A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pianíta , nf: pranita 1 Definizione prana, pruschetotu pitica, po allisare sa linna / pàrrere passada in pranita (nau de fémina) = èssiri marria, portai titas pitichedhas Frasi ancora ischit tratare su martedhu, sa pianita e puru sa tenaja (A.Nínniri) Terminologia scientifica ans Traduzioni Francese petit rabot Inglese jack plane Spagnolo juntera, guimbarda Italiano piallétto Tedesco Schlichthobel.

piànta , nf: pranta Definizione s'ala de sa manu ue si pigat sa cosa, sa parte pruposa chi tocat e serrat, fintzes sa parte de fundhu de su pei; nau de fràigos o logos abbitaos, su disegnu chi dhos arrapresentat de istérria in iscala / pranta de cane = àpiu burdu o erba de arranas (Ranunculus bulbosus, R. sardous); pranta de seda = erba de seda, de cotoni (Asclepias fruticosa, A. syriaca) Modi di dire csn: leare sa pianta de una domo = disegnare coment'est fata de istérrida; bídere che in pranta de manu = bene meda, craru coment'e chi sa cosa si zutat in dainanti; pranta de domo = logu, arrogu de terra in bidha aundi fai sa domu; pigare, portai a unu in pranta de manus = cun rispetu e istima meda; andhare a pranta lada = iscurtzu; fai o pònniri planta (nadu de caminos o àteru logu a colare ludosu, modhe) = assutare, intostare sa terra de si pòdere colare chentza afungare Frasi si est presentadu cun sa conca de su mortu in pianta de manos ◊ candho est dormida fàgheli su corigori in prantas de pes! ◊ cussu est sempri andendu coment'e chi portit fogu in prantas de peis! ◊ est ghiratu chin sas prantas de sos pedes chi pariant pratu de petza mólita ◊ li est costadu s'andhonzu…ndh'est torradu pianti finidu! 2. dae cue si podet bídere su logu che in pranta de manu ◊ s'intendint su fogu in pranta de peis ◊ cussos terrinos parent postos a istérrita che in sa pranta de sa manu ◊ sos chi como sunt mannitos curriant a pranta lada ◊ cussu terrinu l'at béndhidu a prantas de domo Cognomi e Proverbi smb: Pianta, Pranta Terminologia scientifica crn Etimo ltn. planta Traduzioni Francese paume, plante Inglese palm Spagnolo palma (mano), planta (pie), plano Italiano palma, pianta Tedesco Handfläche, Plan, Grundriß.

piànta 1 , nf, nm: piantu 1, planta Sinonimi e contrari àlbere, funnu, mata Frasi sa pianta coltiva e lassa rea, sàlvala da'istrales e segones! ◊ sos piantos cherent adderetados dae minoredhos Cognomi e Proverbi smb: Planta, Plantas Etimo ltn. planta.

piantàda , nf Definizione su prantare cosa, mescamente matas Sinonimi e contrari prantamentu Etimo srd. Traduzioni Francese plantation Inglese plantation Spagnolo plantación Italiano piantagióne Tedesco Pflanzung.

piantàlza , nf Definizione prantàgia, cosa pitica de prantare; pigione nou de abe, casidhera Sinonimi e contrari pranteri Frasi como est ponindhe piantalza, ma si s'ortulanu no est bonu li essit male 2. su casidhaju nou si faghet sa piantalza serrada a muru in logu solianu, a bàrigu a bentu.

piantàre , vrb: plantai, prantai, prantare, prantari Definizione nau de prantones, matighedhas o fintzes de prantàgia, pònnere in sa terra trebballada in fossighedhu, in fossu, cun is arraighinas in fundhu bene ammontadas de terra a manera de sighire a crèschere; fintzes semenare, betare su sèmene; pònnere cosa a bisura de mata o palu, fichia in terra de abbarrare firma; rfl. pònnere istrantagiaos, a bisura de mata, in posidura verticale Sinonimi e contrari semenai / ficare, fichire Modi di dire csn: prantare (bide) a fundhu betadu = a pértia furada, sentza ndi dha segai de su fundu; torràresi a prantare (nadu de ccn.)= faisí torra su tallu cun sa ponidura, torrare a comintzare un'impreu apustis de su dannu, de una fura Frasi no s'istodhit un'àrvure annosa pro la piantare in àteru logu! ◊ issu torrat a prantai is matas aundi segat ◊ nonnu aiat prantadu cussa nughe candho fit nàschidu babbu ◊ in cussa terra si podiat prantai fintzes linu ◊ in s'ortu bi prantamus latuca, càule, sèllere 2. pentzat issu a prantai is palus po cuncordai un'arcu 3. medas ant giau una manu de agiudu a Giuanni po si torrare a prantare, ca ndhe dh'iant furau su bestiàmene 4. is piciocos si prantaiant aposta in sa gennighedha de crésia po biere is piciocas deghi essiant ◊ is piciocos cicios in sa muredha si funt prantaos po saludare su preide Etimo ltn. plantare Traduzioni Francese planter Inglese to plant Spagnolo plantar Italiano piantare Tedesco pflanzen.

piantàrzu , nm Definizione argiola po fàere prantàgia (prus che àteru cosas de ortu), fundhighedhos de prantare, tuledha Sinonimi e contrari agliola, atuedha Etimo srd.

