Legenda Incurtzaduras | Legenda Sìmbulos

isprèndhere , vrb Definitzione pigare e trantzire o iscapiare s'acàpiu / pps. ispresu Sinònimos e contràrios isòlbere | ctr. acapiae, prèndhere Frases su cadhu si est ispresu e s'est fuidu ◊ como su chi ant presu no faet a dh’isprèndhere ◊ isprendho sos canes pro ti mossigare! Ètimu srd. Tradutziones Frantzesu délier Ingresu to untie Ispagnolu desatar Italianu slegare, slacciare Tedescu losbinden, aufschnüren.

ispresciàre , vrb: isprexare, spretziai Definitzione pigare a disprétziu, nàrrere o pònnere male de ccn. Sinònimos e contràrios disprejare, ilbantare, ilzenzare, innorare, menispresiare Frases at ispresciadu su frade ◊ ispero chi abbarrent de isprexare sa chi istimo ◊ chie si siat chi isprésciet sos cumandhos tuos at a èssere picadu e mortu! Tradutziones Frantzesu mépriser Ingresu to disdain Ispagnolu despreciar Italianu disprezzare Tedescu verachten.

isprobigài , vrb: sprobigai Definitzione arrennèscere a cumprèndhere, a bíere, a fàere calecuna cosa de dificurtosu; fàere impresse Sinònimos e contràrios cumprèndhere, sebeltare, spirigai Frases ita nd'eis isprobigau de cuss'ómini? Tradutziones Frantzesu déchiffrer Ingresu to decipher Ispagnolu descifrar Italianu decifrare Tedescu entziffern.

isprodàre , vrb Definitzione illimpiare, allichidire, torrare apostu sa mesa, su logu, arretirare sa cosa Sinònimos e contràrios ispariciai | ctr. apariciai Frases li apo nadu de isprodare sa tàula: annotamala mi at lassadu totu s'isterzu in bàmbinu (G.Ruju)◊ passadu su buldellu, at isprodadu su logu Tradutziones Frantzesu desservir Ingresu to clear Ispagnolu quitarlevantar la mesa Italianu sparecchiare Tedescu abräumen.

ispronài, ispronàre , vrb: spronai Definitzione púnghere o cracare a isprones Sinònimos e contràrios aspronare, ispronizare Frases andhaiat ispronendhe su cadhu a su portante Ètimu itl. Tradutziones Frantzesu éperonner Ingresu to spur Ispagnolu espolear Italianu spronare Tedescu anspornen.

isprosàre , vrb Definitzione pigare, cumbínchere s'àteru cun calecuna cosa chi dhi praghet Sinònimos e contràrios allosingai, improsae, insabonai Ètimu srd. Tradutziones Frantzesu séduire, circonvenir Ingresu to lure Ispagnolu seducir, embaucar Italianu adescare Tedescu anlocken.

isprubbicàre , vrb Definitzione iscandhaligiare, nàrrere una nova o chistione a totugantos, a sa gente peri su logu Sinònimos e contràrios isbandhizare, iscandhulizire, piredhare, tamburinai, trumbitai | ctr. cuare Frases sa birgonza chi aiat fatu bi l'at isprubbicada in dainanti de sa zente ◊ ite mi tantat chi su chi as fatu tue ti l'isprúbbico! Tradutziones Frantzesu crier aux quatre vents Ingresu to trumpet Ispagnolu publicar, pregonar, airear Italianu strombazzare Tedescu ausposaunen.

isprumàre , vrb: sprumai Definitzione piscare s'ispruma de su brodu o àteru budhindho; istidhigare s'ispruma, fintzes fàere ispruma, a ispruma Sinònimos e contràrios agrumai, igrumari, ischedhare 2, isciumiare 2. custa bellesa de figuras fint isprumadas chin su sutzu de sa beda pro lis dare su colore birde Ètimu ltn. spumare Tradutziones Frantzesu écumer Ingresu to skim Ispagnolu espumar Italianu schiumare Tedescu abschäumen.

