A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

istàmu istàmene

istanacadúra , nf Definitzione su istanacare Ètimu srd.

istanacàre , vrb: istenagare, istenagiare, istenegare, istonagiare, stanaxai Definitzione segare su tenaghe, tirare sa tega (es. a su pisu, a su pisucre); in cobertantza, bochíere, iscúdere Sinònimos e contràrios istecare / ispistidhare 2. che aiat coladu tempus meda chena peruna fiolera e chena b'àere unu mortu istenegadu Ètimu srd.

istanài, istanàre , vrb: stanai Definitzione bogare, fàere essire de sa tana, pesare sa fera Sinònimos e contràrios levare Tradutziones Frantzesu dénicher Ingresu to drive out Ispagnolu desencovar Italianu stanare Tedescu aufjagen.

istànca , nf: istanga, stanga Definitzione orrugu de linna grussu de pònnere apalas de sa genna po dha poderare serrada bene segura, o po trebballare in sa prentza in su molinu de s'olia, po fàere fortza ponendhodha apuntedhada a ccn. cosa Sinònimos e contràrios barra 1, leva 1 Maneras de nàrrere csn: un'i. de ómini = ómine russu e artu, fatu in forte; corp'e istanga!… = male, mih! (si narat addaghi dispiaghet carchi cosa chi est piàghida a s'àteru chi si l'at tenta a fura o chentza la triballare) Frases sa pira de sos isportinos cheriat azustada a istanca, supressendhe ◊ cumandhadu at zente cun istancas e a fine de ora cun tribàgliu tiradu ndhe l'ant fora (P.Pisurzi)◊ aferresit s'istanga po li corpare ◊ sa gianna fit serrada cun s'istanca de ferru ◊ ant agatau un'ou aici mannu… chi dhu fúrriant a istanga! 2. corp'e istanga: praxit a tui puru sa cosa bona! Ètimu itl. stanga Tradutziones Frantzesu barre, bâcle Ingresu bar Ispagnolu tranca Italianu sbarra, spranga Tedescu Stange.

istancàre , vrb: istangai, istangare, stangai Definitzione apuntedhare cun istanga (pruschetotu is gennas) Sinònimos e contràrios istangonare Frases cherias istanga forte pro t'istangare sa zanna Ètimu srd. Tradutziones Frantzesu mettre la barre, bâcler Ingresu to bar Ispagnolu trancar Italianu stangare Tedescu verrammeln.

istanchéri , nm: istangheri, stangheri Definitzione (f. -a) chie bendhet a sa minuda tebbacu in s'istanchígliu Sinònimos e contràrios gabbelloteri, tobbacaju Frases bai aub'e s'istancheri e portamí is sigaretas! ◊ li piaghiat prus su trinciadu chi faghiat isse chi no cussu de s'istancheri ◊ solu chin su chi das a s'istancheri, su chi trivàglias non bastat pro te! Ètimu ctl., spn. estanquer Tradutziones Frantzesu buraliste Ingresu tobacconist Ispagnolu estanquero Italianu tabaccàio Tedescu Tabakwarenverkäufer.

istanchígliu , nm: stanghígliu Definitzione butega inue si bendhet a sa minuda su tebbacu o àteru de fumare Sinònimos e contràrios istancu Ètimu ctl., spn. estanquillo Tradutziones Frantzesu bureau de tabac Ingresu tobacco shop Ispagnolu estanco Italianu tabaccherìa Tedescu Tabakwarengeschäft.

istàncu , nm: istangu, stangu Definitzione butega ue bendhent tebbacu Sinònimos e contràrios gabbellotu, istanchígliu / botighinu Frases ube como b'est s'istancu bi aiat una buteca de cartzolaju Ètimu ctl., spn. estanc Tradutziones Frantzesu bureau de tabac Ingresu tobacconist's Ispagnolu estanco Italianu tabaccherìa Tedescu Tabakwarengeschäft.

istàncu 1 , agt Sinònimos e contràrios ammungiadu, canciau, cansidu, fadiau, istracu | ctr. pasadu.

istànga istànca

istangài, istangàre istancàre

istanghéri istanchéri

istanghígliu istanchígliu

istangiàda istagnàda

istangiàrtu , nm Sinònimos e contràrios bandera, ghione, istendardu, pignoni Tradutziones Frantzesu étendard Ingresu banner Ispagnolu estandarte Italianu stendardo Tedescu Standarde.

istàngiu istàgnu

istangonàre , vrb: stangonai Definitzione serrare, assigurare a istangone Sinònimos e contràrios istancare Ètimu srd. Tradutziones Frantzesu barrer Ingresu to bar Ispagnolu atrancar Italianu sprangare Tedescu verriegeln.

istangòne , nm: stangoni Definitzione orrugu de linna grussu o àteru de pònnere intrau in is muros apalas de sa genna po dha serrare segura; nau de ccn. artu e làngiu Sinònimos e contràrios istanca Ètimu itl. stangone Tradutziones Frantzesu barre Ingresu crossbar Ispagnolu tranca Italianu spranga Tedescu Stange.

istàngu istàncu