piantàza , nf: prantàgia, prantàglia, prantalla, prantarja, prantarza, prantaxa 1, prantaza Definizione erbas de ortu, o fintzes matighedhas piticas, de bogare de s'argiola e de prantare inue depent fàere mannas; a logos est fintzes unu pàstinu a bide americana, o una terra posta a prantones de frutuàriu Sinonimi e contrari postinaza, prantedu, pranteri Frasi est prantàglia frisca e cheret abbada ◊ fato arzoledhas e bendho sa prantaza Etimo ltn. plantaria Traduzioni Francese pépinière Inglese seedbed Spagnolo plantón, semillero Italiano semenzale, piantime Tedesco Sämling.

piantèglia , nf: plantella Definizione pígiu de cosa fine chi si ponet in su fundhu de is iscarpas a sa parte de aintru, prus che àteru po chi su fundhu arresurtet lisu e istet bene su pei Sinonimi e contrari ispiantèglia Etimo itl. piantella.

piantèsa , nf Definizione fata o atzione delicada, finesa, galania: in cobertantza, fintzes su contràriu / mi at fatu una p. = mi at fatu unu dirbetu Etimo itl. piantare in asso.

piantigósu , agt: pranticosu, prantigosu Definizione nau de ccn., chi est a làmbrigas calandho, chi che dhi calat su prantu Sinonimi e contrari piantinosu, pranghicosu Frasi deo malevadadu abbàido prantigosu sa mama chena gosu e mi ndhe apeno!◊ cussu ascamile de pisedhutza piantigosa mi che at fatu fuire Etimo srd.

piantigótu , agt Definizione chi portat is prantas de is peis totu callos, ma nau prus che àteru po unu bagamundhu Sinonimi e contrari bagamundheri, bandhuleri Etimo srd.

piàntigu , nm Sinonimi e contrari piantu Frasi pessaia chi sos chertos de sa vida fint sos piàntigos de una criadura (P.Foragizzu) Etimo srd.

piantinósu , agt: prantinosu, prantulosu Definizione chi costumat a prànghere, chi pranghet po dónnia cosighedha Sinonimi e contrari achiguladu, chensciosu, memulosu, pianghijolu, piantuleu, pibinosu, prangidori, prantueri, princhiadori, spreàrgiu Etimo srd. Traduzioni Francese geignard Inglese whiny Spagnolo llorón Italiano piagnucolóso Tedesco Jammerer.

piantonàre , vrb Definizione lassare a s'ingrundha s'àteru a solu.

piantòne , nm Definizione chie est postu a bàrdia, mescamente in casermas, a castiare s'intrada, o a custodiare a ccn.: si narat fintzes cun tzacu de unu chi istat coment'e ammammalucau.

piantòne 1, piantòni , nm: plantoni, prantone, prantoni Definizione matighedha de prantare o prantada ma ancora pitica Sinonimi e contrari arvuritu, matixedha, matutzedha Frasi sos campos fint fatos a binzas e a ortos de prantones de frútora ◊ su procu ndi at bogau su mellus prantoni ◊ si che segas su prantone no faet prus sa mata! ◊ resurtadu metzanu, ca tue ses che prantone tropu abbadu!◊ su prantone est a dh'adderetzari a piticu! Etimo srd. Traduzioni Francese arbrisseau Inglese small tree Spagnolo árbol pequeño Italiano alberèllo Tedesco Bäumchen.

piàntu , pps, nm: ciantu, plantu, prantu Definizione de prànghere; su prànghere, su istare pranghendho Sinonimi e contrari piàntigu / addorojamentu, addoroju, teroju, tormentu | ctr. arrisu Modi di dire csn: calai o falare su prantu = falare sas làgrimas; iscoraisí de su prantu = irfàgheresi in làgrimas; arrebbentare de prantu = prànghere ora meda, a boghes, iscadraxai (nadu mescamente de criaduras); abbadherigare de su prantu = intostaisí prangendi, ammustèrchere; scrocuedhara de prantu = ilborrocu de prantu Frasi si ndh'est totu prantu ◊ l'ant iscutu ma no bi at prantu ◊ a issu dh’iant prantu coment'e unu de sa famíglia ◊ iant prantu meda totu is gianas 2. in domo totu est dolore e piantu meu e de sos nostros fizighedhos, sos chi tue as lassadu orfanedhos (P.Porcu)◊ dh'est iscapau su prantu ◊ ndi dh'est calau su prantu Etimo ltn. planctus Traduzioni Francese larmes, pleurs Inglese crying Spagnolo llanto Italiano pianto Tedesco geweint, Weinen.

piàntu 1 piànta 1

piantuléu , agt: prantaleu, prantueu, prantuledhu, prantuleu Definizione nau de ccn., chi est sèmpere a su pranghe pranghe, chi acostumat a prànghere po dónnia cosighedha Sinonimi e contrari achiguladu, chensciosu, memulosu, miaulosu, piantinosu, pibinosu, piciosu, prantulosu Frasi gei ses un'ómini prantueu!…◊ betzos, piantuleos comintzant crama crama: "Fizos! fizos!"◊ isalenendhe, a boghe piantulea, aiat batidu sa ditada chi sos Americanos aiant bumbaldadu a Castedhu Traduzioni Francese geignard Inglese grumbler Spagnolo llorón Italiano piagnóne Tedesco Jammerer.