A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ceréssia carésia

ceréu , nm: chereu Definitzione genia de chera manna manna e grussa, sa chi alluent in crésia su note de sàpadu santu e a Pascamanna; in is paragones, cosa bella, bene fata, dereta, sa matessi bellesa Sinònimos e contràrios chíriu / bellesa Maneras de nàrrere csn: istare che unu chereu = ritzu téteru; mudadu che chereu = totu bene postu, tramunadu, galanu, bellu che su chereu de Pasca Frases cereu de allui tengu in domu mia…(F.Lai)◊ cussu bandat a is prucessionis cun d-unu cereu mannu 2. candho est mudadu, custu zòvanu est unu chereu ◊ luna luna, bona foltuna, bonu chereu, cantu mi costat su polchedhu meu? 3. a biri cussu scónciu dhi fiant artziaus is cereus e cun sa marra fiat andendi a iscudi sa bixina Terminologia iscientìfica sntz, prdc Ètimu srd. Tradutziones Frantzesu cierge pascal Ingresu large easter chandle Ispagnolu cirio pascual Italianu céro pasquale Tedescu Osterkerze.

ceréxia carésia

cerexiabbúrda , nf Definitzione una genia de cheréssia areste, mata (manna) e frutu Sinònimos e contràrios cariasambriaga, ghinda Terminologia iscientìfica mtm, Prunus avium Tradutziones Frantzesu merisier Ingresu wild cherry Ispagnolu cerezo silvestre Italianu ciliègia bisciolina Tedescu Vogelkirsche.

cèrfa , nf: scefa Definitzione sa cherridura, sa pagighedha fine chi abbarrat a muntone in s'argiola de comente ant treulau e bentulau su laore; su fundhurúgiu chi faet s'ógiu / trigu de c. = sa fundhana, s'úrtimu chi si ndhe collit Sinònimos e contràrios coàina, coale, mucra, mundidhu, múndulu, scefabi Terminologia iscientìfica msg Ètimu srd. Tradutziones Frantzesu grenaille Ingresu riddling Ispagnolu granzas, borra Italianu vagliatura Tedescu Sieben.

cerfàda , nf Definitzione su cerfai Sinònimos e contràrios pistada Ètimu srd.

cerfài , vrb: scerfai Definitzione fàere a cerfa, pistare a orrughedhos fines Sinònimos e contràrios abbullonare, acatare 2, aggatare, ischerfare*, ischertzare, ischitzare, istercare Frases si no ti cerfu un'ogu, si no t'iscàrigu e t'ismurru, eja chi t'ismermu e ti allàcanu!

cérfula , nf Definitzione cerfa, pàgia, laore treulau, scerfau Frases cun pagus fúrrius is cuadhus torrànt su séidu totu a fenu tràinu e cun àturus fúrrius su sterrimentu fut furriau a cérfula pronta a bentulai.

cèrga , nf: aterga, terga* Definitzione genia de fògia larga meda e istrinta chi imbodhigat a tantos pígios s'ispiga de su moriscu Sinònimos e contràrios impanna Terminologia iscientìfica rbr.

ceríglia , nf: cherilla Definitzione candhela de chera finedhedha; chera pitica chi is cussorres in chida santa, apustis iscravau su Cristos, arregalant a sa gente Sinònimos e contràrios ttrs. tziríglia Ètimu spn. cerilla.

cerimónia ceremónia

cerimoniài , vrb: acerimoniai, tzerimoniai* Sinònimos e contràrios chistionai, faedhare, fentomare, nemonai, pronunciare Frases seu a dolori de brenti ma non ndi apu cerimoniau a nemus.

cerína , nf: cherina, chirina, chirrina, gerina Definitzione logu po pònnere su porcu; logu serrau, genia de acorru cumonale po dhue pònnere bestiàmene tenturau, aciapau faendho dannu; in is cuiles, aprigu ammontau po ammamare e seberare crabitos, angiones, bitellos; dhue at logu chi cherina dhu narant a sa pratza o cortina, su tretu totu asuta de una mata, o fintzes a sa crélica Sinònimos e contràrios acorru, ammamadorju, chirra, crina, irchile, seperadorju / bàgliu / coltina, pratzada Frases de cristianos no ant assimizu, si sunt fatos che porcos in cherina ◊ si est veru chi imbitzadu at a matzone, cunza bene s'anzone in sa cherina! ◊ che ant postu su sirbonedhu in d-una chirina de preda ◊ tenet sa corte cucugiada po as crabas e as cerinas po us crabitedhos 2. si betat custu bandhu: Chie li mancat su zú andhet a cherina ca bi ndhe at unu tenturadu! Sambenados e Provèrbios smb: Cerina, Cirina Terminologia iscientìfica srr Ètimu srd. Tradutziones Frantzesu enceinte, fourrière Ingresu corral Ispagnolu pocilga Italianu recinto per bestiame Tedescu Pferch.

ceringiólu , nm Definitzione acorru, cerina pitica po animales Sinònimos e contràrios mandrile Ètimu srd.

cernèra , nf: cirniera, tzerniera Definitzione genia de ferru chi si ponet a is aperturas po intrare e girare in is càncaros o grofales (o fintzes po duas perras de apertura intradas apare); in is bestimentos, sisia de cosa forte fata in duas perras cun is oros de mesu coment'e a gancitos piticos chi intraos apare mantenent su bestimentu serrau ue sa c. est cosia Sinònimos e contràrios frontissa, grafale / tiralampu Tradutziones Frantzesu charnière (mécan) Ingresu hinge, zip Ispagnolu bisagra, cremallera Italianu cernièra Tedescu Scharnier.

cérnia , nf: gérnia Definitzione una genia de pische mannu Sinònimos e contràrios scirenga Terminologia iscientìfica psc, epinephelus guaza Ètimu itl. Tradutziones Frantzesu mérou Ingresu grouper Ispagnolu mero Italianu cèrnia Tedescu Zackenbarsch.

ceróbida, ceróbiga , nf Definitzione chera óbida, sa matéria chi is abes arregollent de is frores e ponent po serrare is istampos de is casidhos Sinònimos e contràrios cheripighe, sinóbiga Terminologia iscientìfica sbs Tradutziones Frantzesu propolis Ingresu bee-glue Ispagnolu propóleos Italianu pròpoli Tedescu Vorwachs.

cerolói , nm: ciroloi, cirolóido, ciruloi Definitzione genia de materiale de plàstica tostada trasparente Frases faco unu giardinu chin sos fiores de ciroloi Tradutziones Frantzesu celluloïd Ingresu celluloid Ispagnolu celuloide Italianu cellulòide Tedescu Zelluloid.

cerósu , agt: cherosu Definitzione chi portat chera, chi est fatu de chera Sambenados e Provèrbios smb: Cherosu Tradutziones Frantzesu cireux Ingresu waxy Ispagnolu ceroso Italianu ceróso Tedescu wachshaltig.

cerotéri , nm Definitzione chi si credet meda, chi si giaet bàntidos Sinònimos e contràrios bagianu 1, bantaditu, brafanteri, bragheri, pageri, pagiosu, vantagiosu Terminologia iscientìfica ntl.