A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

recóntu , nm Sinonimi e contrari contu Frasi eo so prontu a bos fàghere su recontu de totu.

recòrbere , vrb Definizione arregòllere; torrare, furriare a domo / pps. recórbiu Sinonimi e contrari arragolli, recògliere* / contoniai, recòrdere 2. fimus in piatza, a mesanote, no fimus mancu vívios, ma no aviamus gana de recòrbere (G.Chironi).

recórbida , nf Sinonimi e contrari arragota / contoniada, ghirada, recuia Etimo srd.

recordàre , vrb: arragodai*, regordai Definizione giúghere presente in sa mente o batire a sa mente una cosa passada de tempus Sinonimi e contrari ammentai, subènnere | ctr. ilmentigare, scaresci Frasi recòrdati chi prima fusti clara e como iscura!

recòrdere , vrb: regòrdere Sinonimi e contrari contoniai, ghirare, recògliere*, recoire, recòrbere Frasi candho recordiat si seiat su fizu in coa ◊ est andhendhe a nche regòrdere su late a bidha ◊ dae su trabballu che recordet a sa una ◊ andhant sos canes a recòrdere sas berbeches a mandra.

recortórzu , nm Definizione logu a ue recòrdere o ghirare Frasi preco a santu Zorzi chi bos diat mendhu e recortorzu securu (G.Mele) Etimo srd.

recórtu , pps: arregortu, regoltu, regortu, regotu 2 Definizione de recògliere Sinonimi e contrari collidu, incungiau / acasazau Frasi che los ant recortos a bidha, sos mortos 2. bi fit custu orfanellu chi no aiat ne babbu e ne mama e l'aiat regortu un'ómine de Sedhori.

recotédhu , nm Definizione genia de cosighedha bianca chi, in sa natura de s’ómine, bogant is gràndhulas ororu de sa conchedha in su surchighedhu totu comente abbarrat ammontau cun sa pedhighedha, e deasi etotu ororu de sa tituledha in sa natura de sa fémina Sinonimi e contrari gana 1 Etimo srd. Traduzioni Francese smegma Inglese smegma Spagnolo esmegma Italiano smègma Tedesco Smegma.

recótu , pps, agt: arrascotu, errescotu, regotu Definizione de recòghere; nau de s'orrobba o de sa carre, chi est de colore niedhudu, inniedhigada coment'e cota, a fortza de dh'imbrutare o de pigare sole Sinonimi e contrari acotiau, ammoriscau, ammurradu | ctr. càndhidu, nídidu 2. sa camisa paret bruta de cantu est regota ◊ cussu traste est regotu a fortza de l'imbrutare 3. su cadhu fit brujadu e recotu de sidis e de fàmine (P.Pisurzi)◊ terra de umbras, atraessada e regota dae su prúere de su tempus! (C.Puddu) Terminologia scientifica clr.

recótu 1 , nm: arrascotu, regotu 1, rescotu, rigotu Definizione apustis piscau su casu, est su chi essit de su soru torrau a su fogu a imbudhidare fintzes agiummai a puntu de pesare búdhidu: ndhe artzat a pitzu a pígiu grussu Sinonimi e contrari arricu 1, brotzu 1, martadhu, martzedhu, soru, sorugotu Frasi achica fogu cràdiu a cada bandha de su lapiolu fintzas chi dae su soru àntziat su recotu ◊ sentza bídere ne casu e ne regotu mancu giota connotu apo a sabore ◊ mi at dadu casu, regotu e peta Terminologia scientifica mng Etimo ltn. recoctus Traduzioni Francese "ricotta" (fromage très voisin du sérac) Inglese ricotta (kind of cottage cheese) Spagnolo requesón Italiano ricòtta Tedesco Quark.

recracadúra , nf Definizione tróchia de un'arremu Sinonimi e contrari dórchida isgúbberu, trunchinada Etimo srd. Traduzioni Francese entorse, foulure Inglese distortion Spagnolo distorsión, esguince Italiano distorsióne Tedesco Distorsion, Verstauchung.

recracài , vrb: arrecracai* Definizione incracare torra, pònnere asuta de calecunu pesu, nau fintzes in su sensu de pònnere male un'arremu atrotigandhodhu de dhi fàere dannu Sinonimi e contrari atrotiai, dòrchere Frasi mi seu recracau unu pei.

recramadòra , nf Definizione fémina chi faet trebballos de borderia, de obru, ricamu Sinonimi e contrari bordadora.

recramàre recamài

recràmu , nm: arricamu, ricamu, ricramu Definizione genia de trebballu chi si faet (a manu o a màchina) po fàere prus bellu unu trastu de orrobba cun figuras, disegnos fatos cun filu de diferente colore Sinonimi e contrari abbordau, abbrodu, borderia, obru 2. su monte de ricramos est bestidu (B.Truddaju) Etimo itl. Traduzioni Francese broderie Inglese embroidery Spagnolo bordado Italiano ricamo Tedesco Stickerei.

recreài, recreàre , vrb Definizione pigare o giare ispàssiu, gosu, recreu Sinonimi e contrari desogai Etimo srd.

recréu , nm: arrecreu, ricreu Definizione cosa chi giaet consolu, praghet, chi faet godire, istare cuntentos Sinonimi e contrari desogu, godimentu, gosa, ispàssiu | ctr. patimentu, patiscione Frasi o Deus meu, cuntzédimi un'istante de recreu! ◊ s'abe agatat recreu in sos fiores ◊ ti ndhe ses riendhe: paret chi ndhe apas recreu! ◊ in tanta paghe sa mente assereno e mi est durche recreu sonniare ◊ cussu locu fit su recreu de sos minores ◊ issos in custu tribàgliu bi agatant recreu ca est a sa idea issoro Etimo spn. Traduzioni Francese plaisir, délassement Inglese delight, recreation Spagnolo recreo Italiano dilètto, piacére, ricreazióne Tedesco Vergnügen.

recrusàre , vrb Definizione pònnere in recusione, in presone o àteru logu deasi, in logu serrau de no pòdere essire Sinonimi e contrari acorrae 1 | ctr. bocare, iscapae 2. mi che creio recrusada in carchi ospítziu Traduzioni Francese enfermer Inglese to shut in Spagnolo encerrar Italiano rinchiùdere Tedesco einschließen.

recrusiòne , nf: recusione Definizione logu inue poderare a unu isserrau de no ndhe pòdere essire Sinonimi e contrari galera, presone Frasi cuss'arga de muntonarzu… a recusione!◊ za l'ischis tue puru inue est sa cosa, no ses de recusione!◊ su códice penale narat chi po cosa goi bi at tres meses de recusione.

recrusóriu , nm Definizione logu inue poderare gente acorrada Sinonimi e contrari recrusione.