A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

coginadórgiu , nm Definitzione logu inue si coghinat su papare Ètimu srd.

coginài, coginàre cochinàre

coginàu , nm: cuxinau Definitzione genia de impastu chi si faet a is animales: cuxinau est sa simuledha po sa gente Sinònimos e contràrios addescu, coxina 1 / minestra Frases immoi bandu ca tengu de fai su coginau po porcedhu ◊ aprontau chi apa su pódhini a is pudhas e su coginau po porcedhu ciai andu Ètimu srd.

coginéri cochinéri

cogionàli , nm: coxonale Definitzione sa natura de su porcu mascu segada cun d-un'inghíriu de súmene e manigiada po temperare o únghere ferramentas Sinònimos e contràrios selire Frases acussàt su serrone e dhi passàt unu cogionali.

cogiòne callòni

cogionèra , nf: cozonera, coxonera Definitzione is cogiones; genia de búscia pendhebendhe inue funt is cogiones, in su mascu (ómine e animale) Sinònimos e contràrios colla / butonera Terminologia iscientìfica crn Ètimu srd. Tradutziones Frantzesu scrotum Ingresu scrotum Ispagnolu escroto Italianu scròto Tedescu Hodensack.

cogioróti , nm Definitzione genia de búscia elàstica chi s'imbestit a sa natura chíbbera, tètera, de s'ómine a manera chi de su sèmene no ndhe abbarret in sa ’e sa fémina o fintzes po no si passare una maladia s'unu a s'àteru Sinònimos e contràrios condò, gandolu, lastichete.

cógiu , nm, nf: cógiua, coja, coju, cójua, cójuva, cóua, cozu, cózua Definitzione su pigare fémina o leare ómine po pesare famíglia impare; sa festa de s'isposóngiu; in is araos de linna cun sa timona aciunta, su tretu inue sa punta s'innestat cun su pei / iscrarí, assegurai sa coja = bogare a craru, ilgiarire su coju, fàghere su fidantzamentu, s'asseguronzu, sa cojancraru Sinònimos e contràrios afidu, bodas, cogiuognu, cojànscia, cójuba, cojubiu, isposognu, nunsas Frases ant ilgiaridu su coju e si sunt fidantzados ◊ su coju dai fora paret ozu e mele, ma addaghi che ses in mesu essint sos pecos ◊ coja po interessu no fatzant! ◊ po fàere sa miscione de sa cójua andàt su babbu e sa mama ◊ commo sa cózua est fata e crepet a chie non bolet! 2. cantos cojos, batizos e interros li sunt passados suta a ojos! (P.Casu)◊ sa note chi faghent su cógiu li sonant caldarones in sa gianna ◊ in su coju si sunt fatos totu a crébida, manighendhe ◊ si costumavat a fàghere sa gara de poesia in tusòrgios, cójuvas e cilleris Sambenados e Provèrbios prb: a chini in coja isbàgliat s'inferru in terra passat ◊ pani mali papau, coja fata ammarolla Terminologia iscientìfica sntz Ètimu srd. Tradutziones Frantzesu mariage Ingresu wedding Ispagnolu casamiento, boda Italianu matrimònio Tedescu Hochzeit.

cógiu 1 , nm Definitzione cosa coigiada, chi dhue est ancora Sinònimos e contràrios abantzu, arremusulla, coígiu, coilla, resuzu, romasiza Frases si abarrat a prandi si fait prexeri: nci teneus peri unu cógiu de caboniscu ◊ dhis apu bogau unu cógiu de amaretus e unu palini de pistocu cun arrescotu sicau.

cógiua cógiu

cogiuàre cogiàre

cogiúdu , agt, nm: colludu, coxudu, cozudu, cuzudu Definitzione nau de mascu de animales, chi portat is butones, chi no est crastau (a disprétziu, o ca est atzuda, arrabiosa, si narat fintzes de fémina); su mascu de is brebès / cuadhu, porcu, malloru colludu Sinònimos e contràrios botonudu, botudu / cdh. cudhutu | ctr. crastrau Frases mi mandheint a tènnere custu poledhu cozudu chi, male domadu e imbitzadu, che leaiat s'arrastu de s'àina a unu chilòmetre e istei totu su sero pessighèndhelu 2. ita apu a nai immoi a is èguas colludas?!(Scomuniga) Ètimu srd. Tradutziones Frantzesu pas châtré Ingresu not castrated Ispagnolu cojudo, entero Italianu non castrato Tedescu nicht kastriert.

cogiuógnu, cogiuóngiu, cogiuónzu , nm: cojóngiu, cojonzu, cojuóngiu, cojuonzu, coxuonzu Definitzione su si cojuare Sinònimos e contràrios afidu, bodas, coja, cojànscia, cójuba, cojubiu, cojuera, coxuinzu, isposognu, nunsas / ttrs. cujubugnu, cdh. cujugnu Frases cojonzu bellu gai? babbu meu ndhe ballait dae sa cuntentesa! ◊ is piciocas furint faendho burdellu cun legas de tessíngiu e de cogiuóngiu ◊ sunt faedhendhe de unu cojonzu nou in bidha Terminologia iscientìfica sntz Ètimu srd. Tradutziones Frantzesu fiançailles Ingresu engagement Ispagnolu noviazgo Italianu fidanzaménto Tedescu Verlobung.

cògius còcios

còglia , nf: colza, corja, corza Definitzione su corgiolu a parte de foras pruschetotu de is frutos / corza de nuche, de méndhula, de fae, de basolu, corza russa, fine, frisca, sica; essire corzi fine (nau de ccn.) = essiri dilicau, unu pagu físchidu Sinònimos e contràrios cogòtzola, colzola, corgiolu, ispuligadura, pidhoncu, pigiolu, scroxu | ctr. chibu Frases pro sos gatos da bi at semper carchi cantu de corja de casu ◊ sa fae modhe, candho su ranu est minudu meda, si podet fàghere a chiu e corza Terminologia iscientìfica rbr Ètimu srd. Tradutziones Frantzesu peau, écorce Ingresu skin Ispagnolu cáscara Italianu bùccia, gùscio Tedescu Schale, Hülse.

cogliète , nm: coglietu, colletu Definitzione genia de cropete de pedhe in su costúmene de s'ómine, fintzes collu / pisci a colletu (in cobertantza) = fae a budhidu Sinònimos e contràrios coeru Frases at incingiau una camisa a maingas largas e a colletu círdinu 2. a cenai tengu pisci a colletu e ispreni imbutiu ◊ tui ses avesu a papai pisci a colletu Ètimu itl. cojetto.

cogliètos , nm, nf: cojetas Definitzione genia de papare: fitas fines de petza imbodhigadas cun pedrusèmene, àgiu e àteru cundhimentu in mesu Terminologia iscientìfica mng Ètimu itl.p quajette Tradutziones Frantzesu paupiette Ingresu roulade Ispagnolu rollito Italianu involtino Tedescu Roulade.

cogliétu cogliète

cogliòla , nf Definitzione su corgiolu modhe de sa nughe, su primu de fora chi si tzacat e istacat candho sa nughe est lómpia Sinònimos e contràrios cocòcia, còcora Terminologia iscientìfica rbr Tradutziones Frantzesu brou Ingresu walnut husk Ispagnolu zurrón, raspa, ruezno Italianu mallo della nóce Tedescu grüne Schale.