d-unu prammu de nasu, chentza su chi s'isperaiat 3. in terra letu adatu apo agatadu e balvas apo postu e so naschidu Cognomi e Proverbi smb: Barba Terminologia scientifica crn Etimo ltn. barba Traduzioni Francese barbe, menton Inglese beard, chin Spagnolo barba Italiano barba, ménto Tedesco Bart, Kinn.

balvàtu , nm: alvatu, barbatu, barvatu, brabatu Definizione una prima aradura, prus che àteru in terra annigrina, a manera chi, candho si prenet, sa terra siat prus fàcile a dha trebballare Sinonimi e contrari abbalvatadura, varvatonzu / cdh. balbatu Frasi che massaju, chi rútiu e lanzu barvatu at bortuladu a die intreu, de su sole bramaiat s'ocasu Terminologia scientifica mssr. Etimo ltn. vervactum Traduzioni Francese verdage Inglese green manure Spagnolo abono en verde Italiano sovèscio Tedesco Gründüngung.

bàlzu , agt: bàriu, barju, barzu, braxu, vàgliu Definizione de colores diferentes (ma ammesturau tra biancu e iscuriosu) Sinonimi e contrari bardeju, barjolu, bertigatu, pintadu Modi di dire csn: ogus braxus = itl. glàuchi, azzurrógnoli; braxu mannu (pilloni)= anadone, circuredha; campu braxu = terrinu a pàsculu ue bi at matas puru, logu campu ma no deunudotu Frasi su cane meu est barzu, de colore ◊ sa luche barja de sas notes de luna ◊ de bestiolus ndi dhui iat murrus, biancus e braxus 2. fiat un'ómini a ogus braxus ◊ fiat unu pipiu totu arrullau, fronti artu e ogus braxus Terminologia scientifica clr Etimo ltn. varius Traduzioni Francese bigarré, bariolé Inglese multicolored Spagnolo abigarrado Italiano variopinto, variegato Tedesco bunt.

bàma , nf: Definizione brebès a chedha manna totu a unu, is brebès de unu pastore leadas totus impare Sinonimi e contrari arbutzu, arede, cedha, creze, gama*, grústiu, majone, retile, retolu, robba 1, tàgiu Frasi cussu pastore tenet bama manna, de nessi treghentas berbeghes ◊ in binza bi sunt sos cunillos a bama faghindhe dannu Terminologia scientifica pst Traduzioni Francese troupeau Inglese flock Spagnolo rebaño Italiano grégge Tedesco Herde.

bamàlzu, bamàrzu , nm Definizione chie custódiat, càstiat, paschet unu tàgiu Sinonimi e contrari alvegalzu, berbecàlgiu, gamaresu Frasi a múrghere recuiant duas bamas cun sos bamarzos de su madrigadu ◊ Deus mi at fatu bamarzu e pastore de úndhighi ànimas… Terminologia scientifica prf Etimo srd.

bambàche, bambàghe , nm, nf: bambaxa, bambaxi, bombaghe Definizione genia de lanedha modhe modhe, posta a isterrimentu po cosa dilicada meda Sinonimi e contrari cdh. bambàcia, ttrs. cutonivrósciu Frasi sas gardaneras ant fatu su nidu chin pinnas e lanedha e inintro est modhe che bambache ◊ fintzas in sa foresta su leone regnat cun coro modhe che bambaghe Etimo ltn. bambace(m) Traduzioni Francese ouate Inglese cotton-wool Spagnolo algodón Italiano bambàgia Tedesco Baumwollabfall, Watte.

bambàle , agt, nm Definizione nau de unu, chi o chie si cumportat cun pagu giudítziu, chi est chentza cunsideru Sinonimi e contrari bambioco Frasi cussu est machine de calchi bambale Etimo srd.

bamballóina , avb Definizione a b. = in tàntaris, chi no est postu seguru.

bamballúmene , nm: Definizione cosa chi si ponet tanti de prènnere, pigare logu Sinonimi e contrari ballúmene Frasi bi ant postu paza pro fàghere bamballúmene Etimo srd.

bambalòca babballúca

bambarédhu , agt Definizione unu pagu bambu, mancantedhu de sale Sinonimi e contrari bambighedhu, bambighinu, bambisinu, bambitu | ctr. salidonzu Terminologia scientifica sbr.

bambaródhu , agt Definizione chi pecat a bambu, chi giughet pagu sale Sinonimi e contrari bambarodhu, bambisinu Frasi custu brou est bambarodhu Etimo srd.