Ditzionàriu in línia
de sa limba e de sa cultura sarda

imposturài, imposturàre , vrb Definizione ingannare cun fàulas; nàrrere male de unu, ponendho in giru cosas chi no funt Sinonimi e contrari allimbare, foghigiai, innorare, irfamiare, tragagiai Etimo itl. imposturare Traduzioni Francese calomnier Inglese to calumniate Spagnolo calumniar Italiano calunniare Tedesco verleumden.

impovài , vrb Sinonimi e contrari apojai 1, orivetai, orulare 1 Traduzioni Francese ourler, border Inglese to hem Spagnolo orillar Italiano faldare, orlare Tedesco säumen.

imprabastulài, imprabastulàre , vrb: imprapastulare Definizione fàere is cosas impresse e male, a atzorodhadura, cunfúndhere, betare apare; foedhare agiummai a truncu de limba truncandho is foedhos Sinonimi e contrari acoredhai, improdhai, infilumestare / abbrabugliai, ammusciare, atrobodhiare, impapulare, imprabastai, raganzare, traganzare Frasi imprapàstulat sos bervos pro no bi los cumprèndhere Traduzioni Francese mâchouiller, baragouiner Inglese to drool Spagnolo chapucear, mascullar Italiano biascicare Tedesco stammeln.

impraitzài , vrb: impreissai, impreitzai Definizione fàere o essire mandrone, preitzosu Sinonimi e contrari acochinai, acovardai, ammandronae, ammandronire, apreitzai, arraigai, immandronatzare, impreitiosire Frasi su maistu de pannu immoi si est impraitzau e no at postu prus unu puntu Etimo srd. Traduzioni Francese rendre ou devenir paresseux Inglese to make lazy Spagnolo emperezar Italiano impigrire Tedesco faul werden.

imprasonài , vrb: imprejonare, impresonai, impresonare, imprixonare Definizione acorrare a presone, pònnere aintru de galera Sinonimi e contrari ingalerare, ingiabbulare, ingribbiai | ctr. bocare, iscapare Frasi faimí imprasonai, toca: ma arragodadí ca ti pòngiu in bregúngias! ◊ dhu depiant impresonai e iscramentai! ◊ passant a sos arrestos e ndh'ant impresonadu prus de trinta ◊ manna una buza de pedhe mi desit e sos bentos intro impresonesit Etimo srd. Traduzioni Francese emprisonner Inglese to imprison Spagnolo encarcelar Italiano imprigionare, carcerare Tedesco einkerken.

impreicàre , vrb: impreigare Definizione incumandhare forte, meda Sinonimi e contrari incumandai, apretzetai Frasi at fatu una parlata impreicanne a votare pro fraicare su molinu Etimo srd. Traduzioni Francese recommander vivement Inglese to entrust Spagnolo recomendar, encomendar Italiano raccomandare vivaménte Tedesco aufs wärmste empfehlen

imprendài , vrb: imprendhare, imprennare Definizione giare in prendha, impromítere o giare calecuna cosa po ndhe garantire o assegurare calecun'àtera Sinonimi e contrari impegnai Frasi no as a crere chi m'imprendho sa domo pro comporare bestires bellos a tie?! ◊ aia chérfidu imprendhare a sos versos sas boghes piús beras atogadas in sa zente (C.Puddu)◊ deo ti apo imprendhadu su coro Etimo ctl. emprendar Traduzioni Francese donner en gage Inglese to pawn (stg.) Spagnolo dejar en prenda Italiano dare in pégno, ipotecare Tedesco etw. jdm. als Pfand geben.

imprènere, imprèni , vrb: imprènniri Definizione prenare, mescamente prènnere a unu de ideas o fintzes de fàulas bastat de dhu pònnere contra a un'àteru o fintzes po dhu cumbínchere de calecuna cosa e dhu tènnere a favore Sinonimi e contrari infertzire 1, pienare, plèniri, reprenare / cumbínchere, improssimare, intrúxiri Frasi imprenu de sa pobidha, a innòi no nci fiat prus torrau e aditzu aditzu mi salludàt (A.Garau)◊ iant imprenu sa genti po nci dhus bogai de is làcanas insoru ◊ est issu chi dhus at imprenus, promitendidhus maris e montis! ◊ candho deo no che so imprenent a issu contr'a mie Etimo srd. Traduzioni Francese plagier, endoctriner Inglese to subjugate motally Spagnolo influir, adoctrinar Italiano plagiare, indottrinare Tedesco plagiieren, indoktrinieren.

