A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

lucòre , nm: lugoi, lugore, lugori, luxori Definizione lughe prus che àteru paga, bàscia, débbile, mescamente de sa Luna o de is istedhos, fintzes de su Sole apustis intrau, iscurigandho; in cobertantza, fintzes miglioria, su àere benes, interessu, in cantu est cosa chi si biet, chi lughet / betare, ghetare l. Sinonimi e contrari giaria, luchidore, lughia / abantzamentu, richesa | ctr. iscuricore, iscuru / poberesa Frasi sos seros si faghiant fainas a lugore de fogu ◊ seus pischendi mumungioni a lugori! ◊ a lucore de Luna che apo bidu tres pubas ◊ intro meu che zuto su lugore de mizas de istedhos de s'aera ◊ pro piedade, fàghemi lugore in cust'adhe! ◊ custu est lugori de sa Luna ◊ in d-una noti de lugori mannu iat portau su tallu a monti ◊ s'oro betat lucores de… oro! 2. catzat sàmbene su póveru e suore, e su ricu nachi est sou su lugore! Etimo ltn. lucore(m) Traduzioni Francese lueur, clarté Inglese glimmer Spagnolo claridad Italiano chiaróre, splendóre Tedesco Schimmer.

lucorósu , agt: lugorosu Definizione chi giaet lughe, lugore, nau fintzes in cobertantza de gente in su sensu de èssere apretziaos, connotos po su bonu Sinonimi e contrari giariosu, lugerosu, lugosu, lumenosu | ctr. iscuricosu Frasi in sa note funguda so chircandhe s'istedhu lucorosu ◊ sa luna lucorosa ispannat sas campuras 2. chi potat torrare cudhu risu lucorosu in custas larbas meas istudadas! ◊ de cantu fustis meda lugorosa ti ndhe aiat imbídia sa Luna (C.Buttu) Etimo srd. Traduzioni Francese lumineux Inglese bright Spagnolo luciente Italiano luminóso Tedesco leuchtend, strahlend, glänzend, hell.

lucósu , agt Sinonimi e contrari luchente.

lucréxu , nm Definizione iscova de argiolas o mundha domos, una genia de erba linnosa, fragosa, bona po iscobas de fora e po auscare porcos Sinonimi e contrari alacasu, alluevogu 1, bronzedhu, calacasu, cocici, locasu, luchitu, mummueu, ossassi, spinedopis Terminologia scientifica rbl, Stachys glutinosa.

lúcru , nm: lúcuru Definizione torracontu, profetu, benefíciu, arresurtau bonu chi si ndhe tenet de calecuna cosa Sinonimi e contrari badagnu, balanzu 1, gadagnu, gagnu, gualanzu, ingogna, profetu, torracontu | ctr. pérdia Frasi sos terrinos no dant lucru mancu a sos pastores ◊ de su tou malu operadu, ite lúcuru ndh'as tentu? ◊ bae a istudiare, fizu meu, e assumancu chi siat cun lúcuru! ◊ a ite tiat èssere a triballare chentza lúcuru?! ◊ si no mi aggantzas a díligu a díligu dae me no ndhe bogas lúcuru meda Etimo itl. Traduzioni Francese gain, lucre, avantage, profit Inglese gain, profit Spagnolo lucro, provecho Italiano lucro, profitto, vantàggio Tedesco Gewinn, Vorteil.

lucúra , nf: lugura Definizione su dhue àere o betare lughe, giare lughe / l. de istedhos = lugore Sinonimi e contrari giaria, luchidore, lucore, lughia / cdh. luciura Frasi fit die iscurosa e metzana, ma su sole mustresit totu sa lugura sua candho ti ant postu in sa losa ◊ sa poesia at ispartu rajos de lugura in Sardigna ◊ in tantu iscuru ant betadu lucura ◊ sighi costante s'istiga segura de s'arte antiga nóbbile e serena chi ghiat sola a portos de lugura (P.Casu)◊ su sole dae ora ch'est colcadu, sas istellas no ana prus lucura (P.Cabras)◊ acò chi mi passat in sa mente che unu lampu de lugura su comintzu de sa vida! Etimo srd. Traduzioni Francese luminosité, splendeur Inglese brightness Spagnolo luminosidad Italiano luminosità, splendóre Tedesco Helligkeit, Glanz.

lucúra 1 locúra

lucuràre , vrb Definizione nàrrere locuras, lochidades Sinonimi e contrari ciaciarrai, ciaramedhare, paraletare, spaparotai Etimo srd.

lucuràre 1 , vrb Definizione bogare o àere lúcuru, calecuna cosa de bonu, de badàngiu de su chi si faet, impreare sa cosa o su tempus a manera de ndhe bogare un'arresurtau bonu Sinonimi e contrari acanciare, conchistare, gadangiai | ctr. perdimentare, sperditziai Frasi za la lúcuras, tue sa cosa: abbaida cantu che ndhe ses fuliendhe de su bonu!…

lúcuru lúcru

ludàciu , nm Definizione cosa, malesa chi si sèberat e ponet in su fundhu de is istrègios prenos de calecunu lícuidu (mescamente binu, ógiu o àteru deasi) Sinonimi e contrari colàciu, fundaina, fundhalíssia, fundhuluza.

ludadúra , nf Definizione su ludai Sinonimi e contrari illudradura Etimo srd. Traduzioni Francese trempage dans la boue Inglese lute Spagnolo embarradura, embarrado Italiano lutatura, lutazióne Tedesco Bestreichen mit Lehm, Schlammbad.

ludài , vrb: alludai Definizione imbrutare de ludu, pònnere ludu, imbuscinare in su ludu Sinonimi e contrari allotriare, illudrare Etimo ltn. lutare Traduzioni Francese luter Inglese to lute Spagnolo enlodar, embarrar Italiano lutare Tedesco mit Lehm bestreichen.

ludàja , nf Definizione fémina bona a fàere pomentos de terra, de ludu Etimo srd.

ludàmine , nm: ludràmene Sinonimi e contrari ladrau Etimo srd.

ludàngiu , nm Sinonimi e contrari ladrau, ludàmine, ludratzu, ludrina, modhaca, molma Etimo srd.

ludapàssa , nf Sinonimi e contrari allelua, coraxedu, suciosa Terminologia scientifica rba.

ludàrgiu , nm Definizione logu totu ludu, prenu de ludu Etimo srd.

lúde , agt Definizione its Frasi batiu e incanidu, est sempre solu che píbera lude (S.Casu).

ludhuràre lodhuràre