A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

stibbàu , pps, agt Definizione de stibbai Sinonimi e contrari stibbiu Frasi fiant totus stibbaus e cracangiaus apari po podi biri su chi sucediat.

stibbidúra , nf: istibbidura Definizione su stibbiri / avb. a s. = a intibbu, a càtigu, a meda (nau de cosa o de gente arregorta in pagu tretu).

stibbilidòri , nm Definizione genia de mesura (pértiga o canna longa a tachedhas), istrumentu po istabbilire sa cantidade de lícuidos, cantu pigat una carrada, unu bastimentu Sinonimi e contrari stasa Traduzioni Francese jauge Inglese burden Spagnolo tonelaje Italiano stazza, stàggio Tedesco Tonnage, Meßlatte, Meßstab.

stibbilidúra , nf Definizione su stibbiliri Etimo srd.

stibbilíri stabbilíri

stibbíri , vrb: istibbire* Definizione prènnere, pònnere a istibbu, a cracu, cosa meda in pagu logu Sinonimi e contrari stibbai.

stibbíu , pps, agt: istibbidu Definizione de stibbiri; nau de istrégiu o de logu, chi est prenu a isticu Sinonimi e contrari insacadu 2. at passau unu pulma stibbiu de genti Traduzioni Francese entassé Inglese crammed Spagnolo repleto Italiano stipato Tedesco überfüllt, gedrängt voll.

stíbbu , nm: intibbu Definizione s'istibbire; cosa istibbida,posta a cracu, cosa o gente a meda in pagu tretu / avb. a s. = a istibbidura, a cracu, a meda, a isticu 2. is pillonis, assustraus, nd'istupànt foras de su stibbu de is matas (I.Lecca) Etimo srd. Traduzioni Francese cohue Inglese crowd Spagnolo gentío Italiano calca Tedesco Gedränge.

stíca , nf, nm: isteca*, sticu 1 Definizione genia de pértiga (es. po giogare a bigliardu, ma fintzes a intacas po misurare cosa), pertighedha (es. de ventàgliu); orrugu de cosa longhitu, tauledha, travedha, pruschetotu sa chi si ponet in s'ispola, o, prus curtza, a tupare unu de is tres istampos de sa carrada Sinonimi e contrari tzola Traduzioni Francese baguette, queue, baleine Inglese stick, cue, splint Spagnolo varilla Italiano stécca Tedesco Stab, Stock, Stange.

sticàda , nf: isticada* Definizione istichia, segada fata a lepedha, cropu de cosa puntuda (mescamente segante) giau a punghidura (ma fintzes s. de pei) Sinonimi e contrari arrasogiada, istocada Frasi cussus si buscant una sticada de gortedhu a piturras, chi si ponint in mesu ◊ dona una sticada de istrúmbulu a su bòi! Traduzioni Francese coup de couteau Inglese stab Spagnolo cuchillada Italiano coltellata Tedesco Messerstich.

sticàja , nf Definizione reparu fatu a puntedhos o a fràigu a istúturu in is errios a manera de tratènnere o fàere trantzire s'abba Sinonimi e contrari paliciada, sticara, tròcia Etimo srd. Traduzioni Francese palissade Inglese fence Spagnolo estacada, valla Italiano palizzata, steccato Tedesco Palisade, Bretterzaun.

sticàra , nf Definizione reparu fatu a puntedhos o cun isticas, arraighinas in is errios po tratènnere s'abba Sinonimi e contrari sticaja Etimo srd.

sticàu , nm Definizione incodau, logu po passare istérriu a pedra assentada Sinonimi e contrari cogorau, impedradu, incoduau Etimo itl. lastricato.

stichédhu , agt Definizione nau de ccn., chi est de carena cannàile, fine, làngia Sinonimi e contrari stinghiritzu Etimo srd.

stichída , nf: istichida* Definizione su stichiri; cropu o istichia de cosa puntuda, fata a punghidura (fintzes cropu de pei) Sinonimi e contrari afruconada, istocada 3. nci dhu depint bogai a stichidas de peis, a issu ◊ dh'at pigau a stichidas de pei.

stichidhíri , vrb Sinonimi e contrari intrae, istichire, sticonai Frasi e innui nci at a èssi stichidhia? Etimo srd.

stichidhíu , pps, agt Definizione de stichidhiri Sinonimi e contrari intradu, istichidu, tzacadu 2. ca iant biu una lorada est berus, totu cussa scrafuialla chi dhui fiat, stichidhia inní!

stichíri , vrb: istichire* Definizione pònnere aintru de calecunu istrégiu o de logu, mescamente a fortza, a istibbidura; bestire, pònnere in pitzu unu bestimentu Sinonimi e contrari fichire, incracai, intrae, istibbire / bestire | ctr. bocare Frasi nci stichint in su grutoni, istuant totu su bagàgliu e nci passant unu bellu arroghedhu de tempus ◊ si tenit gana mala, stichidhi su didu a sa cannarotza, ca bis ca dhi passat! 2. stichidinci in pressi sa bestimenta! ◊ stichiminci sa giacheta, ca dèu no ci arrennèsciu! Traduzioni Francese enfoncer, fourrer Inglese to drive, to wear Spagnolo hincar, clavar Italiano ficcare, introdurre Tedesco stecken, hineinstecken.

stichíri 1 , vrb Definizione coment'e sicare, frungiri, igragalare, abbarrare chentza lómpiu, nau de frutu Frasi si no proit si stichit su trigu, sa pira e dónnia frutu.

sticonài , vrb: isticonai* Sinonimi e contrari istichire, stichidhiri.