imprentài, imprentàre , vrb Definizione pònnere, lassare o fàere s'imprenta, ma nau mescamente in su sensu de iscríere líbberos, giornales e àteru cun machinàrios Sinonimi e contrari puncionai Frasi deo istimo cussas manos de pastore e cussa cara ue bentos fritos e suore bi ant iscritu su prétziu de su pane cun líteras imprentadas in sa pedhe (S.Corriga)◊ cussu líbberu at imprentadu in s'ammentu de sos Sardos sos versos de Mereu ◊ portant su mari sardu imprentau in is ogus Etimo spn. emprentar Traduzioni Francese imprimer, graver Inglese to print Spagnolo imprimir Italiano stampare Tedesco drucken.

impressionài, impressionàre , vrb Definizione lassare coment'e un'imprenta in calecuna cosa (es. sa lughe de una figura in sa pellícula); fàere impressione in s'ànimu de unu, fàere naschire unu sentidu, fàere mèglia, ispantu, meravíglia, fintzes coment'e timendho Sinonimi e contrari imprentai / spantai 2. comente at bidu totu cudhu sàmbene si est impressionadu e si est intesu male Traduzioni Francese impressionner Inglese to move, to expose Spagnolo impresionar Italiano impressionare, suggestionare Tedesco beeindrucken.

impressíre, impressíri , vrb Definizione tènnere o pònnere presse Sinonimi e contrari allestai, allestire, apressare, apressibbiri, apressurai, impressare, impressurare | ctr. abbacai, abblandai Frasi candho est arribbau, unu de sos cumpanzos lu fit impressindhe a contare s'istória de su Costerinu Etimo srd. Traduzioni Francese presser, insister Inglese to hasten Spagnolo apresurar Italiano affrettare Tedesco beschleunigen, sich beeilen.

imprestài, imprestàre , vrb Definizione giare, lassare o pigare cosa a impréstidu, po dha torrare a su mere apustis de su bisóngiu, de s'impreu Sinonimi e contrari prestai Frasi nemos nos at imprestau trigu po sa cota ◊ mi so ingramesciadu a sa chilandra chi mi imprestet su bolu sou (G.Fiori)◊ po tui nc’imprestu sa personi mia!◊ Bustianu at secau sos códules chin ferramenta chi li aiant imprestau ◊ no ti giris de palas si calincunu si bolit imprestai de tui ◊ ti as imprestadu su dinare po comporare cosa noa ◊ s'amigu chi dh'ia imprestau su dinare… Bernardu mi at bistu, iscovas de forru! ◊ seo bennia si mi imprestais s'orrosonita ca seo preparandhe culurzones Traduzioni Francese prêter Inglese to lend Spagnolo prestar Italiano prestare Tedesco leihen, verleihen, ausleihen.

imprignàre , vrb: impringiai, impringiare, imprinzare Definizione bènnere príngia, prena de unu fedu nou, nau de sa fémina o de s'animale fémina; nau de s'ómine o de s'animale mascu, fàere impringiare; nau de àteru, imprènnere de ccn. cosa o idea Sinonimi e contrari improssimare, ingrabidare | ctr. agnare, illierare, springiai Frasi nàrami cun tzertesa chie imprinzat: su chi restat in bàsciu o su de susu? ◊ cussa est fémina chi no impríngiat ◊ e ite timiat, a dh'impringiai sa fígia? 2. cudha machinedha si fiat tanti impringiada de àcua de no ndi podi prus de caminai Terminologia scientifica ssl Etimo srd. Traduzioni Francese rendre grosse Inglese to make pregnant Spagnolo embarazar, preñar Italiano ingravidare Tedesco schwängern.

impriutzài , vrb Definizione fàere atzudhare is pilos, pònnere sa tzudha, intrare su fritu de s’assíchidu, de sa timoria Sinonimi e contrari aciuciudhae, apriutzai, altudhare, altudhire, arpilare, assunciudhai, aturtudhire, atzultzudhare, impilurtzai Traduzioni Francese frissonner Inglese to shudder Spagnolo estremecerse Italiano rabbrividire Tedesco schaudern.

