A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ceròtu , nm: cirotu, tzerotu*, ziroto Definitzione tira de cosa chi atacat a una parte, mescamente impreada po amparare una segada o fintzes po mantènnere sa meighina a sa carre; meighina de pagu contu de pònnere a frigadura; persona apicigosa chi istat aifatu de àteros chi no ndhe funt tanti prexaos Sinònimos e contràrios achillo, dafetanu, liga, sparadrapa.

cèrpa , nf: ciarpa Definitzione ispétzia de isciallu chi portant is féminas betau in palas; una genia de chintórgiu de militares Sinònimos e contràrios iscelpa Terminologia iscientìfica bst Ètimu itl. ciarpa.

cèrpe , nm: serpe, tzerpi Definitzione genia de animale longu longu chi si movet fruschinandho e illascinandho in terra; àteros animaledhos chi noghent Sinònimos e contràrios colobra / arrasia, grodhe, telpe* Frases àbbile ammuntadore, lassa sos anzones meos: piga su cerpe e s'arretulia! Terminologia iscientìfica anar Tradutziones Frantzesu serpent Ingresu serpent Ispagnolu serpiente, culebra Italianu sèrpe Tedescu Schlange.

cerpènti , nf: terpente*, tzerpente Sinònimos e contràrios telpe Frases sa cerpenti farsa ti at ingannau.

cerpentínu , agt Definitzione de cerpe; chi est malu Frases língua cerpentina, tui puru gei ses piparosa!…

cerpíu , nm: serpia, telpia, tzarpia Definitzione dónnia e css. bobboi; foedhandho cun tzacu, piciochedhu piticu ifadosu, malu Sinònimos e contràrios arrabbiu, arresia, babballoti, babbaúciu, babbaudhu, babboi, bebberriu, bubburrincu, pespereghe, terpusu, tirpiuzu, titupiu 2. ma càstia custu cerpiu ita mi at fatu! Ètimu srd. Tradutziones Frantzesu insecte Ingresu insect Ispagnolu bicho Italianu insètto Tedescu Insekt.

cerpulíu , nm Definitzione tzerpulia, ma fintzes pipios, fedighedhu Sinònimos e contràrios feduliu.

cèrra , nf: asserra, terra 1, tzerra* Definitzione genia de maladia de sa pedhe; mància, magra de diferente colore in sa pedhe Frases mi fiat essiu unu guroni, una spécia de cerra, e ajaja mi dh'iat curau cun sa magaidraxa ◊ tui portas is cerras!

cèrri , vrb: cèrriri, chèrrere 1 Definitzione colare, fàere in chiliru, seberare una cosa de un'àtera; portare in buca a ccn. po ndhe nàrrere male o fintzes po dhu pesare a bíere ite persona est; mòvere calecuna cosa coment'e faendho in chiliru / pps. cérriu 1, chérridu, chérriu; camminai o andai cerrixerri = coment'e ballendhe sas nàdigas, innàiga innàiga, moíndhelas de un'ala a s'àtera, itl. sculettare Sinònimos e contràrios cherrintzonare, chilibrare, chirrare, farinare, iscerai, prugae, scedassai, sciliriai, spalinai Frases cerri sa terra ◊ cerrit e purgat po isceberai e ponni a parti su bonu e su malu ◊ comente finites de mòlere su tricu cherrimus ◊ chi su malu puru si vantat po bonu, gei nc’est unu ciuliri chi cerrit! (Maxia S.) 2. custa est genti cérria che farra in su sedatzu ◊ unu apui de s'atru si ant a prugai coment'e trigu cérriu in su sedatzu ◊ prima de ti fai un'amigu cerridhu! ◊ caminat cerri cerri parit una pudha 3. passillat cerrendi su paneri ◊ est benendi cerrixerri, totu apomponissada, totu arrandas e frocus Ètimu ltn. cernere Tradutziones Frantzesu tamiser Ingresu to riddle Ispagnolu tamizar, cribar, cerner Italianu cèrnere, vagliare Tedescu trennen, sichten.

cerriài, cerriàre , vrb: atzerriai, cirriare, sirriai, tzerriai* Definitzione betare tzérrios, boghes, betare boghe naendho su númene de unu / cerriai a ccn. si… = cramare a ccn. a bídere si… Sinònimos e contràrios abbochinare, giuilare, insirriai, iscramorai / ciamare, muntire, tichirriare | ctr. cagliai, citire Frases porcu grassu apo in domo ma no círriat como: canno est a pacare si daet a cirriare ◊ toca, cérria a babbu tú si est prontu! ◊ si est postu a cerriare nanno: E ite c'intraus noso cun tue?! Tradutziones Frantzesu crier, appeler Ingresu to shout, to call Ispagnolu llamar, gritar Italianu gridare, chiamare Tedescu schreien, rufen.

