Ditzionàriu in línia
de sa limba e de sa cultura sarda

sudhíre , vrb: assudhire Definizione su si acatare de ccs., pruschetotu nau in su sensu de abbarrare dispràxios, tènnere sudhu po su male fatu, istare impentzamentaos, timendho; fintzes pentzare, intzertare coment'e po cossígiu, agiudu de ccn. / sudhíresi de una cosa = interessaisí, tenni pentzamentu po calincuna cosa, coment'e timendi Sinonimi e contrari arrepentire, impudare, penètere / consigiai, indetare Frasi sudhi sudhi e a s'abboja abboja apo, prima ch'inserrent sas aeras, su torradorzu bostru assebertadu (G.Marras)◊ tiu Raga si la sudhiat de àere annada mala ◊ mi sudho in s'ànima coment'e chi no ape mancu comintzadu 2. mancu male no apo curadu in binza, deris, paret chi mi l'at sudhidu calicunu chi oe deviat pròere! Traduzioni Francese se troubler, avoir des remords Inglese to get upset, to feel remorse Spagnolo turbarse, tener remordimientos Italiano turbarsi, impensierirsi, aver rimòrso Tedesco sich beunruhigen, Gewissensbisse haben.

súere , vrb: súghere, sui, súiri Definizione suciare su late de sa tita, comente faet su fedu piticu / pps. sutu, súghitu, ger. suendho, suendi, suendu, sughendhe, suindhe Sinonimi e contrari sulli Frasi candho su pipiu pranghet, sa mama dhi giàt sa tita o su suidore, deasi su pipiu s'istentat suendho ◊ candho su crapitu no sughiat deretu, su pastore che l'ispremiat late a buca ◊ su sirbonedhu aiat sutu e si fit abbrentadu ◊ s'ebba si firmat ca su pudhéricu depet súghere ◊ fit a criadura minore ancora suindhe ◊ sos porchedhos ant súghitu ◊ sa mamma de late fit cudha chi daiat a súghere a unu fizu anzenu Etimo ltn. sugere Traduzioni Francese téter Inglese to suck Spagnolo mamar Italiano poppare Tedesco saugen.

sufragài, sufragàre , vrb Sinonimi e contrari agiadai, giuai, proicare Frasi sa tanta iltimassione mi sufragas in azios? (P.Cherchi)◊ si su chi at no lu sufragat, ite at a pòdere fàghere? Traduzioni Francese être utile, faire du bien Inglese to support, to be useful Spagnolo favorecer Italiano suffragare, giovare Tedesco nützen.

sufratàre , vrb: assufratare* Definizione èssere a súlidu crutzu, torrare àlidu a pelea, de tunconidura a bruncos, a prumones Sinonimi e contrari abbatimare, afandhare, afauciae, allacanae, ammatanai, assupai, irfodhiare Traduzioni Francese haleter Inglese to pant Spagnolo jadear Italiano ansimare Tedesco keuchen.

sufríre, sufríri , vrb: sunfrire, sunfriri Definizione patire calecunu male, àere dispraxere: cun sa nega bolet nàrrere baliare, padire / pps. sufridu, sufertu Sinonimi e contrari addannare, pascionare, patèsciri, patire, penai, sufritare / abbabiai | ctr. bodire, gosai Frasi in mesu a cantu as sufertu t'istas ancora dormida! 2. no podint sunfriri ca Pepinedha est artziendi in gradu! Traduzioni Francese souffrir Inglese to suffer Spagnolo sufrir Italiano soffrire Tedesco leiden.

sufrissàre , vrb Definizione còere is friduras o erbas de cundhire, fríere su cundhimentu de is papares, còere unu pagu in s'ógiu (cun ógiu pagu) Sinonimi e contrari cufúgere, fríere, fritedhai Traduzioni Francese frire Inglese to fry slightly Spagnolo sofreír Italiano soffrìggere Tedesco braten.

sulassài , vrb Definizione fàere ispassiare, giare acunnortu Sinonimi e contrari desogai, diveltire, ispassare Traduzioni Francese réjouir, amuser Inglese to cheer Spagnolo alegrar Italiano consolare, divertire Tedesco trösten, ergötzen.

