A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

chírca chílca

chírca 1 , nf: crica, crichia, críchia Definitzione parte de sa serradura de una genna, genia de leva po serrare a sa bona Sinònimos e contràrios craedhu, giótula, giredha, lótura, zócula Maneras de nàrrere csn: artziare, falare sa crica, pònnere sa crica a sa zanna, a sa fentana; crica de sangrai = aina pro tirare sàmbene; crica de sa cuba = isseta; resorza a crica = lepa cun sa màniga fata a arcu; èssiri de sa crica a sa crai = nadu de duas cosas o pessones chi istant semper paris, o acurtzu meda Frases tirat sa crica de su portali e intrat in domu ◊ mi ndi fia iscidau intendendi passus in s'iscalera de tàula e tochendi sa crica de sa porta Tradutziones Frantzesu loquet Ingresu latch Ispagnolu pestillo, picaporte Italianu saliscéndi Tedescu Klinke.

chircadòre , agt, nm: circadori, cricadore Definitzione chi o chie cricat, o istat cricandho, essit a cricare; istudiosu chi cun métidu iscientíficu faet cricas aprufundhias Sinònimos e contràrios chircante / istudiosu Frases istinchidha de fraile atzesa mandhat adhae s'ojada chircadora ◊ sos chircadores no abbastaiant a cumprèndhere a ue fit isparida sa gama Ètimu srd. Tradutziones Frantzesu chercheur Ingresu searcher Ispagnolu investigador Italianu ricercatóre Tedescu Forscher.

chircadorèa , nf Definitzione its, chirca? (S'Ischíglia, 11,93,352). Frases Babbu, apo bidu sa cara tua anneada in sa chircadorea, chene pasu, de su beranu (R.Porcu).

chircàdu , pps, agt: chircau, circau Definitzione de chircare; chi est o chi dh'ant cricau, chi dhu cricant ca totus o medas dhu bolent, chi funt cricandhodhu 2. su logu est totu chircadu: no si che agatat unu cocoi! ◊ pressi meda teniat: at serrau sa crésia, po nanca fai trabballus, sentza de tenni mancu su muraroi circau! 3. sèmeno sa birdura e robba de iscialada, màssimu cudha chi est piús chircada ◊ isse fut un'inferchidore pretziadu e chircadu Tradutziones Frantzesu demandé, requis Ingresu looked for Ispagnolu buscado, buscado, apreciado Italianu cercato, richièsto, ricercato Tedescu gesucht, begehrt.

chircadúra , nf Definitzione su cricare, nau de sa manera Ètimu srd.

chircànte , agt: circanti Definitzione chi andhat o essit a cricare, a pedire, nau mescamente de is paras / búglia de padre chircante = brulla mala Frases no mi at a fàghere una búglia de padre chircante, no! ◊ a su para circanti sa limósina dhi negu Ètimu srd. Tradutziones Frantzesu mendiant Ingresu begging Ispagnolu santero Italianu questuante Tedescu Bettelmönch.

chircàre chilcàre

chircàu chircàdu

chirchèdha cherchèdha

chirchèra , nf Definitzione su cricare meda, crica, gente in mancamentu de bestiàmene furau Sinònimos e contràrios chilca, circalla Ètimu srd.

chirchighédhu chilcighédhu

chirchigiògus , nm pl: crichigiogus Definitzione princípiu de fastigiamentu / èssiri in c. = abbaidèndhesi fémina, in castiadas Frases chi dhi benit s'idea maca, a piciocu in chirchigiogus ge dhi fait aberri is ogus! (G.Cadeddu)

chirchígliu , nm, nf: circhíglia, circhígliu, circhílliu Definitzione cricu piticu, genia de crichighedhu, fintzes solu pintau o de colore a inghíriu de calecuna cosa; fintzes lorinchinos Sinònimos e contràrios chilcighedhu, chírchinu / aricina, loritzina, pendhulica Frases custu cuadhu portat unu circhígliu a ingíriu de sa pipia 2. in is origas portat dus circhíllius de prata Ètimu spn. cerquillo Tradutziones Frantzesu petit cercle Ingresu small ring Ispagnolu círculo pequeño Italianu cerchiétto Tedescu kleiner Reif.

