A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ghípu ghípa

ghiràda , nf: ghirata Definitzione su ghirare, fintzes s'ora chi si torrat; tretu inue si fúrriat po cambiare filada, torrare agoa; parte de unu logu trebballau; contu chi si narat, allega Sinònimos e contràrios contoniada, recuia, soniada, torrada / airada, birada, biradorzu / alleca, chistione | ctr. essia Frases a sa ghirada su maridu l'ifachílliat semper, a sa muzere ◊ sa ghirada a bidha no li at profetau, abesu comente fit a sa campanna ◊ sa ghirada chi faghet, maridu meu, za bi lu naro! 2. est in binza marrandhe una ghirada 3. in sos tzilleris sas ghiratas fint cuntinu sas matessi: Comente mai custa maghia de Istelai? Ètimu srd. Tradutziones Frantzesu retour Ingresu return Ispagnolu regreso Italianu ritórno, riéntro Tedescu Rückkehr.

ghiradítos garaítzos

ghiradórju , nm: ghiradorzu, ghiratorju Definitzione logu a ue si faet fúrriu, si torrat po crocare, istare; tretu inue si fúrriat po torrare agoa trebballandho e fintzes sa tenta, sa tula de su trebballu in totu sa longària chi tenet su terrenu; s'argumentu principale de unu chistionu, su chi si podet cunsiderare sa sustàntzia Sinònimos e contràrios biradorzu, furriadolzu, torradorju Frases in custos bratos fatu ant ghiradorju culumbos e rusignolos ◊ sos pastores teniant su ghiradorju in d-unu sétile 2. araiant a ghiradorzu longu pro pòdere acudire zorronada 3. custu est unu nàrrere sena ghiratorju Ètimu srd.

ghiradòrza , nf Definitzione its, mindha, logu inue si paschet? Frases giughet sas berveghes in d-una ghiradorza frita Ètimu srd.

ghiradórzu ghiradórju

ghiradúra , nf: ghiratura Definitzione su ghirare o torrare a unu logu; su logu a ue si torrat Sinònimos e contràrios ghirada, torrada / furriadolzu, fúrriu Frases su pitzinnu istaiat semper essiperessi chene fàchere ghiratura si no fit pro mannicare 2. teniat sa ghiradura de su bestiàmene sou in su mantessi cuile de cudhos Ètimu srd.

ghiraghíra , avb Definitzione chi bessat, chi sa cosa ch’essit de s'istrégiu de cantu est meda, tropu prenu Sinònimos e contràrios biraira, chisciaghíscia Frases li at prenau sa tzuca de binu ghiraghira ◊ sa broca si che fit prenada, fata a rasu e ghiraghira Ètimu srd. Tradutziones Frantzesu débordant Ingresu overflowing Ispagnolu rebosante Italianu trabocchévole Tedescu überfließend.

ghiraítos, ghiraítzu garaítzos

ghiràre , vrb Definitzione coment’e acabbare su giru, torrare (o fintzes portare cosa) a su logu inue s’istat, inue si faet abbitu / ghirare sa zanna = tambare, acostai sa porta Sinònimos e contràrios arrefurai, contoniai, recoire, recòrdere, remuire / batire, poltare / afacai, tambai | ctr. essire, tocai 1 Frases pessaio chi Bore fit ghirendhe ◊ ghirandhe de un'imperju s'est firmau in s'iscopile ◊ chin isse nos semus imbénnitos ghirànnennos ◊ in domo de s'emigradu fit unu solu s'isetu: ghirare! ◊ ghiràtebbos e corcatebbonche! ◊ candho li ghiro a tardu, sa fémina s'inchietat! 2. ghira sa zanna abbellu abbellu, ca pro s'allabentu tuo mi nche ischidas su pitzinnu 3. amus ghiradu linna ◊ e tue nche cheres ghirare s'istégliu chin sa moto? Ètimu ltn. gyrare Tradutziones Frantzesu rentrer Ingresu to return Ispagnolu volver, regresar Italianu rientrare, far ritórno Tedescu zurückkehren.

ghiràre 1 , vrb Definitzione furriare, betare a terra sa cosa de un'istrégiu Sinònimos e contràrios besciare, birare, ghessare, rebbucare 1 Frases sa broca si che fit prenada, fata a rasu e ghiraghira.

ghiràta ghiràda

ghiratítzos garaítzos

ghiratórju ghiradórju

ghiratúra ghiradúra

ghiràu , pps, agt Definitzione de ghirare / èssere unu sirbone ghirau (nadu de unu) = ammasedau, torrau masedu, iscrammentau Sinònimos e contràrios torradu, recuidu.

ghírba ghíbba

ghirghidhàda , nf Sinònimos e contràrios iscutinada, iscutulada, sachedhada Ètimu srd.

ghirghidhàre , vrb Definitzione mòvere a cropu, a iscutuladura Sinònimos e contràrios assachitai, iscutuai, sachedhare.

ghirghilliàre , vrb Definitzione erriere a iscracàlios Sinònimos e contràrios chighigliare, ghirghilliare, iscrocuedhai, isgangagliare Ètimu srd. Tradutziones Frantzesu rire de façon bruyante, ricaner Ingresu to sneer Ispagnolu reirse a carcajadas Italianu rìdere rumorosaménte, sghignazzare Tedescu laut lachen.