A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

acidrianài achirdinàe

acidrianàu achirdinàdu

acidrinàe, acidrinài achirdinàe

acidróxu , nm Definitzione animale piticu ma bonu, fatu de si pòdere bochíere Sinònimos e contràrios achisógliu, isórgiu, ochisolzu*.

àcidu , agt, nm: àssidu, àtzidu Definitzione chi tenet sabore forte, pitziosu, aghedu, prus che àteru de cosa guasta; css. sustàntzia chi in sa molècola sua podet aciapare àteros eletrones Sinònimos e contràrios acru, achedu 2. dona atentzioni chi no ndi essat s'àcidu de sa bateria! Terminologia iscientìfica sbr Ètimu spn. àcido Tradutziones Frantzesu acide Ingresu sour Ispagnolu ácido Italianu àcido Tedescu sauer, Säure.

acidúmini , nm: aghedúmene, axedumi, axedúmini Definitzione sabore aghedu, su èssere aghedu, fintzes fragu de cosa agheda, guasta Sinònimos e contràrios acidesa, acriore, acriúria, agrúmine, agrura, axedore / ammadricadura, axedadura, axedamentu Frases at aspetau chi sa pasta fessit a su puntu giustu de axedúmini ◊ conta su tempus chi cheret po s'aghedúmene po fàere su pane! Terminologia iscientìfica sbr Ètimu srd. Tradutziones Frantzesu acidité Ingresu sourness Ispagnolu acidez Italianu acidità Tedescu Säure.

acillonàju, acillunàju , nm: arcillonaju, cillonaju* Definitzione chie andhat in giru peri is bidhas bendhendho furesu, unu chi bendhet cillones Terminologia iscientìfica prf.

acimbellài , vrb rfl Definitzione istare in pentzamentu e fintzes su si pigare dispraxere po calecunu bisóngiu o dificurtade, portare cimbellas in conca Sinònimos e contràrios apinnicare, apistichinzare assudhire, insudhire Frases fut totu acimbellau chi no agatàt genti a donai su sànguini, ca depint operai a sa mulleri ◊ no t'acimbellis po sa cosa de pagai: prega po sa saludi! ◊ immoi ca iscís chi est arribbendi acabbadha de ti acimbellai! Ètimu srd. Tradutziones Frantzesu se préoccuper Ingresu to be worried Ispagnolu preocuparse Italianu preoccuparsi Tedescu besorgt sein.

acimentài , vrb: aciumentai Definitzione fàere a cimentu (prus che àteru pomentu) Sinònimos e contràrios intzimentare Frases ant acimentau sa pratza lassendi sa terra in mesu cun is matas.

acimúsa! , iscl Sinònimos e contràrios atzidente!, lampu!

acinnài achinnàe

acinnài 1, acinnàre , vrb: atzinnare, tzinnare Definitzione fàere a acinnos, cun is ogos o fintzes cun sa manu o sa conca, po bòllere nàrrere o fàere a cumprèndhere calecuna cosa; fintzes fàere una móvia coment'e po bòllere fàere calecuna cosa, o cumenciare a foedhare Sinònimos e contràrios ammiare, atzinnire / schichiai Frases mi at acinnau cun is manus a benni 2. babbu mi at acinnau una sparuara ◊ pentza ca su saludu mi dh'at feti acinnau! ◊ ndi dh'apu acinnau dèu de sa cosa chi m'iast nau tui Ètimu itl. Tradutziones Frantzesu faire signe Ingresu to make signs Ispagnolu hacer señas Italianu accennare, far cénni Tedescu winken.

acinnédhu , nm Definitzione trastu fatu addatu po pònnere sa criadura a crocare Sinònimos e contràrios atzicu 2, bàncigu, barciolu, chíglia, giógulu, lacu 1.

acinnèssi , agt, nm Definitzione chi o chie no est bonu a nudha Sinònimos e contràrios cartzellete, casticau, dissalliu, innangaradu, isbitriadu, néssiu.

acinniadúra achinnadúra

acinniài achinnàe

acinnicàda , nf Definitzione su acinnicai Sinònimos e contràrios iscutinada, saculada, saidada, sachedhada Frases iat aderessau sa cara ispundendu cun d-un'acinnicadedha de conca a su saludu (P.Doneddu) Ètimu srd.

acinnicàe, acinnicài , vrb Definitzione iscutulare a forte matas, naes o fintzes gente, mòvere a s'andhalieni Sinònimos e contràrios achinnae, assachitai, iscotzinare, iscutuai, sachedhare, saidare, saigare, tzantziare Frases in palas de s’altari su sacrestanu est acinnichendu su turíbbulu po ndi bogai s’incensu (C.Carta).

acinnícu , nm Definitzione su acinnicai Sinònimos e contràrios iscutinadura, sachedhonzu, scutulamentu Ètimu srd.

acínnidu , nm: acinnu, atzinnu Definitzione genia de móvia chi si faet mescamente cun s'ogu o cun sa manu, sa conca, coment’e bolendho nàrrere o inditare calecuna cosa; acinnu est fintzes sa lampada de is lampos atesu chentza chi s'intendhat su tronu Sinònimos e contràrios acinnira, ammiada, chinnida, cinnu / lampada Frases no mi fetas atzinnos ca no isco a tzinnare ◊ dhi fait acínnidu cun su didu a su sartitzu apicau Ètimu srd. Tradutziones Frantzesu signe, cligner de l'oeil Ingresu nod, wink Ispagnolu ademán, seña Italianu cénno, accénno Tedescu Zeichen, Wink.