isprupàre , vrb: ispulpai, ispulpare, ispurpai, ispurpare, sprupai Definitzione segare, istacare sa prupa de is ossos Sinònimos e contràrios idossinare, ispulpuzare Frases so ispurpendhe custos ossos ◊ s'intruxu iat isprupau unu crabitedhu ◊ is nais de is matas candu passat fogu parint bratzus isprupaus ◊ sa conca de su procu po dha fàere in casseta si coghet e s'isprupat Ètimu srd. Tradutziones Frantzesu dépulper Ingresu to take the flesh off Ispagnolu descarnar Italianu spolpare Tedescu entfleischen.

ispucíre , vrb: isputzire Definitzione pigare a disprétziu, coment'e cosa lègia, mala, de fuliare, coment'e candho de una cosa si narat Puci! grisandhodha e, po cussu, pònnere o lassare a una parte, arrefudare Sinònimos e contràrios abborrèschere, ilbantare, ilzenzare, irdinzare, ispresciare, isputzare, isvenzare, menispresiare, putzinai / aorare, assolae | ctr. piàchere, stimai Frases fit gai fea chi finas unu buvone l'aiat ispucida ◊ sa zente sardignola isputzit su faedhu de sos ajajos e leat bona iscola de lorodhos anzenos e ammajos (P.Casu)◊ su frutu de sa cariasa no l'isputzit neunu ◊ ispucit sa cosa chena mancu l'assazare Ètimu srd. Tradutziones Frantzesu éprouver du dégoût, vilipender, abominer Ingresu to loathe, to vilify Ispagnolu aborrecer, despreciar Italianu schifare, vilipèndere, abominare Tedescu verachten, verabscheuen.

ispudhonàre , vrb Definitzione betare o segare is cambos noos, is pigionatzos de una mata Sinònimos e contràrios brossare, illeinare, immodhitare, ipuzonare, irgrasazonare, irbrossare, ischesciai Frases s'ortulanu est ispudhonendhe in sa bardera ◊ su binzateri pudat e ispudhonat in modu chi sa binza batat frutu bonu e meda Tradutziones Frantzesu ébourgeonner Ingresu to pinch out Ispagnolu desvastigar, deschuponar Italianu spollonare Tedescu von Schößlingen befreien.

ispulicàre , vrb: ispuligare, spuligai Definitzione illimpiare, pruschetotu in su sensu de ndhe segare su corgiolu; illimpiare de su púlighe puru; su si arrangiare, iscabbúllere in ccn. cosa Sinònimos e contràrios innetiare, ispigiolare, spilloncai / pulicare / illitire Frases ti apo connotu, fis un'ozastredhu ténneru e bellu e bene ispulicadu (L.Marteddu)◊ est ispulighendhe s'arantzu a resorza ◊ est in su bisonzu ma mandrone, cheret sa cosa a mossu ispuligadu! 3. sos parentes… s'ispúlighent sas dentes: chirchent e tzapent peri sos cuzolos! ◊ as intesu ite ti at nadu: como ispuligadila! Ètimu ltn. ex + *policare Tradutziones Frantzesu peler Ingresu to peel, to skin Ispagnolu pelar Italianu pelare Tedescu schälen.

ispúndiri 1 , vrb: spòndiri Definitzione acostire tropu, essire tropu de un'oru artu, de un'atza Sinònimos e contràrios ispiòndiri Frases issu si est ispúndiu tropu de aundi fut impostau, at postu mali su pei e nc'est arrumbulau Tradutziones Frantzesu se pencher Ingresu to lean out Ispagnolu asomarse Italianu spòrgersi Tedescu sich vorbeugen.

ispuntài , vrb: ispuntare, spuntai Definitzione segare is puntas, segare o guastare sa punta, tocare su binu nou; bogare cosa posta a punghidura; cumenciare a bogare, a essire sa punta; rfl. nau de is binos, essire aghedos, guastos Sinònimos e contràrios ispitare, scomai / essire / achedare 1 | ctr. acuciai Frases in binza semus ispuntendhe sa bide ◊ a faedhare male ses avesu: sa limma ti la deves ispuntare! (V.Congias) 3. in Sardigna no passat dí chi no ispuntit unu frori de una mata Ètimu srd. Tradutziones Frantzesu épointer Ingresu to blunt, to cut the tip off, to come up, to become sour Ispagnolu despuntar, aparecer, agriarse Italianu spuntare Tedescu die Spitze abbrechen.

