Ditzionàriu in línia
de sa limba e de sa cultura sarda

babbalócu , nm: babbalucu Definitzione unu chi est fatu deasi tropu a sa bona, tontatzu, chi si lassat fàere de totu; genia de bobboi Sinònimos e contràrios baliodha, bambarru, bichimmeo, bucalloto, cocollodho, gingiorre, mamusocu, prantamone, tolondro / babbarrotu, babbasaju, partabúdiga, perta, sasàgia, scarfajoni | ctr. abbistu, ispabillu Ètimu itl. babbalocco Tradutziones Frantzesu nigaud, balourd, niais Ingresu idiot Ispagnolu bobo Italianu babbèo, balórdo Tedescu Tölpel.

bacòco, bacòcu , agt, nm: bacucu Definitzione bambu de conca, pagu sàbiu Sinònimos e contràrios isaliadu, isàpidu, macoco, nuscentri | ctr. abbistu, sàbiu Sambenados e Provèrbios smb: Bacuccu Ètimu itl. bacocco Tradutziones Frantzesu bête, sot, fade Ingresu fool Ispagnolu soso Italianu scioccherèllo Tedescu Tölpel.

baliòdha, baliòdho , nm Definitzione unu pagu abbistu, tontatzu Sinònimos e contràrios babule, ballullu, bichimmeo, bucalloto, cocollodho, gingiorre, prantamone, tolondro Frases cherbedhos de molente, baliodho, ses mannu ma no bales mesu iscudu! ◊ custu baliodho mi nat chi sunt issolórios ◊ custas sunt pandheras de tempos baliodhos! Tradutziones Frantzesu nigaud, balourd, niais Ingresu foolish, idiot Ispagnolu bobo Italianu babbèo Tedescu Tölpel.

ballallòe, ballallói, ballalói , agt, nm Definitzione chi o chie est pagu abbistu: foedhu po unu bonu a nudha Sinònimos e contràrios babballucu, ballullu, bichillocu, canivete, innóchidu, lolle, mentzosu Frases unu pódhighe inditat sa luna: su ballalloi mirat su pódhighe ◊ cussa est una fémina ballalloa ◊ est restatu a buca abberta che ballalloi ◊ so de abberu unu criu de casu friscu e unu ballalloi! ◊ s'ómine chi no est istirau a minore torrat a risu de cada unu, resurtat unu ballaloi Ètimu srd. Tradutziones Frantzesu crétin, idiot, imbécile Ingresu idiot Ispagnolu bobo, tonto Italianu cretino, fésso Tedescu dumm, Tölpel.

balòsso, balòssu , agt, nm Definitzione chi o chie est pagu abbistu, bambiocu Sinònimos e contràrios babbalocu, ballalloe, biobba, gingiorre, scimpri, sciolocau, tolondro, tontu | ctr. abbistu, àbbile 1 Frases de óminis nci nd'est tontus, intelligentis, furcas, balossus, bonus e malus ◊ no teniat gana de abarrai fadendi s'ampuecala in sa passillada coment'e una balossa in mesu de genti prus balossa puru Terminologia iscientìfica ntl Tradutziones Frantzesu stupide, bête, idiot Ingresu stupid Ispagnolu estúpido, necio, cretino Italianu stùpido, cretino Tedescu dumm, Tölpel.

baosàtzu , nm Definitzione unu chi istat cun s'abbau calandho che is criaduras, ca est che pipiu etotu mancari mannu Sinònimos e contràrios bambioco, baosone, deleadu, locu, solocu Terminologia iscientìfica ntl Ètimu srd. Tradutziones Frantzesu sot, stupide Ingresu stupid Ispagnolu bobo, necio Italianu stòlido, stùpido Tedescu Tölpel.

bijóncu , nm Definitzione nau de unu, chi si cumportat cun pagu giudítziu Sinònimos e contràrios bambioco, bambu, biondu, biorru, biscioncu, braballu, tontassu Frases cun totu chi est bamba e bijonca, carchi cosa la faghet bene Terminologia iscientìfica ntl Ètimu srd. Tradutziones Frantzesu sot, stupide Ingresu obtuse Ispagnolu necio, soso Italianu babbàccio, stòlido Tedescu Tölpel.

