Ditzionàriu in línia
de sa limba e de sa cultura sarda

assobinài , vrb: assolinari Definizione pònnere a pigare sole, pigare sole Sinonimi e contrari assoliae, assorinai Frasi assobinai su trigu in s'argiola ◊ cuss'animabedhu ariseu fut assobinendu in su pranu ◊ lah is calixertas assolinendi! Etimo srd. Traduzioni Francese exposer au soleil Inglese to sun-dry Spagnolo solear, asolear Italiano soleggiare Tedesco in die Sonne legen.

assocài , vrb Definizione nau de erbas e matedu, betare soca, pònnere arraighinas e crèschere bene (fintzes cracu); nau de gente, callai a ciorbedhu, crèschere de seru, essire giuditziosos Sinonimi e contrari acherrai, atichire, tènnere / insabiai Frasi su sèmini nascit, assocat e inflorit ◊ cuss'erba assocat meda, crescit meda a cambus ◊ custu sarmentu at assocau bèni Etimo srd. Traduzioni Francese pousser Inglese to take root Spagnolo arraigar Italiano allignare Tedesco gedeihen.

assocàre , vrb: assogae, assogai Definizione acapiare cun sa soga; tènnere o cassare a soga o a latzu un'animale, mescamente currendho, betandhosidha a conca de atesu, a irfogu; in cobertantza, incantare, acapiare chentza fune, giare una briga / assogai a corrus límpius = betendhe sa soga própiu a corros, chentza leare àteru, precisu Sinonimi e contrari acapiae, insogai | ctr. iscapare, isorbere Frasi ant assogau sa mallora, aferrada e istrumpada ◊ no dhu lessis a si fui: assogadhu! 2. is sonadas no tenint su poderi de assogai s'ànima ◊ sangunera pasteratza, satzas is bramas chi ti assogant sangrendu a chini t'istimat! ◊ a sa becesa su coru benit assogau de s'ispédhiu de su tempus chi unu at bíviu biatzu (Z.Sanfilippo)◊ lillu prenu de puresa chi mi assogat su coru! (An.Casula) Etimo srd. Traduzioni Francese assujettir Inglese to subjugate, to seize Spagnolo someter, capturar Italiano assoggettare, catturare Tedesco unterwerfen, fangen.

assodhíri , vrb Definizione arregòllere a unu a unu, a pagu a pagu, pònnere totu impare, chistire; nau de una segada o freadura, martzire, fàere a matéria / pps. assodhiu, assodhitu Sinonimi e contrari assodhai, assortai, assortire, bodhiri, collire Frasi assodheus firmas po una proposta de lei ◊ is carrogas si assodhint impari ◊ at assodhiu is pipius asuta de sa manta ◊ in cortilla dhoi fiant sordaus e serbidoris assodhius acanta de su fogu 2. mi fait su prexeri de mi assodhí custu porcu cantu abarru innòi? ◊ beni, o morti, e assodhimindi! ◊ e duncas custa computeredha portat cosa po assodhiri totu su ch'iscrís? ◊ assodhendusí sa sutana me is genugus, su predi si est sétziu 3. seu bessiu mau dèu puru, depu ai assodhiu de su capu scuadra miu! Traduzioni Francese rassembler Inglese to gather Spagnolo reunir, juntar Italiano riunire Tedesco sammeln.

assolàe , vrb: assolare 1 Definizione apartare, istare o èssere a sa sola, abbandha; pònnere a sa sola Sinonimi e contrari abbandhare, apaltare, assolitare, assoloriai, isolai Frasi carimanna, si seru aeras tentu ti aias comporadu unu cuzone e ti fist assolada! (M.Murenu)◊ istat coment'e fera assolada in sas matas ◊ mi assolo cun sos pensamentos mios (G.Manca) 2. su betzu a tremulea, in dolos mannos, a fizu e nura àscamu faghiat: tandho a l'assolare benit s'idea (Chighine)◊ ant decretadu chi sa Sardigna siat assolada Etimo srd. Traduzioni Francese isoler Inglese to isolate Spagnolo aislar, marginar Italiano isolare, emarginare Tedesco isolieren, ins Abseits stellen.

assoliàda , nf: soleada Definizione su assoliare, su pigare o giare sole Sinonimi e contrari assoliamentu Frasi li cheret dadu una bella assoliada a su basolu pro che lu remonire Etimo srd. Traduzioni Francese ensoleillement Inglese hanging out to dry Spagnolo soleamiento Italiano soleggiatura Tedesco Sonneneinstrahlung.