chirchíle , nm: crichile Definitzione cosa modhe imbodhigada tundha a cricu de pònnere in conca (prus che àteru sa fémina) po pigare cosa grae tostada Sinònimos e contràrios cirí, cucurile, cugúdhura, tadibi, tedílighe Frases po leare is brocas in conca si ponet su crichile Ètimu srd. Tradutziones Frantzesu tortillon Ingresu pad Ispagnolu rodete Italianu cércine Tedescu Tragpolster.

chirchinàre , vrb: crichinare Definitzione segare una parte pitica de is cosas in su sensu de sa largària faendhodhas prus curtzas Sinònimos e contràrios acurtzai, cercinae, chertzinare, ilmutzare, incruciai, secare | ctr. aciungi, illonghiare Frases su ferreri críchinat e aggualat sas ungras de sos boes, ferrèndhelos ◊ su póberu no at àteru aficu si no sa miserina zoronada e sempre chi la servit a su ricu benit sas piús boltas chirchinada (M.Murenu) 2. intra a ballare coi chirchinada, como chi zughes sa munnedha noa! Ètimu ltn. circinare Tradutziones Frantzesu raccourcir, mettre en lambeaux Ingresu to tear to pieces, to shorten Ispagnolu acortar Italianu raccorciare, sbrindellare Tedescu verkürzen, zerfetzen.

chirchinàza , nf Definitzione cosas segadas de incurtzadura, orrugos segaos Sinònimos e contràrios chertzinadura, mutzadura, mutzinadura.

chirchínnu , nm: cincinu, cíncinu, cincinnu Definitzione su chirchinare Sinònimos e contràrios chertzinadura Maneras de nàrrere csn: segare a c. = serente, ororu; a cíncinu = totu a inghíriu; pinnigàiri a cíncinu = allorigare; prèndhere a chirchinnu = afissu Ètimu srd.

chírchinu , nm: críchinu Definitzione cricu minore (es. su chi ponent in conca a is santos); a logos fintzes su chi si ponet a is carradas Sinònimos e contràrios circhíglia / chílciu Frases su santu fit chin su chírchinu de oro in conca ◊ semus a fúrriu de una lórica, de unu chírchinu ◊ tue pones a lodhare unu chírchinu dae unu cúcuru: finamentas chi no arrivat a fundhu no arreghet Ètimu srd. Tradutziones Frantzesu auréole Ingresu halo Ispagnolu aureola Italianu aurèola Tedescu Aureole.

chirchíza , nf, nm: chischiza, chiscuza, chiscuzu Definitzione orrughedhos de css. cosa e mescamente de linna; moidedha de su foedhare / èssere chiscuza (nau de ccn.)= afrodhieri, bòlliri isciri ammarolla is chistionis allenas Sinònimos e contràrios arrogalla, chercuzu, chimuza, frataza, frustigalla, ischimuza, pampodha, piciualla, tzimuca / bodheta, piscinu Frases ti fetant a chiscuza! ◊ s'ossu a chiscuzu si at fatu! ◊ mi che ant frundhidu che chiscuza 2. est collindhe chiscuza a su fogu ◊ sa chiscuza meda chi bi est afogat su pàsculu 3. no s'intendhet che risos e chiscuzas, ispracadas sentza de àere cabu e coa ◊ est cussu buchimannu chi che at bogadu sa chiscuza, candho nos at agatadu! Sambenados e Provèrbios smb: Chiscuzzu Ètimu ltn. quisquiliae Tradutziones Frantzesu grenaille, criblure Ingresu riddling Ispagnolu salvado Italianu vagliatura, frùscoli Tedescu Spreu.