bucallòto, bucallótu, bucalótu , agt, nm: bucarotu Definitzione tontatzu, chi est pagu abbistu Sinònimos e contràrios babbalocu, bibbillocu, bucabbentu, bucamindotu, gingiorre, tolondro Frases pro dare su votu a unu bucallotu de s'ischeda ndhe fato unu zirotu e poi bi l'ataco a su chervedhu! ◊ ancora esistit calchi bucalloto chi l'adorat che unu santu in bida Ètimu srd. Tradutziones Frantzesu stupide, bête, idiot, balourd, nigaud Ingresu stupid, dullard Ispagnolu estupido Italianu stùpido, balórdo Tedescu dumm, Tölpel.

ilgadólciu , agt: isgadólciu Definitzione chi no est àbbile faendho is cosas, chi dhas faet male Sinònimos e contràrios drodhe, giangalloi, ildeoltu, ilgrabbuladu, istraoltu, istrònscia Frases est un'ilgadólciu chi si ti colat acurtzu ti apetigat de seguru! Ètimu itl. scatorcio Tradutziones Frantzesu gauche, rustre Ingresu boor, clumsy Ispagnolu torpe Italianu impacciato, tànghero Tedescu unbeholfen, Tölpel.

ilgrabbulàdu, ilgrabilàtu , agt: isgrabbuladu Definitzione chi est chentza o cun pagu crabbu, pagu àbbile, chi tenet maneras de fàere pagu fines, pagu delicadas, fintzes chi est fatu chentza crabbu Sinònimos e contràrios burrincatzu, ildeoltu, ilgadólciu, intrudhadu, irgestu, irgrabbau, mabigrabbau, manimuruncu / cdh. scatólciu | ctr. grabbosu Frases cudha istatuedha fit ilgrabbulada, chena zestru e ne misura ◊ sas paràulas meas sont pòveras e ilgrabilatas ◊ comente at créschidu su pisedhu no est prus isgrabbuladu ◊ daghi chircaia de lu azuare fit sempre isgrabbuladu, ca no cheriat Terminologia iscientìfica ntl Ètimu srd. Tradutziones Frantzesu maladroit, rustre Ingresu boor, clumsy Ispagnolu torpe, desmañado Italianu maldèstro, tànghero Tedescu unbeholfen, Tölpel.

iscalabràdu , pps, agt: iscalabrau Definitzione de iscalabrare; chi est totu andhau male, chi at tentu dannu; nau de unu, chi est fatu a sa grussera, pagu educau Sinònimos e contràrios malacónciu / gavàciu 2. cumandhadu at zente cun istancas e a fine de ora cun tribàgliu tiradu ndhe l'ant fora ma totu iscalabradu (P.Pisurzi)◊ cudhu nurache est totu iscalabrau ca ómines ghirrisones che ndh'ant ghetau sa midade ◊ un'iscalabradu e macu at isparadu a su Paba Tradutziones Frantzesu rustre Ingresu lout Ispagnolu patán Italianu tànghero Tedescu Tölpel.

mammalúcu , agt, nm Definitzione chi o chie est pagu abbistu Sinònimos e contràrios babballucu, ballullu, bichillocu, innóchidu, lolle, mamusocu Frases bellus mammalucus chi creint ancora a sa boxi ingannadora de is cucus! ◊ cussu est unu mammalucu, sentza perunu cumprendóniu ◊ cussu mammalucu de fillu miu a trint'annus est bagadiu ca timit a tocai fémina! Ètimu itl. mammalucco Tradutziones Frantzesu nigaud, sot, bête Ingresu booby Ispagnolu bobo, tonto Italianu allòcco, balórdo Tedescu dumm, Tölpel.

manàgu , agt, nm Definitzione persona de pagu contu, chi no est de pònnere in càrculu, chi si lassat pigare in giru, chi no est bonu a nudha, istrossa Sinònimos e contràrios bovo, cocollodho, cumbessu, dissalliu, drodhe / ildeoltu, stramu / cartzellete, fardugu, lertone | ctr. àbbile Frases managu dèu ca no seu bonu a fai nudha! ◊ trabballendu, si fut acatau ca managu no fut ◊ mancai sia unu pagu managa, sa bestimenta ti dh'arràngiu dèu ◊ ses tui su managu chi arrogat is tassas isciacuendidhas!◊ chini at fatu custu trabballu fut managu: lah, totu fatu mali est! Terminologia iscientìfica ntl Ètimu spn. monago Tradutziones Frantzesu incapable, nigaud, balourd, niais Ingresu clumsy, foolish, incompetent, idiot Ispagnolu bobo Italianu gòffo ed inètto, incapace, babbèo Tedescu dumm, Tölpel.