A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cólica, cólicu , nf, nm Definizione mali masculinu, punta de dolore forte de no dhu pòdere aguantare chi benit mescamente a bentre, o fintzes a is errigos, a su figau Sinonimi e contrari francosina, passacólica, stratzonis Terminologia scientifica mld.

cólidu , nm Sinonimi e contrari caróngiu, cogólidu, lecucu.

coligóli , nm Definizione animaledhu cun su corgiolu tundhu a bisura de caragolu; a logos est sa cosa chi arregollent is piciochedhos andhandho de domo in domo a carrasegare Sinonimi e contrari cocoi, sintzigorru Frasi fintzas dogna coligoli s'ispassillat allirgau (Gd.Piras) Terminologia scientifica crp.

coligóli 1 , nm Definizione genia de mustajone o mamutzone po giagarare crunculleos e àteros pigiones (e fintzes mamutzone de carrasegare) Sinonimi e contrari furriadolza, mustagione, tzacarradroxa Frasi a carrasegare fiat bestiu de coligoli ◊ pighiaus su coligoli a sos ballos Etimo srd. Traduzioni Francese épouvantail à moineaux Inglese scarecrow Spagnolo espantajo Italiano cacciapàsseri Tedesco Vogelscheuche.

colimínzu , nm: colominzu, columinzu, culiminzu, culuminzu Definizione su puntu prus artu de su barracu, de sa teulada, ischinale de teulada (a logos fintzes sa biga de s'ischinale); sa essia de su fumu de sa forredha, in sa teulada Sinonimi e contrari cucumenale, pinnacúcia, pópula, sima / fomajou Frasi sos columinzos sighiant a rupiare fumu atoscadu 2. fumat dae su columinzu su foghile Terminologia scientifica dmo Etimo ltn. *culmineum Traduzioni Francese cheminée, faîte (de toîture) Inglese chimneypot Spagnolo chimenea Italiano comìgnolo Tedesco Schornstein.

cólimu , agt: cólumu, cúlumu Definizione chi est a oros, prenu prenu, nau de istrègios o misuras; cosa a meda / avb. a cólimu = a oros, prenu prenu de no bi càbere àteru: nadu de mesura podet èssere prena a cucurru (diferente de a oros, a rasu) Sinonimi e contrari acucuradu, pienu / muntone Frasi a sos proite dubbiosa isetat una risposta cóluma de sustàntzia ◊ su mundhu est cólumu de peleas 2. sas lúscias las ant pienadas a cólumu ◊ su trenu passat sempre a cólumu de zente ◊ s'arveghe zughet sas titas a cólumu de late 3. sufrit unu cúlumu ispaventosu de males Etimo itl. Traduzioni Francese plein Inglese full Spagnolo colmo Italiano cólmo Tedesco voll.

colíru chibíru

colíssa coléssu

colissài colessài

colivetài calafatài

colizòne , nm: corigioni, corizone, curizone Definizione sa parte prus méngius de su linu, sa chi tessent a tela, a pannos, a lentzolos, e fintzes sa parte prus bona de sa lana; su coro, is fogighedhas prus modhes de erbas acupadas (latuca, càule), fintzes su nasedhu, sa parte de mesu ue su frutuàriu (es. pira, mela e àteru) portat su sèmene / su corizone de s'ijerru = su grofu de s'ierru Sinonimi e contrari coramedhu / cdh. curicioni Frasi su corizone si trataiat pro su tessinzu a telarzu de sas telas fines Terminologia scientifica rbr Etimo ltn. carilione(m). Traduzioni Francese partie fine du lin Inglese fine part of linen Spagnolo parte sutil del lino Italiano parte fine del lino Tedesco feiner Teil des Leinens.

còlla , nf: coza Definizione in sa carena de su mascu, genia de búscia ue portat is butones e fintzes is butones etotu Sinonimi e contrari cogionera Terminologia scientifica crn Etimo ltn. colea Traduzioni Francese scrotum, testicules Inglese scrotum Spagnolo testículos, escroto Italiano scròto, testìcoli Tedesco Hodensack.

còlla 1 , nf Definizione genia de cosa apicigosa (prus che àteru lícuida o cagiada) po mantènnere atacaos impare materiales o orrugos de materiales fintzes diferentes Sinonimi e contrari cola Etimo itl. colla.

colladórgiu , nm Sinonimi e contrari acóbiu, acotu, corcadorju*, dormitógliu, giachidorzu.

collàna , nf: conalla Definizione genia de cosa (tira de pedhe, filera de frores o prendhas intraos in d-unu filu) chi si ponet in su tzugu e si lassat pèndhere in petorras (sa de is animales, si est de pedhe, abbarrat giusta, larga cantu bastat po no dhis nòghere) Sinonimi e contrari buturada, cannaca / collete, collu / cdh. cudhana Frasi is burricus no pretendant de èssi a conalla coment’e is meris! Terminologia scientifica prd Etimo itl. Traduzioni Francese collier Inglese necklace Spagnolo collar Italiano collana, collare Tedesco Kette, Halsband.

collanàdu , agt Definizione chi portat collana, chi est postu de collana Sinonimi e contrari acannacau, collaradu Frasi sa bracutza mia est collanada Etimo srd.

collaràdu , agt Definizione chi portat collana, guturada Sinonimi e contrari acannacau, collanadu Frasi a sos duos innóchidos si lis presenteit unu becu mannu, niedhu che carvone e collaradu de biancu Etimo srd.

collàre , vrb Sinonimi e contrari colcare* Frasi si abbarro collau no m'isbarro sa manu… ◊ sos pastores collavant in foras, timendhe sos ladrones.

collàrgiu , nm Definizione trastu de barracu, de cuile, genia de cullera fata de sa punta de unu corru de pegus de bulu, o de mascu brebeghinu Sinonimi e contrari cogalzu*, cragallu, giogalzu Terminologia scientifica ans.

collàri , nm Definizione tira de pedhe chi si ponet in su tzugu a is animales / collari de s'órdini (in d-unu terrinu)= tretu chi abbarrat chentza prantadu? Sinonimi e contrari buturada, cannaca, collana 2. sèmenat su trigu in terra de collari Cognomi e Proverbi smb: Collari Etimo itl. collare.