A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

istàmu istàmene

istanacadúra , nf Definizione su istanacare Etimo srd.

istanacàre , vrb: istenagare, istenagiare, istenegare, istonagiare, stanaxai Definizione segare su tenaghe, tirare sa tega (es. a su pisu, a su pisucre); in cobertantza, bochíere, iscúdere Sinonimi e contrari istecare / ispistidhare 2. che aiat coladu tempus meda chena peruna fiolera e chena b'àere unu mortu istenegadu Etimo srd.

istanài, istanàre , vrb: stanai Definizione bogare, fàere essire de sa tana, pesare sa fera Sinonimi e contrari levare Traduzioni Francese dénicher Inglese to drive out Spagnolo desencovar Italiano stanare Tedesco aufjagen.

istànca , nf: istanga, stanga Definizione orrugu de linna grussu de pònnere apalas de sa genna po dha poderare serrada bene segura, o po trebballare in sa prentza in su molinu de s'olia, po fàere fortza ponendhodha apuntedhada a ccn. cosa Sinonimi e contrari barra 1, leva 1 Modi di dire csn: un'i. de ómini = ómine russu e artu, fatu in forte; corp'e istanga!… = male, mih! (si narat addaghi dispiaghet carchi cosa chi est piàghida a s'àteru chi si l'at tenta a fura o chentza la triballare) Frasi sa pira de sos isportinos cheriat azustada a istanca, supressendhe ◊ cumandhadu at zente cun istancas e a fine de ora cun tribàgliu tiradu ndhe l'ant fora (P.Pisurzi)◊ aferresit s'istanga po li corpare ◊ sa gianna fit serrada cun s'istanca de ferru ◊ ant agatau un'ou aici mannu… chi dhu fúrriant a istanga! 2. corp'e istanga: praxit a tui puru sa cosa bona! Etimo itl. stanga Traduzioni Francese barre, bâcle Inglese bar Spagnolo tranca Italiano sbarra, spranga Tedesco Stange.

istancàre , vrb: istangai, istangare, stangai Definizione apuntedhare cun istanga (pruschetotu is gennas) Sinonimi e contrari istangonare Frasi cherias istanga forte pro t'istangare sa zanna Etimo srd. Traduzioni Francese mettre la barre, bâcler Inglese to bar Spagnolo trancar Italiano stangare Tedesco verrammeln.

istanchéri , nm: istangheri, stangheri Definizione (f. -a) chie bendhet a sa minuda tebbacu in s'istanchígliu Sinonimi e contrari gabbelloteri, tobbacaju Frasi bai aub'e s'istancheri e portamí is sigaretas! ◊ li piaghiat prus su trinciadu chi faghiat isse chi no cussu de s'istancheri ◊ solu chin su chi das a s'istancheri, su chi trivàglias non bastat pro te! Etimo ctl., spn. estanquer Traduzioni Francese buraliste Inglese tobacconist Spagnolo estanquero Italiano tabaccàio Tedesco Tabakwarenverkäufer.

istanchígliu , nm: stanghígliu Definizione butega inue si bendhet a sa minuda su tebbacu o àteru de fumare Sinonimi e contrari istancu Etimo ctl., spn. estanquillo Traduzioni Francese bureau de tabac Inglese tobacco shop Spagnolo estanco Italiano tabaccherìa Tedesco Tabakwarengeschäft.

istàncu , nm: istangu, stangu Definizione butega ue bendhent tebbacu Sinonimi e contrari gabbellotu, istanchígliu / botighinu Frasi ube como b'est s'istancu bi aiat una buteca de cartzolaju Etimo ctl., spn. estanc Traduzioni Francese bureau de tabac Inglese tobacconist's Spagnolo estanco Italiano tabaccherìa Tedesco Tabakwarengeschäft.

istàncu 1 , agt Sinonimi e contrari ammungiadu, canciau, cansidu, fadiau, istracu | ctr. pasadu.

istànga istànca

istangài, istangàre istancàre

istanghéri istanchéri

istanghígliu istanchígliu

istangiàda istagnàda

istangiàrtu , nm Sinonimi e contrari bandera, ghione, istendardu, pignoni Traduzioni Francese étendard Inglese banner Spagnolo estandarte Italiano stendardo Tedesco Standarde.

istàngiu istàgnu

istangonàre , vrb: stangonai Definizione serrare, assigurare a istangone Sinonimi e contrari istancare Etimo srd. Traduzioni Francese barrer Inglese to bar Spagnolo atrancar Italiano sprangare Tedesco verriegeln.

istangòne , nm: stangoni Definizione orrugu de linna grussu o àteru de pònnere intrau in is muros apalas de sa genna po dha serrare segura; nau de ccn. artu e làngiu Sinonimi e contrari istanca Etimo itl. stangone Traduzioni Francese barre Inglese crossbar Spagnolo tranca Italiano spranga Tedesco Stange.

istàngu istàncu