Ditzionàriu in línia
de sa limba e de sa cultura sarda

méngius méglius

mengòni , nm, agt Definitzione genia de pigione; nau de ccn., chi est làngiu làngiu, artu Sinònimos e contràrios menga / longheu Sambenados e Provèrbios smb: Mengoni Ètimu srd.

mengósu , agt Definitzione nau de persona, chi est de pagu contu, tontatzu, unu mengu Sinònimos e contràrios ballalloe, balossu, gingiorre, mentzosu, scimpri, tolondro Ètimu srd.

mèngro, méngu , nm, agt Definitzione nau de ccn., chi est de pagu contu, siat de carena e siat de fortzas o capacidades, pòberu meda / min. menghitu Sinònimos e contràrios innorante, ménghinu, mengosu, míseru Frases furriotos cun arte, bellos pro abbovare zente menga! ◊ prosighi! impara! si menga est sa zente li sonas un'Ischíglia eternamente! ◊ so a dolu de totus reduidu, unu menghitu, beru pellitzone Ètimu itl. menico Tradutziones Frantzesu mal dégrossi, ignorant Ingresu rough (man) Ispagnolu menguado, insignificante Italianu rózzo, ignorante Tedescu grob, roh.

méngua , nf: amméngua Definitzione su torrare a prus pagu, a prus piticu Sinònimos e contràrios chíltzina, falu, finizu, impaghimentu, irmíngua, menguonzu, mímina, minimàntzia, sméngua | ctr. créschida, creschimónia Frases sa méngua de is mígias Ètimu srd. Tradutziones Frantzesu diminution Ingresu drop Ispagnolu mengua Italianu calo, diminuzióne Tedescu Verminderung, Abnahme, Rückgang.

menguàda , nf Definitzione su menguare Sinònimos e contràrios chíltzina, mímina, sméngua | ctr. créschida Ètimu srd.

menguài , vrb: amenguai, menguare, menguari, minguai, minguare Definitzione fàere o torrare a prus pagu, fàere torrare sa cantidade o sa mannària de una cosa Sinònimos e contràrios abasciai, arreduire, atzicare 1, emenguare, ilminorigare, immeltzare, immenguare, impagai, impicochire, irminèscere, menguanare, miminare, scimai, torrae | ctr. crèschere Frases mi est menguendhe dies de vida ◊ issa est sa chi mi ménguat su briu ◊ bidinne ses, sas provistas sunt menguanne! ◊ sas arbeghes sunt menguanne su late ◊ sa zente abbellu abbellu fit menguandhe e fintzas su lamentu de sa biuda fit prus pasau Ètimu spn. Tradutziones Frantzesu décroître, diminuer Ingresu to decrease, to drop Ispagnolu menguar Italianu decréscere, diminuire, digradare Tedescu vermindern, senken, kürzen.

menguanàre , vrb Definitzione torrare a prus pagu Sinònimos e contràrios allatzicare, amenguai, immenguare, miminare | ctr. crèschere Ètimu srd. Tradutziones Frantzesu diminuer, baisser Ingresu to diminish Ispagnolu menguar, disminuir Italianu scemare Tedescu abnehmen.

menguànte , agt: minguante Definitzione chi míminat o at miminau, chi no est su tanti giustu chi serbit, chi est pagu; nau de númene, chi giaet s'idea de prus piticu, minore Sinònimos e contràrios galiu, sménguu / iscassu Frases sa cundanna resultat menguante ◊ de brios so menguante ◊ si andheret a inie angustiosu si abbizat de sas penas menguante (Cubeddu) 2. s'incunza, bona o minguante, fit a la contivizare fintzas a che la pònnere in camasinu Ètimu spn. menguante Tradutziones Frantzesu diminutif Ingresu diminutive Ispagnolu diminutivo Italianu diminutivo Tedescu vermindernd, diminutiv.

menguàre, menguàri menguài

menguàu , pps Definitzione de menguare Sinònimos e contràrios imminoricau, miminadu, torrau | ctr. créschidu, irmannidu, irmanniadu Tradutziones Frantzesu diminué Ingresu diminished Ispagnolu disminuido Italianu diminuito Tedescu vermindert.

menguónzu , nm Definitzione su menguare, su torrare a prus pagu Sinònimos e contràrios méngua, mímina | ctr. creschimónia, creschinzu Ètimu srd.

meningitànu , agt Definitzione ammachiau, coment'e curpiu a meningite Sinònimos e contràrios dischissiau, ilvariadu, iscassatu.

meningíti, meninzíte melinzíte

menispresiàre , vrb: menospretziai, menuspretziai, mindispretziai, minisprejare, minispressiare, minispretzare, minispretziare, minuspressiai, minuspretziare Definitzione crèdere o cunsiderare una cosa o a unu de pagu prétziu, de pagu contu, pentzare o foedhare male de unu Sinònimos e contràrios abbituperare, aciociai, afrentai, desdorai, disprejare, ilbantare, ilzenzare, irdinzare, ispresciare, ispucire, isvenzare | ctr. abantai, arrespetai, calculai Frases tui minuspréssias sa gherra chei s'òpera peus de sa Terra (G.Moi)◊ pariat chi eo minisprejavo sos mortos ◊ a boltas bantamus cosas chi sunt piús pagu útiles de àteras chi minispretzamus ◊ una carroga, spallerendusí cun is atras, dhas menospretziàt ca fiant is prus lègias (M.Figus) Ètimu spn. Tradutziones Frantzesu mépriser (qqn.), dédaigner (qqch.) Ingresu to despise Ispagnolu menospreciar, despreciar Italianu disprezzare, spregiare Tedescu verachten.

menisprésiu , nm: menosprétziu, minispreju, minisprésiu, minispréssiu, minisprétziu Definitzione male chi si narat, si pentzat o si faet a bíere de ccn. o de una cosa chi si càrculat pagu o po ndhe menguare su valore Sinònimos e contràrios abbenzu, ilbàntidu, inzenzu, isputzu, malisprésciu | ctr.   bàntidu, càlculu Frases ponet mente a sos anzenos: su chi naro deo lu leat a minispreju ◊ at rísidu a minipréssiu ◊ a sa fémina chi faghiat cussu passu fartzu no li mancaiat su minisprésiu de sa zente ◊ de cada animale ndhe contat bàntidos e minisprétzios ◊ l'ant sempre ispucidu e tentu a minispreju Ètimu spn. Tradutziones Frantzesu mépris Ingresu scorn Ispagnolu menosprecio Italianu disprèzzo Tedescu Verachtung.

méniu mélinu

mennàre mendhàre

mennàtu mendhàdu

mennèa, mennèga mendhèa