Ditzionàriu in línia
de sa limba e de sa cultura sarda

méngius méglius

mengòni , nm, agt Definizione genia de pigione; nau de ccn., chi est làngiu làngiu, artu Sinonimi e contrari menga / longheu Cognomi e Proverbi smb: Mengoni Etimo srd.

mengósu , agt Definizione nau de persona, chi est de pagu contu, tontatzu, unu mengu Sinonimi e contrari ballalloe, balossu, gingiorre, mentzosu, scimpri, tolondro Etimo srd.

mèngro, méngu , nm, agt Definizione nau de ccn., chi est de pagu contu, siat de carena e siat de fortzas o capacidades, pòberu meda / min. menghitu Sinonimi e contrari innorante, ménghinu, mengosu, míseru Frasi furriotos cun arte, bellos pro abbovare zente menga! ◊ prosighi! impara! si menga est sa zente li sonas un'Ischíglia eternamente! ◊ so a dolu de totus reduidu, unu menghitu, beru pellitzone Etimo itl. menico Traduzioni Francese mal dégrossi, ignorant Inglese rough (man) Spagnolo menguado, insignificante Italiano rózzo, ignorante Tedesco grob, roh.

méngua , nf: amméngua Definizione su torrare a prus pagu, a prus piticu Sinonimi e contrari chíltzina, falu, finizu, impaghimentu, irmíngua, menguonzu, mímina, minimàntzia, sméngua | ctr. créschida, creschimónia Frasi sa méngua de is mígias Etimo srd. Traduzioni Francese diminution Inglese drop Spagnolo mengua Italiano calo, diminuzióne Tedesco Verminderung, Abnahme, Rückgang.

menguàda , nf Definizione su menguare Sinonimi e contrari chíltzina, mímina, sméngua | ctr. créschida Etimo srd.

menguài , vrb: amenguai, menguare, menguari, minguai, minguare Definizione fàere o torrare a prus pagu, fàere torrare sa cantidade o sa mannària de una cosa Sinonimi e contrari abasciai, arreduire, atzicare 1, emenguare, ilminorigare, immeltzare, immenguare, impagai, impicochire, irminèscere, menguanare, miminare, scimai, torrae | ctr. crèschere Frasi mi est menguendhe dies de vida ◊ issa est sa chi mi ménguat su briu ◊ bidinne ses, sas provistas sunt menguanne! ◊ sas arbeghes sunt menguanne su late ◊ sa zente abbellu abbellu fit menguandhe e fintzas su lamentu de sa biuda fit prus pasau Etimo spn. Traduzioni Francese décroître, diminuer Inglese to decrease, to drop Spagnolo menguar Italiano decréscere, diminuire, digradare Tedesco vermindern, senken, kürzen.

menguanàre , vrb Definizione torrare a prus pagu Sinonimi e contrari allatzicare, amenguai, immenguare, miminare | ctr. crèschere Etimo srd. Traduzioni Francese diminuer, baisser Inglese to diminish Spagnolo menguar, disminuir Italiano scemare Tedesco abnehmen.

menguànte , agt: minguante Definizione chi míminat o at miminau, chi no est su tanti giustu chi serbit, chi est pagu; nau de númene, chi giaet s'idea de prus piticu, minore Sinonimi e contrari galiu, sménguu / iscassu Frasi sa cundanna resultat menguante ◊ de brios so menguante ◊ si andheret a inie angustiosu si abbizat de sas penas menguante (Cubeddu) 2. s'incunza, bona o minguante, fit a la contivizare fintzas a che la pònnere in camasinu Etimo spn. menguante Traduzioni Francese diminutif Inglese diminutive Spagnolo diminutivo Italiano diminutivo Tedesco vermindernd, diminutiv.

menguàre, menguàri menguài

menguàu , pps Definizione de menguare Sinonimi e contrari imminoricau, miminadu, torrau | ctr. créschidu, irmannidu, irmanniadu Traduzioni Francese diminué Inglese diminished Spagnolo disminuido Italiano diminuito Tedesco vermindert.

menguónzu , nm Definizione su menguare, su torrare a prus pagu Sinonimi e contrari méngua, mímina | ctr. creschimónia, creschinzu Etimo srd.

meningitànu , agt Definizione ammachiau, coment'e curpiu a meningite Sinonimi e contrari dischissiau, ilvariadu, iscassatu.

meningíti, meninzíte melinzíte

menispresiàre , vrb: menospretziai, menuspretziai, mindispretziai, minisprejare, minispressiare, minispretzare, minispretziare, minuspressiai, minuspretziare Definizione crèdere o cunsiderare una cosa o a unu de pagu prétziu, de pagu contu, pentzare o foedhare male de unu Sinonimi e contrari abbituperare, aciociai, afrentai, desdorai, disprejare, ilbantare, ilzenzare, irdinzare, ispresciare, ispucire, isvenzare | ctr. abantai, arrespetai, calculai Frasi tui minuspréssias sa gherra chei s'òpera peus de sa Terra (G.Moi)◊ pariat chi eo minisprejavo sos mortos ◊ a boltas bantamus cosas chi sunt piús pagu útiles de àteras chi minispretzamus ◊ una carroga, spallerendusí cun is atras, dhas menospretziàt ca fiant is prus lègias (M.Figus) Etimo spn. Traduzioni Francese mépriser (qqn.), dédaigner (qqch.) Inglese to despise Spagnolo menospreciar, despreciar Italiano disprezzare, spregiare Tedesco verachten.

menisprésiu , nm: menosprétziu, minispreju, minisprésiu, minispréssiu, minisprétziu Definizione male chi si narat, si pentzat o si faet a bíere de ccn. o de una cosa chi si càrculat pagu o po ndhe menguare su valore Sinonimi e contrari abbenzu, ilbàntidu, inzenzu, isputzu, malisprésciu | ctr.   bàntidu, càlculu Frasi ponet mente a sos anzenos: su chi naro deo lu leat a minispreju ◊ at rísidu a minipréssiu ◊ a sa fémina chi faghiat cussu passu fartzu no li mancaiat su minisprésiu de sa zente ◊ de cada animale ndhe contat bàntidos e minisprétzios ◊ l'ant sempre ispucidu e tentu a minispreju Etimo spn. Traduzioni Francese mépris Inglese scorn Spagnolo menosprecio Italiano disprèzzo Tedesco Verachtung.

méniu mélinu

mennàre mendhàre

mennàtu mendhàdu

mennèa, mennèga mendhèa