sulietài , vrb Definizione sonare a sulietu, ma fintzes surbiare a buca, bogandho súlidu a lavras istrintas po fàere coment'e un'istampu tundhu; fintzes iscúdere a tzirónia, a pertighedha fine Sinonimi e contrari afruschiare, ammuinai 1, frusitai, moidare, múere, muizare, suai, sulvare, surbiai, surbietai, zumiai 2. non faciais burdellu, piciochedhus, sinuncas oi si sulietu, lah! Etimo srd. Traduzioni Francese siffloter Inglese to whistle Spagnolo silbar alegremente Italiano fischiettare Tedesco pfeifen.

sulitài , vrb Definizione sonare su sulitu; istare a surbiedhu Sinonimi e contrari afruschiare, ammuinai 1, fruscidare, frusiai, frusitai, moidare, múere, sulietai, sulvare, surbiai, zumiai Frasi ndi fiat lómpiu un'ómini basciotu, sulitendi: fiat s'uscieri ◊ no serbit chi suliti po cuaranta po cantu su burricu est tanti acanta! (C.Saragat) Etimo srd. Traduzioni Francese jouer du pipeau Inglese to pipe Spagnolo tocar el caramillo, silbar Italiano zufolare Tedesco die Hirtenflöte blasen.

sultzíre , vrb: sulzire, surtzire, surzire Definizione arregòllere prus che àteru abba o cosas deasi a suspidura, pigare a suciadura impare cun s'ària, o fintzes suspire cun istràciu Sinonimi e contrari aciupae, assuspiri, imbibbiri, inciupai, sulviare, surbare 1, surbiri, suspiare Frasi su terrinu asciutu si sultzit s'abba ◊ che li at sulzidu su sàmbene ◊ sezis torrados, che prima inganados de nos surzire meudhos e brios (T.Rubattu)◊ sas súrviles sas venas de su coro ti ant surzidu ◊ píberas che custas belenosas li surzint su coro e s'arguena Traduzioni Francese absorber Inglese to drain, to absorb Spagnolo absorber Italiano emúngere, assorbire Tedesco absaugen, aufsaugen.

suluvertàre , vrb Definizione betare totu apare, iscorrovedhare, pònnere totu a tréulu Sinonimi e contrari iscordulare, isordulare, suliertare, trauai Traduzioni Francese mettre sens dessus dessous Inglese to turn upside down Spagnolo revolver Italiano méttere sottosópra Tedesco durcheinanderbringen.

sulvàre , vrb: surbare, surbiai, surbiare, survare, surviare Definizione bogare súlidu, fintzes súrbiu; arrespòndhere a súlidas, a ufas, cun ifadu; fintzes nàrrere cosa a ccn., unu pagu coment'e cossigiandho, osservandho, abbetiandho Sinonimi e contrari suai / ammuinai 1, fruscidare, frusiai, frusitai, moidare, múere, sulietai, surbiai, zumiai Frasi sos minores s'incrunant, ufrant sos cavanedhos e surbant supra de sa bràsia ◊ candho uchidiant su mannale a sos pitzinnos lis davant s'ambesuca a la survare ◊ su focu est tenendhe ca su ajaju cada tantu l'est surbandhe ◊ si survavat sos pódhiches cancaratos dae su fritu 2. "Priucosos irrichitos!" - mi aiat survatu in s'oricra mutzere mea ◊ "No est neche nostra si su binu fit tropu forte!" surbant sos cumpanzos Etimo ltn. *subilare Traduzioni Francese souffler Inglese to puff Spagnolo soplar Italiano soffiare Tedesco blasen.

sulviàre , vrb: surbiare 1 Definizione ingurtire coment'e a surbidura Sinonimi e contrari aciupae, assuspiri, imbibbiri, inciupai, sultzire, surbare 1, surbiri*, suspiare Frasi sulviendhe s'alenu a intro che ingulleit su púpulu che un'ou de pudha Traduzioni Francese engloutir Inglese to gulp down Spagnolo tragar Italiano ingollare, inghiottire Tedesco verschlingen, schlucken.

