A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

caràssiu, caràssu cabàsciu

carastiósu , agt: carestiosu, carestosu Definitzione chi costat o si pagat meda; nau de chie bendhet cosa, chi est tropu caru, chi faet prétzios artos Sinònimos e contràrios caru | ctr. baratu Frases is pipios immoe bolent gioghitos carestiosos e tocat a dhos pigae in butega (M.L.Melis) 2. cussa buteghera est tropu carastiosa: su cordolinu ti dhu fait pagai a prétziu de bisteca! (L.Serpi) Ètimu itl. carestoso.

caràsu , nm, agt Definitzione sa carena chentza prupa, ossos solu, s'ossamenta (su c. de sa foza = sa nerviadura); chi o chie portat sa pedhe imbodhigada a s'ossu de cantu est làngiu, romasu cadidu / c. in pudrigadura = pudrighendhe, irfaghíndhesi Sinònimos e contràrios calavre, carúmene, iscarenu, ossamentu / afésiu, assúspidu, bistratu, mabagrabiu, marriu, scalarxiu, scariatzu, surgiu 1 Frases totu apo dadu de s'èssere meu su pagu chi podia e como nudos sullevo a su chelu sos restos ossudos, sicos, de su carasu ancora reu (Grolle) 2. fémina, ómine, animale carasu ◊ est bella e ruja ma unu cras che at a pònnere in sa losa sa peta carasa ◊ custos boes sunt carasos ◊ no che podiat leare cussu carasu de su babbu, sa morte, chi che at leadu su fizu pisedhu?!… 3. fatendhe unu bolu de oto metres, est restadu isterrujadu che unu carasu, atambainadu e a ojos imbidrados Terminologia iscientìfica crn Ètimu srd. Tradutziones Frantzesu cadavre, squelette Ingresu corpse, skeleton Ispagnolu cadáver, esqueleto Italianu cadàvere, schèletro Tedescu Leichnam, Skelett.

caratèra , nf Definitzione fémina isfacia, pibiruda, chi che cumbinchet is ómines Sinònimos e contràrios faciana Tradutziones Frantzesu séductrice Ingresu enticer Ispagnolu embaucadora, seductora Italianu allettatrice, adescatrice Tedescu Verführerin.

caràtere , nm: caràtile, caràtili, caràtiri Definitzione prus che àteru su naturale o naturalesa de su cristianu, ma fintzes arresurtau de educatzione e de imparu, bistu coment'e cumportamentu, maneras de fàere e de pentzare sérias, coment'e firmesa e seguresa de cumportamentu, naturale forte e síncheru / caràteres de istampa = líteras po iscritura de tipografia o de css. màchina, de bisura e genias diferentes Sinònimos e contràrios naturale / firmesa Frases cussu disonestu si at béndhidu onore e caràtere ◊ cussos sunt chentza caràtere: bae e fídadi, ti narant una cosa oe un'àtera cras! ◊ custa est fémina de caràtere e de sentidu ◊ su travàgliu li aiat acraritu su caràtile de s'ómine: unu cantu de pane! ◊ mi azis imparadu a no timire, a tènnere caràtere in donzi situassione e a mi ribbellare a sas cosas dortas (G.B.Fressura)◊ ti faint su bellu bellu ananti e sunt de caràtiri fraitzu prenus de ingannus! Tradutziones Frantzesu caractère bien trempé Ingresu temper Ispagnolu fortaleza de alma Italianu caràttere morale, fermézza nel pròprio comportaménto Tedescu Charakterstärke.

caratéri , agt Sinònimos e contràrios facianu, ifaciu Frases po cussu est chi disígiat ómini po su giogu, cun is bagadius est tropu caratera (L.Obili) Terminologia iscientìfica ntl.

caraterísticu , agt Definitzione chi est própiu de una cosa e dha distinghet de totu is àteras Tradutziones Frantzesu caractéristique Ingresu characteristic Ispagnolu característico Italianu caratterìstico Tedescu charakteristisch.

caraterizài, caraterizàre , vrb Definitzione distínghere cun o po calecuna cosa Tradutziones Frantzesu caractériser Ingresu to mark (out) Ispagnolu caracterizar, distinguir Italianu caraterizzare Tedescu kennzeichnen.

caràtile, caràtili caràtere

caratilósu , agt Definitzione nau de ccn., chi tenet caràtere, chi si faet arrespetare in sa dignidade sua Sinònimos e contràrios manninu, temperosu | ctr. iscarateradu Ètimu srd.

caràtiri caràtere

caràtu , nm Definitzione unidade de misura po minerales de valore; su binti batorunu de un'untza Sinònimos e contràrios chilate Frases pro issos tantu male, eco, mi aziat: a fàghere mi obbligànt sos fiorinos chi tres caratos de rudha b'aiat Tradutziones Frantzesu carat Ingresu carat Ispagnolu quilate Italianu carato Tedescu Karat.

caràtu 1 , nm Definitzione incàsciu de is doas Sinònimos e contràrios gàrgaru*, incartzu.

caràtua cadàtola

caratuléri , agt, nm Definitzione chi o chie faet cara bella, alligra, fintzes candho is contos no dhi torrant tanti bene Sinònimos e contràrios ispassile, ispassiosu, ispàsticu Ètimu spn. caratulero.

caràtza , nf: coratza Definitzione css. cosa chi si pòngiat a cuare sa cara, po su prus cun duos istampighedhos po is ogos; muru ananti de su barracu, genia de alabinna Sinònimos e contràrios bisera, caravaltza, carota, fachile, facioba 1, frangili, màscara Frases a mascarare si ponent sa caratza ◊ a su bandhidu che li fit falendhe sa caratza e connotu l'ant ◊ cussu tenet birgonza de su chi est e menzus si ponet sa caratza! ◊ a s'àinu maghinendhe li ponent sa caratza Sambenados e Provèrbios smb: Coratza, Corazza Ètimu ctl. carassa Tradutziones Frantzesu masque Ingresu mask Ispagnolu caratula Italianu màschera Tedescu Maske.

caratzàdu , pps, agt Definitzione de caratzare; chi portat caratza in cara Sinònimos e contràrios faciolau, mascaradu | ctr. iscaratzadu.

caratzànu , agt Definitzione chi est comente e chi portet sa caratza, una màscara, falsu, traitore Sinònimos e contràrios facinàrgiu, falsu, fingidore, fingidu, malafideau Frases caratzana, tue ammoras chin totus! Terminologia iscientìfica ntl Tradutziones Frantzesu trompeur, faux Ingresu false Ispagnolu tramposo, falso Italianu simulatóre, falso Tedescu falsch.

caratzàre , vrb: coratzare Definitzione pònnere sa caratza o faciola in cara, po no si lassare connòschere (po su malu o fintzes po divertimentu a carrasegare) Sinònimos e contràrios afaciolai, ammascherai, carotare, incaratzare | ctr. iscaratzare Ètimu srd. Tradutziones Frantzesu masquer, déguiser Ingresu to mask Ispagnolu disfrazar, enmascarar Italianu mascherare Tedescu maskieren.

caratzínu , agt Definitzione nau de trigu, chi est belle e lómpidu, incheradu belle e cumpriu.