A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

trinchítu trincète

trinchítu 1 trinchète

trinchizàre , vrb Definizione allegrutzare, mòvere, su si trèmere totu de sa cuntentesa Sinonimi e contrari trinchitare Frasi forsis ti crees brinchendhe o trinchizèndhedi in su ballu? Etimo srd.

tríncia , nf: trintza Definizione tira de cosa, mescamente de pedhe, cun sa tíbbia, de pònnere in chintzu; su tretu de chintzu de unu bestimentu (pantalone, gunnedha o àteru); genia de camisa de is féminas a pònnere asuta de sa gunnedha / min. trintzedha, trintzedhu (bestimentu) Sinonimi e contrari chinghedhu, chintòglia, chíntula, lorita / chítula / cànsciu Frasi su giàganu majore tuchendhe a sa festa fit cun su pè de sa rughe abbudhadu in sa trintza de sas ragas 2. is cracionis funt asciutus, ma no in sa tríncia Etimo ctl., spn. trinxa, trincha.

tríncia 1 trícia

trinciàda , nf Definizione su trinciai Sinonimi e contrari trinciadura.

trinciàdu , nm: trinciatu, trinciau, trintzadu, trintzau Definizione tebbacu àrridu fatu a farinos, a orrughedhos fines e longhitos Frasi iap'èssi bófiu trochillai su trinciau cun is didus Traduzioni Francese tabac râpé Inglese cut tobacco Spagnolo picadura Italiano trinciato Tedesco zerschnitten.

trinciadúra , nf: trintzadura Definizione su trinciare Sinonimi e contrari trinciada / secadura / festadura.

trinciaghélvia , nm Definizione genia de tragu de ferru a punciones o a discos po istrecare is leas in sa terra arada Sinonimi e contrari ingranzadorza, iscatadorza.

trinciài, trinciàre , vrb: trintzare Definizione segare, pistare a piticu, a fine (nau mescamente de cosa àrrida); segare, amminudare cosa de papare (es. sa petza orrostia, cota), segare s'orrobba de cosire Sinonimi e contrari amminudare, apimpirinai, irfarfaruzare, scirfinai, spamparinai, spimpiridai / secare Frasi pro si fàghere pipadas de tebbacu trinciaiat sa foza de su mudeju.

trinciàtu, trinciàu trinciàdu

trincòne, trincòni , agt, nm Definizione chi o chie bufat binu a meda Sinonimi e contrari bibidore, bufadore, inciumidore, trincadore Etimo itl. trincone Traduzioni Francese gros buveur Inglese boozer Spagnolo cuba, aficionado al vino Italiano beóne Tedesco Säufer.

tríncu , nm arresorzada, frincu, ischingiada, secada, sinnolu, trínchisi / tzulumbone Definizione segada a lepedha, gurtedhu, trintzete, o àteru, fintzes pistadura ufrada de cropu a conca, giúmburu Frasi portàt unu trincu ca su babbu dh'iat donau una surra a pompa ◊ custu mangallu de piciochedhu si at fatu unu trincu in conca ◊ Bachisedhu est rutu in terra, chin d-unu trincu in conca Etimo ctl. trenc Traduzioni Francese coup de rasoir Inglese razor slash, wound Spagnolo navajada, herida, golpe Italiano rasoiata, ferita da tàglio o da còrpo contundènte, tràuma Tedesco Schnittwunde.

trinèdha , nf Definizione tres genias de pigiones: orgiali, crunculleu, murinata Sinonimi e contrari olzale / afuràrgiu, craculeu, fruferarzu, frufurinu, tziria / morinata Terminologia scientifica pzn Etimo srd.

trinellàre , vrb Definizione istare a boghes, faendho bacanu, trinellu, sonos a cropu Sinonimi e contrari ataviare, intrigliare, tambedhare Frasi sos telarzos no sunt cosa de como: trinellant e imbràstagant sa domo e ponent tríulu…

trinéllu , nm Sinonimi e contrari carralzu, chichígliu, chimentu.

trinetàre , vrb Sinonimi e contrari arrandai, irrandhare Etimo srd.

tringhillàu , agt Definizione nau de ccn., chi est alligru a binu / t. de sentidu = machillotu Sinonimi e contrari inciadiu, muschitau, piciuau, trischillau.

tringhítu , nm Definizione sa sonàgia prus pitica chi si ponet a su bestiàmene (prus che àteru a is angiones), una genia de picarola pitichedhedha Sinonimi e contrari chícula, trinnedhu, trinnitu Terminologia scientifica snl.

trinicàre , vrb: trinigare, trinnigare Definizione trèmere, su si trèmere totu, mòvere, su si mòvere a iscutuladura, a tremidura Sinonimi e contrari busigare, sachedhare, saidare, tidhiricare, trèmere, tremuai Frasi mi trinnigaia che foza, de su fritu ◊ mi paret chi mi pungant a puntorzu e mi ndhe trínnigo in totu sa carena ◊ ti trínnigas in s'íntimu ammentendhe sos basos, sas promissas ◊ s'ischideit atriciatrícia de suore, trinnighèndhesi che canna pro unu sónniu feu 2. sos furfurajos afainaos, trinicandhe sas alas, pariant chene pache ◊ no mi trínnighes! ◊ susuja, rocu e loros asseguras, a unu a unu dogni arminzu aparas e trínnigas s'aradu e totu esploras (P.Casu)◊ su bentu no trínnigat mancu sas fozas 3. si est trinnighendhe, s'aera est minetendhe tempesta 4. acumpanzat sos movimentos de sas pedaladas trinnighendhe pagu pagu sa conca a manca e a dresta Etimo srd. Traduzioni Francese trembler, frissonner, secouer Inglese to tremble, to shiver, to shake Spagnolo temblar, estremecerse, sacudir Italiano tremare, rabbrividire, scrollare Tedesco zittern, schaudern, schütteln.