impromíntere, impromíntiri , vrb: impromítere, impromiti, impromítiri Definizione giare su foedhu, assegurare cun antibitzu de fàere o de giare calecuna cosa / pps. impromítiu, impromissu; ger. impromitindho, impromitinno; èssi a chini donat e a chini impromitit (nau de ccn) = sèmpere ammeletzandho candho a s'unu e candho a s'àteru Sinonimi e contrari aparagulare, aprumítere, promíntere Frasi babbu cricàt de dha brecherare impromitindhodhi ca a pitzu de cussu logu no dhue piat artziare ◊ impromitimí chi custus dus fillus mius si ant a setzi unu a manu manca tua e s'atru a manu dereta tua! (Ev. M.Vargiu)◊ iscurtat sa paristória de comare Madalena e l'impromitit de bi pònnere rimédiu ◊ impromiteit subra de sa tumba de su frade chi aiat sighidu a ispeculitare (N.Falconi) 2. dha tzérriant pillonis a pinnas randinadas cun lusingas de nius de sa terra impromítia (F.Carlini)◊ custu no est impromítiu a bosatrus! ◊ sendhe impromissu a mie, su traitore su coro a àtere at dadu Etimo itl. impromettere Traduzioni Francese promettre Inglese to promise Spagnolo prometer Italiano prométtere Tedesco versprechen.

improsàe, improsài, improsàre , vrb Definizione pigare in giru, cullonare, fàere a crèdere una cosa po un'àtera, cricare de si fàere s'àteru a sa manu cun bellos foedhos, bàntidos, cricandho de dhi fàere praxere Sinonimi e contrari abbovai, coglionai, coluvronare, imbaucare, imbusterai, imbuvonare, ingrangugliare, istusciare, scafai / allisai, allosingai, frandhigare, insabonai, lígnere Frasi narat tantis bellus fuedhus po impiocai sa genti, ca est unu grandu imbrollioni e improsat a totus ◊ duas bortas mi at improsau, cussu remitanu!◊ cussu matzabbruta est improsendi sa genti cun promissas! Traduzioni Francese illusionner, leurrer, tromper Inglese to deceive Spagnolo ilusionar, engatusar Italiano illúdere, imbonire Tedesco täuschen.

improssimàre , vrb Definizione bènnere príngia, prena de unu fedu nou, nau de sa fémina o de s'animale fémina; nau de s'ómine o de s'animale mascu, fàere impringiare; imprènnere de ccn. cosa, fintzes fàere sa terra bona a prodúere; nau de is frores, ingendrare po efetu de su podhibodhi de su frore mascu Sinonimi e contrari aprossimare, imprignare, ingrabidare | ctr. iglierare, iscendiai Frasi cuss'animale no bi at improssimadu mancari li apant betadu su mascru 3. su chinisu de su fogu de Sant'Antoni impróssimat sa terra Terminologia scientifica ssl Etimo srd. Traduzioni Francese engrosser Inglese to make pregnant Spagnolo quedar embarazada, preñar Italiano ingravidare Tedesco schwängern.

imprujàre , vrb: impurgiare, impurjare Definizione fàere male, ispirtire, iscardire un'arremu Sinonimi e contrari agghegiare Frasi no ant a saghinare prus sos ocros impurjaos de dolore ◊ zuchet sos ocros impurjaos de su bentu, de su sonnu Traduzioni Francese s'irriter Inglese to fester Spagnolo irritarse Italiano irritarsi, inciprignire Tedesco sich ärgern.

imprumonàre , vrb: impulmonare Definizione giare, pigare o fàere pigare múngia, arrennegu o tzacu meda Sinonimi e contrari abbrodhiare, abbuscinare, acasidhare, acubare, afelonare, amprudhiare, annicare, aprummonare, pirmare, strugnai / aciopai, auntzare, inciulai, insissiligai, intzullire, umprigare Frasi si est impulmonada ca no l'amus cumbidada a s'afidu ◊ l'ant impulmonadu contr'a su mastru Etimo srd. Traduzioni Francese se vexer Inglese to resent Spagnolo resentirse Italiano risentirsi Tedesco sich beleidigt fühlen.

imprupài, imprupàre , vrb: impulpare Definizione pònnere prupa, crèschere de prupas, nau de animales, gente e fintzes frutos Sinonimi e contrari ammaciociae, imprupire, impurpatzire Frasi chini papat bèni e bufat mellus s'imprupat e ingrassat Etimo srd. Traduzioni Francese remplumer, reprendre de l'embonpoint Inglese to fill out Spagnolo engordar Italiano rimpolpare Tedesco Fleisch ansetzen.