A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

modhixína, modhixíni modhighína

modhòca modhàca

modhocàre , vrb Sinònimos e contràrios istedhiare, lentinare, modhinare, proighinai, pioinare.

modhocósu , agt Definitzione nadu de su tempus, chi est o istat a su proe proe Sinònimos e contràrios modhinosu, pioinosu Ètimu srd.

modhócu modhàca

modhòne , nm Definitzione genia de pane modhe, a cumassedhu piticu Sinònimos e contràrios tzichi 1 Terminologia iscientìfica pne Ètimu srd.

modhónzu , agt Definitzione chi est unu pagu modhe Sinònimos e contràrios madhitzosu, modhitzu Ètimu srd.

modhòre, modhòri , nm Definitzione su èssere modhe, su si lassare atrotigare, indrúchere, nau de cosas, e de gente (chi si lassat cumbínchere); ossu modhe, modhina; foedhandho de su tempus, ària úmida, nepidedha chi isciundhet ma chentza pròere / leàresi m. = pigaisí cunfiantza; èssere in m. (nau de sa ní) = iscallendisí Sinònimos e contràrios modhesa, modhia, modhímene / ballansa, confidàntzia / mufore | ctr. teteresa, tostore Frases immui apangas ludu, cun su modhori chi dhoi est, in s'ortu ◊ de su modhori no fait a trabballai sa terra 2. in su modhore de su beranu paret creschindhe s'elva 3. no est betendhe ma est a modhore tota die, totu su logu neuladu! Ètimu srd. Tradutziones Frantzesu complaisance, flexibilité, souplesse Ingresu pliability Ispagnolu condescendencia, flexibilidad Italianu arrendevolézza, flessibilità Tedescu Weichheit, Nachgiebigkeit, Biegsamkeit.

modhoricànu , agt Definitzione nau de tempus, chi portat modhore in su sensu de umidore Sinònimos e contràrios modhanu | ctr. asciutu Frases sa simana is dis essiant solianas e is notis modhoricanas (S.Praxolu).

modhóssu , agt Definitzione chi est modhe, de pagu agguantu e pagu forte, nau de ccn. Sinònimos e contràrios mudhioncu Ètimu srd.

modhúra , nf Definitzione su èssere modhe; fintzes s'abba chi proet, tempus postu in abba Sinònimos e contràrios modhesa, modhore / arrosina, modhina, proischina, tzibina Frases si est isderrinau in sa modhura de sa terra 2. su tempus fut sèmpiri in modhura, chi no proiat a denoti proiat a dedí Ètimu srd.

módia , nf: mófida, mófita, móghia, móghida, móida, móvida Definitzione su mòvere, su si mòvere unu pagu; su cumenciare unu viàgiu (nau de bestiàmene, essire o portare a pàschere); fintzes abbrítiu, abbilidade de si pònnere a fàere cosa / min. moidedha Sinònimos e contràrios fracadura, fritida, irmóvia, mofitia, sidhida / acínnidu, ammiada, movitada / tucada | ctr. firmada Frases mi ballant in sas venas sas módias de sos pilos tuos ◊ agatat sa móvida giusta de is manus parit nàsciu imparau ◊ sa zòvana edade est un'iscaza de sa bida chi nche bolat impresse coment'e una móghia de chizos (G.Piga)◊ mellus a si sètzi e a fai su tontu, certas bortas, chi no a fai móvidas chi si faint pentí! ◊ cossumo su tempus ispetandhe una mófida de lavras dae una fotografia! 2. sos ciclistas a sas tres pretzisas si presentant a sa móvida a sa carrela de sa posta 3. chi no fut de sa móvida de is fradis, issu no nd'iat bogau nudha (G.Mura) Ètimu srd. Tradutziones Frantzesu mouvement Ingresu movement Ispagnolu movimiento, sacudida Italianu mòssa, scrollata Tedescu Bewegung.

modífica , nf Sinònimos e contràrios cambiamentu.

modificài, modificàre , vrb Definitzione prus che àteru, cambiare calecuna cosa, no totu Sinònimos e contràrios cambiai.

modína , nf Definitzione mógliu po fàere làdiri, su matone de terra intostau a sole.

modinía moderína

modiscédhu , nm: mudiscedhu Definitzione genia de pigionedhu Sinònimos e contràrios coisàida, madisca, madiscedha*, merreschedha Terminologia iscientìfica pzn.

módiu , pps, agt: mófidu, mófiu, móghiu, móidu, móvidu, móvitu, móviu Definitzione de mòvere; chi no est bene firmu, chi movet, chi istat a su move move, chi dh'ant tocau a manera de pòdere mòvere; chi est tucau, chi si ndh'est andhau, istesiau / módiu a conca = tocau a conca, pagu sàbiu Sinònimos e contràrios andhau | ctr. firmu, pàsidu Frases nemmos si est móghiu a chircare ponidura pro isse ca fit unu printzipale ◊ dae inoche no si est móghiu de passu ◊ módios che sunt? 2. cussas parent cosas de zente módia a conca ◊ chirco sos pilos tuos in sos ghetos e in sos ghentinos de sos ispuntones módios dae su bentu ◊ zuto una dente móida ◊ no ti fides a ti muntènnere a cussa preda: mighi est móida! Tradutziones Frantzesu remué, retourné Ingresu moved, shifted Ispagnolu movido Italianu mòsso, smòsso Tedescu bewegt, wackelig, aufgelockert (terra).

modoinài , vrb: ammodoinai* Definitzione fàere o essire coment'e dormiu, pèrdere o fàere pèrdere is atuamentos, sa memória Sinònimos e contràrios abbalaucare, ammadainare, asturdire, immaudinare, scilibriri, stolondrai Frases su cumpàngiu dh'iat iscutu unu pugnigosu a conca e si nci fiat furriau modoinau.

modosamènte , avb Definitzione cun bona manera, chentza si arrennegare, chentza foedhare male Frases li beto boghe modosamente a che bogare su bestiàmine chi fit fatendhe dannu Tradutziones Frantzesu poliment, gracieusement Ingresu with grace Ispagnolu modosamente Italianu garbataménte Tedescu liebenswürdig.