A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

carpíu calpídu

càrra , nf: cuarra Definizione genia de istrégiu po medire prus che àteru laores e fintzes po inditare sa mannària de unu terrenu (po su sèmene chi dhue intrat); àtera cosa puru? Sinonimi e contrari caltu Modi di dire csn: fai sa cuarra a rasu, a cúcuru; portai sa conca cantu una cuarra = ammuinada, che in moida ’e rios; tènniri sa cosa a cuarras = a muntones, a meda Frasi su pipiu tenit sonnu… a cuarras su dinai dhi misurit su nonnu! ◊ batzinones chi leant una carra dogni note ndhe prenant chimbe e ses! ◊ Predu at semenau duas carras de orju 2. in sa càscia bi aiat carras de fresi, lentolos de linu e costúmenes 3. fach'e cuarra atriviu! Cognomi e Proverbi smb: Carra, Carredda Terminologia scientifica ans Etimo itl. quarra Traduzioni Francese boisseau Inglese bushel Spagnolo cubo de madera, fanega de sembradura, fanegada Italiano stàio Tedesco Scheffel.

càrra 1 , nf Definizione partza ue si faet su mercau Terminologia scientifica bdh.

carrabàcia, carrabàssa , nf Definizione crabone malu, candho no est fatu e allutu bogat àteru fumu (si narat de persona metzana puru) Sinonimi e contrari arrebbàscia.

carrabàju , nm Definizione bighinu de carreba, mere de terrenu acanta de àteros Sinonimi e contrari afrontante, giuriscongru, lacanante, lacanarju Frasi sa carreba iat a èssi unu bixinau de su sartu e is meris si nant carrabajus.

carrabàssa carrabàcia

carrabatàre carabbatàre

carrabatzía , nf: carrapatzia Definizione barduletes, trastos bècios de fuliare; in cobertantza, piciochedhos ifadosos Sinonimi e contrari bascaràmene, carramacina / fratamaza, istrudhàglia, pisedhina, ratatúglia 2. est tucau a si sèdere in mesu de sa carrapatzia de sos pitzinnos annuracaos a manu de zosso Etimo srd.

carrabàza , nf Definizione cositedha de pagu contu Sinonimi e contrari barragàllia, carramacina Etimo srd.

carrabazería , nf Sinonimi e contrari arrabatzu, bascaràmene, carrabaza, carramacina Etimo srd.

carràbba , nf Definizione fuste de pònnere a codhu po carrare abba cun duas carcidas una ananti e una apalas, apicadas Etimo srd.

carrabbiotàe , vrb Definizione giare a pitzu, lòmpere a ccn. de mala manera Sinonimi e contrari carrabbugliai, carrabbusai.

carrabbràxa , nm Definizione aina de sa forredha po murigare su fogu Sinonimi e contrari tirabbràgia Frasi candho su furru est prontu, cun su carrabbraxa si retirat sa braxa e si mundhat Terminologia scientifica ans Etimo srd.

carrabbugliài, carrabbulliài , vrb: acarrabbullai Definizione lòmpere de mala manera a unu, a una cosa, cracare, iscúdere, gherrare Sinonimi e contrari barriare, carrabbusai, crazugai Frasi candu su noti abarramu a s'orbetu mi carrabbugliàt su sintzu ◊ gei ses afrodhocu: ita ti ant, carrabbulliau is gatus? ◊ un'ómini at carrabbulliau una picioca, aprofitendisindi Traduzioni Francese attaquer Inglese to assail Spagnolo asaltar Italiano assalire Tedesco angreifen.

carrabbusài , vrb: carrabbuzai Definizione lòmpere de mala manera a unu, pònnere is manos a pitzu, betare a terra Sinonimi e contrari abbrancai, acafai, aciapai, afarcai, afarrancae, aferrai, aggafai, aggarrai, carrabbugliai, crazugai, tènnere Frasi carrabbusau siast! ◊ passànt de is fuedhus a is cropus: si carrabbusànt, s'iscarenànt, si mussiànt ◊ me in su nuraxi dhoi fiant is cortilis, chi serbiant po óminis, animalis e fintzas po carrabbusai is inimigus Etimo srd. Traduzioni Francese attaquer, assaillir Inglese to attack Spagnolo agredir, acometer Italiano investire, attaccare Tedesco anstoßen.

carrabbúsu , nm Definizione bobboi niedhu de tantas calidades chi allòmborat e orrúmbulat su ladamíngiu de is animales; àtera genia de bobboi puru (es. pretedha o fèlega); nau a befa, persona de carena bàscia e grussa / c. issedhau = persona de perunu contu ma presumia meda Sinonimi e contrari acarrabboi, buvone, carragarra, carrammelda, tragamerda, travajoni Frasi si fait cussas mobenterias dhu strecu che unu carrabbusu! ◊ unu carrabbusu est cucurumedhendhe ◊ isputzidos carrabbusos girant su mundhu issoro in su piúere! Terminologia scientifica crp, scarabaeus sacer, s. laticollis; geotrupes sardous; copris hispanus, c. lunaris; ceratophyus hiostius Traduzioni Francese scarabée Inglese dung beetle Spagnolo escarabajo Italiano scarabèo stercoraro Tedesco Roßkäfer.

carrabbuzài carrabbusài

carràca caràca

carracíli cadracíli

carraciòla, carraciólu , nf, nm: carratzolu, carriciola Definizione carradedha pitica, cubedhutzu Sinonimi e contrari cubiciola, cupoto, fascella Frasi ite arrore, ti ant asciutu sos carratzolos cussos imbreagones!◊ tenit unu carraciolu de binu bonu ◊ aggarrat una berrina e ponet manu a su carratzolu ◊ at batiu unu carratzoledhu de binu ◊ apu postu su binu in is carraciolas in mangasinu Terminologia scientifica stz Etimo srd. Traduzioni Francese tonnelet Inglese small barrel Spagnolo barrica Italiano botticèlla Tedesco kleines Faß.