redussiòne , nf: redutzioni, ridutzione Sinònimos e contràrios impiticamentu, iscontu, méngua, mímina, sméngua | ctr. créschida.
redutài , vrb: arredutai* Definitzione istare in pentzos, èssere pagu seguru, a su time time Sinònimos e contràrios dudai, duritare.
redutósu , agt: arredutosu* Definitzione chi est pagu seguru, nau fintzes de cosa Sinònimos e contràrios dudosu, duritosu, imbalacau | ctr. securu, tzérrimu.
redutziòni redussiòne
rèere , vrb: arrèghere*,
règhere,
rèzere Definitzione
agguantai prantau, a sa rea, baliare o padire un'isfortzu, una fortza / poét. rere; pps. réghiu, rézidu
Sinònimos e contràrios
abbabiai,
afrimai,
agguantai,
apoderae
Frases
ruta ndhe so in fundhu: male in cambas mi reo ◊ fit imbriagu chi no si reziat ritzu ◊ su dragu est male fertu, tambidambi e no si podet rere ◊ su filu fit débbile e no at rézidu ◊ siscuru, de su fàmine no si reiat fichidu!
2.
custa cuba no rezet su binu ◊ cust'isterzu rezet, no rezet s'abba, paret chi no rezat
Tradutziones
Frantzesu
soutenir
Ingresu
to support
Ispagnolu
sujetar,
aguantar
Italianu
règgere
Tedescu
halten.
rèfa , nf: refe Definitzione ispaitu fine, mescamente filu a dua pígia po fàere is arretzas.
refaciàda , nf Definitzione su refaciare Sinònimos e contràrios refàciu Ètimu srd.
refaciài, refaciàre , vrb: arrefaciare,
refatzare,
rifatzare,
rinfaciai,
rinfaciare Definitzione
nàrrere in cara a unu su male chi at fatu, betare in face una cosa a unu coment'e brigandhodhu, giaendhodhi curpas
Sinònimos e contràrios
acarai,
agiostrare,
atzuridare,
cadojare,
iscamurriare,
rumbicare,
sfacidhai,
sfacidhiri
Frases
zughiat un'incristada coment'e unu chi teniat cosa meda de li rifatzare ◊ semus fradile e sorrastra: pro chi sies póveru, si cojuamus, a su nessi no amus de nos rifaciare sas ratzas
Tradutziones
Frantzesu
reprocher,
jeter à la figure (fam.)
Ingresu
to throwin s.o.'s face (sthg.)
Ispagnolu
reprochar,
echar en cara
Italianu
rinfacciare
Tedescu
vorhalten.
refàciu , nm: refatzu,
rifatzu,
rinfàciu,
rinfatzu Definitzione
su rifatzare, cosa chi si narat a unu betandhosidha a curpa, coment'e a briga
Sinònimos e contràrios
afetuada,
apoboretada,
atzúrridu,
ripitimenta,
rimbicu,
sfacidhamentu
Frases
mai unu refatzu de neune at tentu, cussa! ◊ si no fit ca ses antzianu ti tias meritare unu rifatzu: curpa de su cuidu o de su bratzu, raru sa die a ti agatare sanu! ◊ sas peràulas suas sunt ammunimentu e rinfatzu pro un'ammentu eternu ◊ cosa mala a dèpiri arriciri refàcius pustis de ai trabballau cun cunsiéntzia!
Ètimu
srd.
Tradutziones
Frantzesu
action de reprocher
Ingresu
reproach
Ispagnolu
el echar en cara
Italianu
rinfacciaménto
Tedescu
Vorwurf.
refatzàre refaciài
refàtzu refàciu
rèfe rèfa
refèga , nf: arrefega* Definitzione brindhu po papare foras de tempus o in àter’ora tanti po su praxere de papare; cosa de papare a meda Sinònimos e contràrios allufiadura, sassada.
referéndum , nm Definitzione genia de votatzione chi si faet marcandho coment'e arresposta a una dimandha unu eja o unu nono, chi est totu su chi si podet isceberare po èssere de acórdiu o contràrios a una decisione pigada o de pigare.
refértu , nm Definitzione prus che àteru, s'arresposta chi si torrat de una o de is anàlisi chi pertocant sa salude o calecuna chistione de sa carena.
refetóriu , nm Definitzione logu fatu adatu po dhue pòdere papare in medas Sinònimos e contràrios mensa.
réfiga , nf Definitzione prus che àteru, abbitúdine, manera de fàere, in sa nada leare r. mala = pònnere abbitúdine metzana.
refilài rafilài
refinài, refinàre rafinài
refínu rafínu