A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ajutóriu agitóriu

ajútu agiúdu

ajuvòre ajubòre

àla àba

alabadí! , iscl Sinonimi e contrari càstia!…, mih! Frasi alabadí, lah, ca si ti aciapu càncua dí s'iscova in conca ti segu! Traduzioni Francese regarde! Inglese look! Spagnolo ¡mira! Italiano guarda! Tedesco sieh mal an!

alabadòri , agt, nm Definizione chi o chie istat giaendho bàntidos (mescamente a issu etotu) Sinonimi e contrari bantageri Etimo srd.

alabài , vrb: alabare 1, alavare, allabai, labai 1 Definizione nàrrere bene de unu, nàrrere cosas a bàntidu de ccn., o chi dhi faent onore Sinonimi e contrari alabansare, abantai, laudai | ctr. innoriare Frasi siat alabadu Gesugristu! ◊ is pastoris allabànt a Deus (Ev)◊ mama santa, ses digna de èssere alabada ◊ cun músicas e càntigos alabas a Deus ◊ su síndhigu ndhe siat alavadu pro su chi at fatu pro nois! Etimo spn. alabar Traduzioni Francese louer Inglese to praise Spagnolo alabar Italiano lodare Tedesco loben.

alabài! , iscl Definizione abbàida, giae atentzione! Sinonimi e contrari labai!, labaitei! Frasi allabadí, sinuncas ti nci arruit totu a terra! Etimo srd.

alabaitéi! , iscl Definizione m'abbàida!…, ma càstia a biri tui!… (nau fintzes a briga) Sinonimi e contrari alabai!, arguai! Frasi alabaitei a cussus piciochedhus chi si fúrriant a su babbu e a sa mama: no ant a tenni mai bèni! ◊ un'atra borta, alabaitei a chini at a tocai! Etimo srd.

alabànsa , nf: alabantza, alabàntzia, allabantza Definizione làude chi si giaet mescamente a Deus, a is santos; cunfidàntzia chi unu mannu giaet a su piticu Sinonimi e contrari alabu, alavantzu, bantu, làude / ballansa | ctr. innóriu Frasi depeus cumpraxi a sa Mamma de su Celu cun is allabantzas ◊ po s'amori chi tenis e chi donas, alabàntzia merescis e rispetu 2. li at dadu tropu alabantza Etimo spn. Traduzioni Francese louange, éloge Inglese praise Spagnolo alabanza Italiano lòde Tedesco Lob.

alabansàre , vrb: alabantzai, alabantzare, allabantzai Definizione giare alabantzas Sinonimi e contrari abantai, abballansare, alabai, lavantzai, laudai | ctr. innoriare Frasi bollu alabantzai is isposus ◊ dhu depu allabantzai: si fait amigu cun totus! ◊ innòi nemus si podit atriví a castigai o allabantzai a nemus Etimo srd. Traduzioni Francese faire l'éloge, exalter Inglese to commend Spagnolo encomiar, alabar Italiano encomiare Tedesco belobigen.

alabàntza alabànsa

alabantzài, alabantzàre alabansàre

alabantzéri , agt, nm Definizione chi o chie istat bantandho s'àteru prus po torracontu chi no po dovere o praxere Sinonimi e contrari allisadori, ammajeteri Etimo srd. Traduzioni Francese adulateur, flatteur Inglese flatterer, adulator Spagnolo adulador, alabancero (no frec) Italiano adulatóre Tedesco Schmeichler.

alabàntzia alabànsa

alabàre , nm: labari Definizione pígiu de ógiu in bentre: su chi portat su porcu est grussu meda e s'iscàgiat po fàere s'ógiu porchinu Sinonimi e contrari àbile, ansúngia, saginu Terminologia scientifica crn Etimo ltn. alipe(m) Traduzioni Francese lard Inglese pork-fat Spagnolo manteca del puerco Italiano sugna Tedesco Schweinefett.

alabàre 1 alabài

alabàre 2 , nf Definizione s'ossu de sa pala; pl., is coedhas de su ghentone, de sa camisa, fintzes is travedhas de unu sedhatzu Sinonimi e contrari almu, paba Terminologia scientifica crn Traduzioni Francese omoplate Inglese shoulder blade Spagnolo omóplato, escápula Italiano scàpola Tedesco Schulterblatt.

alabàrzu , nm Sinonimi e contrari labadógiu, samunadolza, sapunadorju Frasi sas pitzinnas torrant deretu de s'alabarzu, candho ant lavau Etimo srd.

alabàtu , nm: alapatu, salabatu Definizione genia de erba a fògia lada, de sabore aghedu Sinonimi e contrari cannaurpe, lampatu*, melacra / ttrs. arabatu Frasi foza li ponent a mísciu de alabatu cadhinu (Limbudu) Terminologia scientifica rbc, Rumex crispus.