assoliàe, assoliài , vrb: assoliare Definizione pònnere a pigare sole, pigare sole Sinonimi e contrari assobinai, assorinai, soghiai Frasi sas tilichertas sunt frimmas assoliàndhesi ◊ a assoliare trematas, fàunas e mantas lis faghet bene ◊ fasolu, moriscu, nughe, méndhula e àteru gai cheret assoliadu innantis de lu remonire ◊ assóliati sa carena in custu sole! ◊ cussu traste frundhidu bi est annos assoliendhe fora! Etimo srd. Traduzioni Francese exposer au soleil Inglese to dry in the sun Spagnolo solear Italiano soleggiare Tedesco in die Sonne legen.

assoliaméntu , nm Sinonimi e contrari assoliadura Etimo srd. Traduzioni Francese ensoleillement Inglese hanging out to dry Spagnolo soleamiento Italiano soleggiatura Tedesco Sonneneinstrahlung.

assolocàre , vrb: assologare, atzologare Definizione arrespirare forte, a pelea, candho si leat múngia meda, arrebbentu, o fintzes assíchidu Sinonimi e contrari assoropare, isalidare Traduzioni Francese essouffler Inglese to trouble Spagnolo jadear Italiano affannare Tedesco keuchen.

assòlvere , vrb: assòlviri Definizione foedhandho de incurpaos chi dhis ant fatu su dibbatimentu, o de chie cufessat is curpas suas, mandhare o lassare andhare perdonau, bogare líbberu, dichiarare innocente / pps. assoltu, assortu, assólvidu Sinonimi e contrari asciolli, assolussonare, perdonai | ctr. cundennai Etimo ltn. assolvere Traduzioni Francese absoudre, acquitter Inglese to absolve, to release Spagnolo absolver Italiano assòlvere Tedesco befreien.

assopiài , vrb: atzopiai, atzopigare, tzopiai Definizione andhare a tzopu, fàere a tzopu; èssere difetosu, bogare difetos Sinonimi e contrari topiligare, tzancarrare, tzanchitai / aprapiai, atopigare, intopare, intopire, irtopiligare Frasi po tanti chi est cosa de papai e bufai, dhu bit beniu mancai atzópia atzópia!…◊ seu atzopiendi ca m'increscit unu pei 2. in cuss’arti atzopiamu e apu cambiau trabballu 3. sa pudheca non dh'apu prus bia si currit ancora o est atzopiara Etimo srd. Traduzioni Francese rendre boiteux, boiter Inglese to limp Spagnolo dejar cojo, cojear Italiano azzoppare, zoppicare Tedesco lahm werden, hinken.

assorinài , vrb Definizione pònnere in su sole, assoliare, pigare sole Sinonimi e contrari assobinai, assoliae Frasi ispànigat, su soli si àrtziat e sa caluxértula essit po assorinai Etimo srd. Traduzioni Francese exposer au soleil Inglese to expose to sunlight Spagnolo solear Italiano espórre al sóle Tedesco in die Sonne legen.

assortài, assortàre , vrb Definizione fàere una sorte, un'issorta, una chedha, pònnere impare Sinonimi e contrari acolondrare, acorrae 1, acorralai, assodhiri, assortí, assortillai Terminologia scientifica pst Etimo srd. Traduzioni Francese réunir Inglese to gather Spagnolo juntar Italiano riunire Tedesco sammeln.

assorteài , vrb: sortae Definizione tirare a sorte, fàere a billetes, a chie tocat tocat Etimo spn. Traduzioni Francese tirer au sort Inglese to choose by lot Spagnolo sortear Italiano sorteggiare Tedesco auslosen.

