A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

inlutài, inlutàre , vrb rfl Definizione pònnere su dolu, bestire a dolu, po unu mortu Sinonimi e contrari allutare, lutare 2 | ctr. slutai Etimo srd. Traduzioni Francese prendre le deuil Inglese to go into mourning Spagnolo enlutar Italiano méttere, portare il lutto Tedesco Trauer tragen.

innabiàre , vrb Definizione carrigare a nabiu, meda, comente si faet in is naves Etimo srd.

innabronàri , vrb: innarbonare, innerbonai, isnarbonai, isnarbonare, snarbonai Definizione illimpiare unu terrenu de sa matedu, de sa cotzina, de sa pedra, po dhu pòdere arare e semenare Sinonimi e contrari annarbonai, iscodionae, larbonare Frasi s'innerbonànt is terras cun sa càvana Etimo srd.

innadiàda , nf: innadicada, innadigada, irnadicada, snadiada Definizione cropu giau a nàdigas, mescamente a manu isparta Sinonimi e contrari innannariada, isculivita, nadiada Frasi babbu mi mineteit chi si bogaiat sa chintolza e mi ndhe daiat paritzas innadigadas Etimo srd. Traduzioni Francese fessée Inglese spank Spagnolo nalgada Italiano sculacciata Tedesco Schlag auf den Hintern.

innadiài , vrb: innadicare, innadigare, irnadicare Definizione pigare a isculivitas, a innadiadas, iscúdere cun sa manu a nàdigas Sinonimi e contrari annadiai, aculaciai Frasi candho su pipiu naschiat l'innadighiant chi bidiant ca no respiriat, po dhu fae prànghede Etimo srd. Traduzioni Francese donner une fessée Inglese to spank Spagnolo pegar en el culo Italiano sculacciare Tedesco den Hintern versohlen.

innadicàda innadiàda

innadicàre innadiài

innadigàda innadiàda

innadigàre innadiài

innàdu , nm Definizione cropu de ischina, móvia de sa carena coment'e nadandho / avb.: a innadu = cun unu corpu de ischina, móida a incannadas Sinonimi e contrari ischinada Traduzioni Francese coup de reins Inglese blow with one's back Spagnolo espaldazo Italiano schienata Tedesco Rückenstoß.

innaentàre , vrb Definizione giare o fàere istrobbu, anneu Sinonimi e contrari agenare, annaentare*, anneare, annischissai, ifadare, ifastizire.

innaentósu , agt Definizione chi giaet innaentu, chi fastídiat Sinonimi e contrari agghegiosu, ifadosu Frasi babbu puru est innaentosu e bi cheret iscarzu a lu batazare! (G.Ruju) Etimo srd.

innaéntu , nm Sinonimi e contrari annaentu, ifadu, istrobbu Frasi no suporto s'abbolotu cun sos innaentos ◊ za lu tenet s'innaentu, cussu cristianu!…◊ a s'innaentu chi podes dare a mie no bi penses! Etimo srd. Traduzioni Francese souci, ennui Inglese problem, nuisance, bore Spagnolo preocupación, molestia Italiano grattacapo, fastìdio, nòia Tedesco Sorge, Überdruß.

innafricàre , vrb Definizione foedhandho cun tzacu, cun arrennegu, nàrrere, un'ammesturu de custu foedhu e ufrare Frasi ti apo innafricatu a nche lu mòrrere, cuss'arradiedhu! ◊ no si ne fint abbitzatos fintzas a canno no bi lis ant innafricatu sos àteros Etimo srd.

innaicàtu , agt Definizione nau de mata, chi est càrriga, chi portat frutu meda, cun is naes abbasciadas de su pesu Sinonimi e contrari istantaridu Frasi bi at unu funnu de péssiche innaicatu de cucuja minuta Etimo srd.

innaigadúra , nf Definizione su innaigare Sinonimi e contrari bantzigonzu, nannicadorju, santziadura, santziamentu Etimo srd.

innaigài , vrb: innaigare Definizione indrúchere o abbasciare is naes càrrigas de una mata, tròchere o andhare de un’ala a s’àtera che is naes de is matas Sinonimi e contrari allancare, annaigare, bantzicare, iscotzinare, iscutuai, saidare, stontonai, tambulare, tòmbere Frasi innàigat una mata de pira pro ndhe betare a terra Etimo srd. Traduzioni Francese secouer, chanceler Inglese to shake, to stagger Spagnolo contonear Italiano scuòtere, barcollare Tedesco schütteln, schwanken.

innaigainnàiga , avb Definizione andhare a s'innàiga innàiga = andai cerri cerri, andhare iscúlia iscúlia, sedatzandho is nàdigas, coment'e ballandho is nàdigas, a su tàmbula tàmbula, istòntona istòntona Sinonimi e contrari isculisiscúlisi Etimo srd. Traduzioni Francese qui se dandine Inglese walking with a wiggle Spagnolo sacudir Italiano sculettante Tedesco sich in den Hüften wiegend.

innaigàre innaigài

innàigu , nm Definizione su innaigare / avb.: a i. = a meda, a pilimpedhe (nau de matas càrrigas cun is naes abbasciadas) Etimo srd.