A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

gusariósu , agt Definizione nau de ccn., chi tenet gusàriu, chi est sàbiu Sinonimi e contrari sàbiu Etimo srd.

gusàriu , nm Sinonimi e contrari sabidoria.

gusórju, gusórzu , nm Definizione genia de apertura in is intaulaos po artzare a un'istàulu Sinonimi e contrari caderata, trapa Frasi comente intreit in sa gianna, fit su gusorzu abbertu e che faleit a giosso.

guspinèsa , nf Definizione genia de lepedha famada, sa chi faent is maistos de Gúspini Terminologia scientifica ans Etimo srd.

gúspinu grúspinu

gussòrgia, gussòrja , nf Definizione genia de lóriga de corria chi si ponet a su giuale po dhue fàere intrare sa punta de sa timona de su carru o de s'arau Sinonimi e contrari agione, alasoni, bagione 1, cajone 1, sesúgia Terminologia scientifica msg Etimo ltn. cursoria.

gustadórgiu , nm Definizione logu inue si abbrovendhat bestiàmene Sinonimi e contrari ammascadórgiu, aproendhatógliu.

gustài , vrb: gustare Definizione papare, fàere s'ustu, papare a pràngiu; fintzes abbrovendhare; pigare gustu tastandho sa cosa de papare Sinonimi e contrari assagiai, atastare, bustare, inciuciare, mascare, papai, ticare / immulzare / aggradae, piàchere Frasi lassai is batallas e isterreisí po gustai! ◊ pudhu e pudhichina no si gustant de solu chilinzone ◊ nos gustamus de mura, de ficu e de pira ◊ chie est avesu a sa tropejalia no si gustat de pane sueradu ◊ a gustare nos daiant coconedha e casadina ◊ murgo, aproendho sos cadhos e sas bacas e mi nche gusto sos porcos 2. sa fruta est dulche a la gustare 3. leade su gafè, o sa birra o comente bos gustat! Etimo ltn. gustare Traduzioni Francese goûter, savourer Inglese to taste Spagnolo gustar, saborear Italiano gustare Tedesco schmecken.

gustaméntu , nm Definizione su gustare, su tastare Sinonimi e contrari assazadura, tastadura Etimo srd.

gustàre gustài

gustàri , nm Definizione su primu papare de sa die, su mengianu, ma fintzes su de duos, su de mesudie Sinonimi e contrari immulzu / pragnu Traduzioni Francese petit-déjeuner Inglese breakfast, lunch Spagnolo desayuno Italiano colazióne Tedesco Frühstück, Mittagessen.

gustàu , pps, agt, nm Definizione de gustare; chi o chie at papau, o est tzatzau Sinonimi e contrari mascadu, satzau Cognomi e Proverbi prb: su gustau no si ammentat de su famiu.

gustívile , agt Definizione nau de ccn., chi faet divertire, chi praghet, divertiu Sinonimi e contrari ispassile, ispassiosu Etimo srd.

gustósu gultósu

gústu , nm: (cun g- a lampalughe) Definizione su papare de mesudie; fintzes papare e bastat Sinonimi e contrari bustu / mànicu Frasi candho beniat isse li ammaniaiant s'allozu e su gustu ◊ s'autonomia no est una cosa in prus, un'ispétzia de casu fratadu o de pimentu chi si podet o no si podet pònnere pro fàchere prus licantzu su gustu: s'autonomia est su gustu (Z.F.Pintore) Etimo ltn. gustu(m).

gústu 1 , nm: (no faet mai s'aféresi de g-) Definizione genia de cuntentu chi si leat cun calesiògiat de is chimbe sentidos, su pràghere, ma fintzes sa cuntentesa chi si provat in s'ànimu; su disígiu de calecuna cosa Sinonimi e contrari contentu, géniu, piachere, saboi / desizu | ctr. dirgustu Modi di dire csn: èssiri de bonu g. = chi cumprendhet ite est bonu e ite nono; a gustu miu, tuu, suu = comente piaghet a mie, a tie, a isse; dare su g. a ccn. = acuntentaidhu, dàreli su cuntentu, lassàreli fàghere comente disizat; leare su g. a unu = negàreli su cuntentu; fàghere g. a una cosa = leare gustu, ingustare Frasi totu ant mandhigadu su segundhu cun apititu e cun gustu linghendhesindhe finas sos pódhighes ◊ de abbardente si ndhe at dau una paja de issurcadas chin gustu 2. lassa tue custu carrasciale de modas macas, custu gustu feu chi cheret dogni cosa istrupiare (A.Casula)◊ andhaiant pro gustu a lis fàghere sas cartas sa majarza ◊ a zogare gai no bi leo gustu ◊ si fiza mia si cheret cojare cun cussu, su gustu sou no bi lu leo! ◊ su maistu fut cumentzendu a pigai gustu a sa política 3. sunt pagos sos chi si podent catzare dogni gustu ◊ su babbu li catzaiat donzi gustu: l'aferraiat a cojuos, a binnennas, a tusorzos, a garas poéticas ◊ podes seberare a gustu e a piaghere ◊ a su fizu li daet donzi gustu ◊ lu tiant cherrer bídere e tocare a gustu insoro Cognomi e Proverbi prb: mellus unu gustu chi no centu siendas Traduzioni Francese plaisir, goût Inglese taste, pleasure Spagnolo gusto Italiano gusto, piacére Tedesco Geschmack, Gefallen, Lust.

gúta , nf: gute Definizione paràlisi de una parte de sa carena po tupadura de un’artéria de su crebedhu; in is frastimos, acidente, male bastat chi siat / g. sirena = paràlisi furminante Sinonimi e contrari acidente, paralisia / marturéntzia Frasi de candu dhi est cabau guta issu no at pótzidu fai prus nudha ◊ dhi at cabau guta e at pédriu fuedhu ◊ est rutu in terra pariat mortu: fint timendhe de li èssere falada una guta 2. mi calit guta chi no nau su giustu! ◊ anchi dhu calit guta! ◊ guta corali si calit, cadhatzanus! ◊ Perdu abarrat coment'e chi dhi siat calada guta candu Gesugristu dhi est passau ananti cun is manus acapiadas Terminologia scientifica mld Etimo ltn. gutta Traduzioni Francese apoplexie, paralysie Inglese apoplexy, paralysis Spagnolo apoplejía Italiano apoplessìa, paràlisi Tedesco Schlaganfall, Apoplexie, Lähmung, Paralyse.

gúta 1 , nf: gutza Sinonimi e contrari botiu, gutia*, istidha, istídhigu, làmbria, lútiu, lútria, paspia Frasi at ghetau una guta de ollu in sa pingiada ◊ deo puru nche apo ghetau sa gutza mea in sa tassa!

gúta 2 , nf Definizione maladia a is annoigadòrgios, chi si ufrant / g. a sas manos = chiragra; g. a sos pes = peanas Terminologia scientifica mld Traduzioni Francese goutte (méd.) Inglese gout Spagnolo gota Italiano gótta Tedesco Gicht.

gútas , nf pl Definizione genia de figura in trebballos de architetura Etimo spn. gotas.