assortí , vrb: assortie, assortire, assortiri, assultire, sortire Definizione fàere un'assorte, pònnere impare; nau de gente, aunire, atobiare, bènnere, o fàere atobiare a su matessi logu; nau de calecunu male, bènnere, lòmpere, ingòllere / zente assultida e de malas intrànnias = regortorzos e malos, aproviaus; èssere male assultidu = unu chi benit de fora, aproviau, pagu aggradéssiu Sinonimi e contrari assodhiri, assortai, assortillai / abbogiare, acodie, acorrae 1, addopare, aproghilare, assèndhere, ghirare / bènnere, capitare Frasi bi tenzo duas berbeghes assortidas e no si cumprendhet de chie sunt ◊ ndi at assortiu su tallu ◊ cussos avassos cherent assurtidos a un'isterzu ◊ apo assultidu sas bacas a inoghe ◊ totus cussus sentza de trabballu chi assortant a pratza de crésia! 2. no as a assortie candho ti at a pigae fàmene? ◊ chi is cuntzilleris no fetzant de mancu de assortiri ◊ no tzerrist, ca assortit genti! ◊ a innòi assortit sa genti po chistionai ◊ assultimus a s'oru de su prochile ◊ assortei unu momentedhu ca intendeis! 3. stau ca ndi dh'assortit sa tubbercolosi! ◊ cussa mexina dhi serbit candu dh'assortit su daori de brenti ◊ a su póveru l'assurtit una ruta fintzas in su paris ◊ gei no at a assortí sa calentura a tui puru?!…◊ pessanne a cantu li fit assortitu li fit assénnitu s'ingadhintzu 4. cussu est un'assurtidu, solu fizu de tita! Traduzioni Francese rassembler, réunir Inglese to assemble Spagnolo reunir, juntar Italiano adunare Tedesco zusammenrufen.

assotziài, assotziàre , vrb Definizione fàere un’assótziu, su si pònnere impare po fàere calecuna cosa a cumone Sinonimi e contrari acumonai Traduzioni Francese réunir Inglese to associate Spagnolo asociar Italiano associare Tedesco vereinigen.

assubentài , vrb: assubentare, assubrentare, assuentai, assuentare Definizione èssere o fàere a assúpidu, torrare àlidu coment'e chi unu apat curtu; pigare su subentu o fúria bentosa Sinonimi e contrari acaugare, addemare, atanare, irfodhiare, isalidare, scannai / assubrimare Frasi su pipiu fiat assubentendu, cun cudhu sarragu mannu pariat donendu s'úrtimu respiru ◊ est arribbau a su monti assubentendu ◊ fiant assubentendu forti me is pesadas ◊ ses assuentendi ca fiast currendi ◊ si fiat assubrentau e isciopau puru ◊ seu giai assubentendi isceti a su pensamentu! Etimo srd. Traduzioni Francese devenir poussif Inglese to become broken-winded Spagnolo jadear, enfermar de huélfago Italiano ansimare, imbolsire Tedesco keuchen, ermatten.

assuconài , vrb: assunconai, atzuconai, atzunconai, sunconai, tzuconai Definizione prànghere a suncutos, a assuconis, a meda de no pòdere mancu torrare àlidu; fàere moida coment'e assuconis Sinonimi e contrari assungurtai, assupedhare, piànghere Frasi assunconendi disisperau mi fia cuau in is lentzorus ◊ fiat prangendu e assunconendu coment'e unu pipiu ◊ su dolori dha fait atzuconai ◊ dh'at atzuconau che mortu 2. est lómpiu apustis de totu una dí chi su trenu iat assunconau Etimo srd. Traduzioni Francese sangloter Inglese to sob Spagnolo sollozar Italiano singultire Tedesco schluchzen.

assudhíre , vrb: sudhire* Definizione àere sudhos, arreolos, pentzamentos, impudu Sinonimi e contrari acimbellai, apinnicare, insudhire, apistichinzare Frasi de me prus no ti assudhes! Traduzioni Francese se préoccuper Inglese to worry Spagnolo preocuparse Italiano preoccuparsi, impensierirsi Tedesco sich Sorge machen.

assuermài , vrb Definizione cessare, fàere cessare o miminare, apasigare Sinonimi e contrari abbacai, abbambagare, abblandai, ammellare / assebiai, assentulae, assuzetare, asutai Frasi si ndi fiat arrísiu biendi su sennori assuermau a is afuetadas de giaja ◊ si assuermat su bentu, su prantu, su dolori ◊ de suncunas, is arrundonis s'assuermànt ◊ sa bolla de isciri de su pipiu no si assuermat ◊ assodhimindi in d-unu púniu de luxi e at a èssiri paxi, mi as a assuermai ◊ is carignus serbint po ti assuermai ◊ si no ti assuermas ti zúmiu un'iscavanada! Traduzioni Francese apaiser Inglese to placate Spagnolo aplacar Italiano placare Tedesco besänftigen.