cerrída , nf Sinònimos e contràrios isseperonzu, sceru, seberadura Ètimu srd. Tradutziones Frantzesu tri, sélection Ingresu selection Ispagnolu selección Italianu cèrnita Tedescu Auslese.

cerridòri , nm, agt: gerridori Definitzione chi o chie cherret o si movet a cerridura Frases tzia Desola fut cerridora, fut fiuda e chene fillus e fadiat de mama a is pipias chi trabballànt in sa mena 2. bollu sa bardúnfula chi fetzat chillu in s'unga, ma no s'ispionedhu ca est cerridori Terminologia iscientìfica prf Tradutziones Frantzesu cribleur Ingresu riddler Ispagnolu cribador Italianu vagliatóre Tedescu Sieber.

cerridúra , nf: gerridura Sinònimos e contràrios cerrimentu, cherridonzu, cilivradura, sedatzadura Ètimu srd. Tradutziones Frantzesu tamisage, triage Ingresu selection Ispagnolu cribado Italianu stacciatura Tedescu Sieben.

cerrígu , nm: cherricru, cherrigu Definitzione genia de sedatzu, de chiliru, po chèrrere cosa grussa, chilivru de favule: a logos est su canistedhu Sinònimos e contràrios chérriu 1, chibiru, faule / canistedhu Frases mama at zai preparadu su cherrigu e su sedatzu: de sa farra issa faghet bellu impastu, lu suighet e sestat su pane de onzi die 2. su cici canno est fatu dhu ponent in is cerrigos largos giai de unu metro Terminologia iscientìfica ans Ètimu ltn. cernic(u)lu(m) Tradutziones Frantzesu crible Ingresu sieve Ispagnolu criba Italianu crivèllo, vàglio grossolano Tedescu Sieb.

cerriméntu , nm Definitzione su chèrrere, nau mescamente de laores, de farina e deasi Sinònimos e contràrios cerridura Ètimu srd.

cérriu , nm: intzérriu, tzérriu* Definitzione boghe chi si betat naendho su númene de ccn., pedindho agiudu, a lamentu forte, a brigare, fintzes solu foedhandho in artu meda Sinònimos e contràrios abboghiada, addorojada, bérchida, boche, giúilu, grida, ingargu, ingrídulu, irgràmiu, istríulu, làmidu, tírriu Frases dhi at ghetau unu cérriu… s'est trémiu paris! ◊ cussu candu fuedhat est sempri a cérrius Tradutziones Frantzesu hurlement, cri Ingresu shout, cry Ispagnolu grito Italianu urlo, grido Tedescu Schrei.

cérriu 1 , pps, agt: chérridu, chérritu, chérriu Definitzione de cèrriri, chèrrere 1; chi est fatu in chiliru (nau de cosa pitica, prus che àteru laore a granu) Sinònimos e contràrios chirriatu, cilivrau 1, sceberau, sedatadu Frases sa símbula cheret chérria in canistedha de iscraleu pro che chirrare su chivarzu Tradutziones Frantzesu tamisé Ingresu sieved Ispagnolu cribado Italianu vagliato Tedescu gesiebt.

cerrixèrri , avb, nm: cerruxerru Definitzione manera de camminare faendho ballare is nàdigas, comente faent is piciocas; genia de pigionedhu (cerruxerru solu pzn.) Sinònimos e contràrios isculisiscúlisi, scianchiscianchi / cherricherri Frases gi est pagu afragellada, cussa picioca, totu tinta in faci, totu iscianchiscianchi, caminendi cerrixerri! ◊ est benendi cerrixerri, totu apomponissada, totu arrandas e frocus 2. is pillonedhus bolant schiulendi de una mata a s’àtera: is cerruxerrus, is cruculeus, cadrellinas, calancuna meurra Ètimu srd. Tradutziones Frantzesu qui se dandine Ingresu walking with a wiggle Ispagnolu balanceante Italianu sculettante Tedescu sich in den Hüften wiegend.

cerrúa , nf: cerrura Definitzione prugadura, su prugare Sinònimos e contràrios prugadura Frases carrafinas e tassas ndi tengu una cerrua! Ètimu srd. Tradutziones Frantzesu tri, vannage Ingresu choice Ispagnolu cernidura, cernido Italianu cèrnita, vàglio Tedescu Auslese, Sieb.

cerrúdu , agt Definitzione nau de pegus lanosu (craba o brebè), chi portat su pilu longu agiummai fintzes a terra, allorigau Frases is crabas chi mi ammancant funt una montada e un'argaledha cerruda.