A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

insurdèssiri , vrb Sinonimi e contrari insuldire, insurdai Etimo spn. ensordecer.

insurdíre insuldíre

insurdósigu , agt Definizione nau de sonu o isorrocu forte de fastidiare s'oidu, de fàere male a s'oidu, chi insurdat Sinonimi e contrari tronosu Frasi cussu est unu romúriu insurdósigu Etimo srd. Traduzioni Francese assourdissant Inglese deafening Spagnolo atronador Italiano assordante Tedesco laut.

insuríri , vrb Definizione coment'e fàere a soru, a brodu, nau de cosa (mescamente pische) chi si guastat, s'impudit Sinonimi e contrari assorare, impudire, pudèsciri Etimo srd.

insuríu , pps, agt Definizione de insuriri; chi lassat andhare arrancu légiu, fragu pudésciu de cosa guasta, chi faet male Sinonimi e contrari assoratu, guastu, púdidu 2. in s’àiri aferenada de nuis e nuis de síntzulu s’intendiat sulendi, vitanu, su bentu insuriu de sa malària (S.Chiappori) Traduzioni Francese miasmatique Inglese miasmal Spagnolo rancio Italiano miasmàtico Tedesco miasmatisch.

insurpài, insurpàre inciurpài

insurpía , nf Definizione farta manna de is ogos, de sa vista Sinonimi e contrari surpia, turpíghine, tzeghidúdine, tzegúmene, tzurpedade Etimo srd.

insúrpu , agt, nm: intzurpu, issurpu, itzurpu Definizione chi o chie no biet, chi dhi mancat in manera grave sa vista Sinonimi e contrari cegu, ciurpu*, ispereladu Frasi seu diventau intzurpu sa dí chi apu connotu a tui!…◊ seis itzurpus chi donais sa manu a is àterus tzurpus po nci arrui a su fossu! ◊ cussu est issurpu límpiu! ◊ sa gatu at fatu is fígius issurpus, no issopos! 2. tui ses itzurpu de sa passioni!

insuspetài , vrb Definizione pònnere in suspetu, fàere naschire ancu, duda Frasi candu apu bistu a Pillai currendi mi at insuspetau de alcuna cosa (Bitiredha Melis).

insústu inciústu

insúsu , avb Definizione in susu Sinonimi e contrari susu*.

insúta , avb, prep: asuta, issuta, suta Sinonimi e contrari afundhu | ctr. asuba, susu Frasi falo a insuta, a bídere 2. a insuta de su palatu comunale bi fit su marcadu Etimo srd.

insutiligài, insutiligàre , vrb: issutilicare Definizione fàere prus fine, prus sútile, prus lébiu; menguare su papare o fintzes minimare su grassu in su papare Sinonimi e contrari afinai, afinicare, assilingare, assutighilare, infinigae, isgumentare | ctr. ingrussai Etimo srd. Traduzioni Francese réduire, amincir Inglese to thin Spagnolo adelgazar Italiano assottigliare Tedesco feiner machen.

insutzúdhu , nm: intzutzudhu Sinonimi e contrari assunciudhu, astudhu, ispreu Frasi mi ndi at iscirau s'insutzudhu de una sirena ◊ seu totu un'insutzudhu po cussas follas mortas chi arruint ◊ eita funt custus insutzudhus chi mi pigant?! ◊ apenas pentzu a tui, sa petza est un'intzutzudhu de agus de frius (E.Collu) Etimo srd.

insutzuligài , vrb Definizione batire fàmene, apetitu, disígiu, gana; fàere inchietare su cane Sinonimi e contrari agganire, alluscai / airai, arrannegai, collobbiare, inchietae, inciulai, infuterare, intziminire, suberiare Etimo srd. Traduzioni Francese aiguiser l'appétit, donner l'envie (de), agacer Inglese to irritate, to whet s. o.'s appetite Spagnolo despertar el apetito Italiano stuzzicare l'appetito, inuzzolire, irritare Tedesco den Appetit reizen, begierig machen, reizen.

insutzuligàu , pps, agt Definizione de insutzuligai; chi est insuau Sinonimi e contrari assu 1 Traduzioni Francese entiché Inglese lusted Spagnolo deseoso, encaprichado Italiano inuzzolito Tedesco wer auf etwas bekommt.

insuxàri , vrb Definizione imbrutare, fàere súxiu, totu brutu Sinonimi e contrari acadhotzai, imbratare | ctr. innetare, limpiai Frasi mi ses insuxandu su logu!

intabàtzu , nm Definizione genia de pentzamentu, de arriolu Sinonimi e contrari apinioni, apinnicu, arriolu, cimbella, pedighinu, pedine, pestighinzu Frasi tue ti leas intabatzu pro donzi cosighedha (G.Ruju)◊ no ti ndhe les de intabatzu pro s'annada! ◊ ma làssami custu intabatzu! ◊ sa mannedha si aiat leadu tantu intabatzu pro l'asciutare ca fit recuidu tilciulone Traduzioni Francese souci, angoisse Inglese anguish, worry Spagnolo preocupación Italiano preoccupazióne, angòscia Tedesco Sorge.

intabàu , nm Definizione intaulau, pomentu a tàulas Sinonimi e contrari tauada Etimo srd.

intabedhadúra , nf Definizione su intabedhare Etimo srd.