ispuntogliàre , vrb: ispuntorzare, ispuntzorjare Definitzione púnghere a istrúmbulu (puntógliu), fàere coment'e punghendho ispinghendho a cara a denanti a calecunu; nàrrere sa cosa, arregodare calecuna cosa a chie pagu dhue pentzat Sinònimos e contràrios apuntolzare, ifurconare, inchisai, impunciai, impuntzonare, infruncuai, inghitzidare, intzutzulai, istrumbulai, istuzare, púnghere, puntorjare, strumbuai Frases massajos aturdios, che carros iscussertos irdeghiant, ispuntorzaos a gana! ◊ su massaju ispuntorzat su zú sotandhe s'incarcu de s'aradu 2. si no est ispuntorzadu, cussu, no ndhe faghet de nudha! ◊ est ispuntoglianne chin duos pódhiches sa tastiera de sa computera Ètimu srd. Tradutziones Frantzesu aiguillonner, inciter Ingresu to goad Ispagnolu aguijonear Italianu pungolare, incitare Tedescu anstacheln, anregen.

ispuntzàre , vrb Definitzione bogare, tirare is púncias Sinònimos e contràrios ilgiaitare, stacitai Tradutziones Frantzesu déclouer Ingresu to unnail Ispagnolu desclavar Italianu schiodare Tedescu aufnageln.

ispuntzonàre , vrb: spuncionai Definitzione agiummai comente e púnghere a puncione, nàrrere o fàere cosa po portare a unu a fàere ccn. cosa, fintzes ofendhendhodhu; fàere in puncione, cumenciare a istacare calecuna filera de granu de su moriscu Sinònimos e contràrios impunciai, impuntzonare, insissiligai, intzidiare, ispuntogliare, ispuntziare, ispuntzigonare, punciurrare, puntorjare, tzuntzullare Frases sas pudhas prus las ispuntzonabamus e prus s’istichiant e abarrabant firmas 2. isprunindhe su trigumoriscu faghiant tres muntones: unu de trigumoriscu ínnidu de isprunire, unu de corros ispuntzonados e s'àteru de corros isprunidos Ètimu srd. Tradutziones Frantzesu taquiner, encourager Ingresu to spur, to sting, to prod, to tease Ispagnolu picar Italianu punzecchiare, spronare Tedescu sticheln, anspornen.

isputzàre , vrb: isputziare Definitzione pigare a disprétziu, coment'e cosa lègia, mala, de fuliare, coment'e candho de una cosa si narat Puci! grisandhodha: dhu narant fintzes in su sensu de istesiare (coment'e candho si fúliat ccn. cosa chi si grisat) Sinònimos e contràrios ilbantare, ilzenzare, ispresciare, ispucire, isvenzare, menispresiare Frases macari isputzatu dae totu, in su tzilleri si sediat "a tavolino" e si ordinaiat carchi ispetzialinu 2. ispútzia dae inoche, ca m'imbrutas! Ètimu srd. Tradutziones Frantzesu éprouver du dégoût, dédaigner Ingresu to scorn Ispagnolu despreciar Italianu spregiare, schifare Tedescu verachten.

issardàre , vrb Definitzione istacare cosas sardadas Tradutziones Frantzesu dessouder Ingresu to unsolder Ispagnolu desoldar Italianu dissaldare Tedescu loslöten.

issentíre , vrb Definitzione pèrdere su sentidu, nau fintzes in su sensu de provare unu dolore, unu dispraxere, un'ifadu mannu malu a padire o pistighíngiu, ispédhiu, disígiu forte Sinònimos e contràrios ammachiae, arrabbidare, arrabiai, dischissiare, delliriare, fadhotai, irbariare, ischisciai 1 Frases est issentindhe a dolore de dentes ◊ so issentindhe de custu manighinzu ◊ a sos duos annos dae su protzessu si est issentidu e nche l'ant tzacadu a manicómiu ◊ cudhos zogos bellos a bèndhere mi faghiant issentire ◊ sos candhidados sunt totu issentindhe in chirca de votos!◊ sos batos sunt issentindhe, a màulos, ca ant leadu fragu de peta! Ètimu srd. Tradutziones Frantzesu délirer Ingresu to rave Ispagnolu delirar Italianu delirare Tedescu irre sein.

«« Torra a chircare