sumíre , vrb: sumiri 1, summire, tzumire Definizione bogare, pèrdere, nau de un'istrégiu chi calat, istampau o no bene sidhiu, o fintzes de s'abba chi essit a umidore meda in muros, in terrenu o àteru / sa cuba est sumindhe = sa carrada isfait Sinonimi e contrari gessai, sfai, sarcie, súmere Frasi s'abba chi curret in sa pianura sumit dae su monte ◊ carchi tubbu est perdindhe e sumit s'abba in su muru ◊ su brochiolu fatu de terra ruja sumit, fatu de terra niedha muntenet s'abba ◊ sa vena mia sumit a butiu ◊ sa broca de terra fita meda no sumit nudha, ma s'àcua si callentat Etimo ltn. sumere Traduzioni Francese suinter Inglese to transude, to filter Spagnolo rezumar Italiano trasudare, filtrare, colare Tedesco schwitzen, filtern, durchseihen.

summài, summàre , vrb: assumai* Definizione fàere sa suma, pònnere impare totu a unu cantidades diferentes Sinonimi e contrari aciúgnere, acucae, additzionare, agiànghere, annatare | ctr. bocare, leai, picare Traduzioni Francese additionner Inglese to sum Spagnolo sumar Italiano sommare Tedesco summieren.

summuscràre , vrb: sumuscrare Definizione abbruxare unu pagu Sinonimi e contrari abbruscare, afiamusciare, aflachilai, afogogliare, aframatzare, aframucionare, aframiare, auscare, ulciare Frasi si sumuscrat su porcu apustis mortu ◊ comente fia acontzendhe su fogu mi apo sumuscradu su pilu de su bratzu ◊ sa luchedha de s'istupinzu intro de su botedhu prenu de ozu ghermanu aiat atacau a sumuscrare su letzolu Etimo srd. Traduzioni Francese brûler légèrement Inglese to scorch Spagnolo chamuscar Italiano abbruciacchiare Tedesco leicht anbrennen.

supentíre , vrb Definizione pentzare o èssere presente cun is sensos a su chi si biet o chi s'intendhet Sinonimi e contrari atinai, atoare, penciai Frasi no supentit prus ◊ s'ómine, su piús no supentiat ilgadaradu a un'oru che mortu (P.Casu)◊ inoraona, ajó, ischida: apen'apena a sa boghe supentis! ◊ supenti e pesadindhe! ◊ supentit de tantu in tantu e si li movet su bultzu Traduzioni Francese avoir conscience Inglese to be conscious Spagnolo ser consciente Italiano èssere cosciènte Tedesco sich bewusst sein.

supesàre , vrb Definizione artzare, pesare de terra; cunsiderare, nàrrere cantu o ite balet ccn. cosa, cunsiderare bene Sinonimi e contrari alciare, pesai / cunfígiri, pesai 2 / calculai | ctr. abasciai Frasi mira chi sa madrighe est supesendhe! ◊ ndhe supesat s'imbóligu dae terra e si lu ponet in coa ◊ un'undha dae palas alta e forte lu supesat ◊ supesados a bolu dae terra, milliones de ojos incantados bos ant acumpagnadu 2. sas poesias cherent bene supesadas pro ndhe seberare sa menzus ◊ eo supeso sas cosas, abbàido ite ndhe podet capitare 3. sos pes muntenent sa càssia supesada dae terra Etimo srd. Traduzioni Francese soulever Inglese to lift Spagnolo levantar, sopesar Italiano sollevare, soppesare Tedesco heben.

supòniri, supònnere , vrb Definizione pentzare chi…, nàrrere o fàere a pentzamentu, fàere un'ipótesi Sinonimi e contrari crèdere, immaginai, penciai Frasi si nos aiat intesu nendhe mandra a s'iscola, suponindhe chi cumprendhat sa limba de sos pastores, aiat nadu chi no fimus “pedagogisti”◊ suponia chi cussa fit cussa calentura ◊ si suponit chi nemus dh'at biu ◊ si suponit chi de trigu dhoi ndi siat meda, ma nemus iscít cantu ◊ deo puru suponzo chi siat gai su chi mi ses nendhe tue ◊ si suponiat chi dhue fut dinare carragiau bene chistiu de su tiàulu… Etimo srd. Traduzioni Francese supposer Inglese to suppose Spagnolo suponer Italiano suppórre Tedesco vermuten.

supressài, supressàre , vrb Definizione incracare a supressa, incracare a forte Sinonimi e contrari imprentzai, prenciai Frasi prantat, marrat, binnennat, issarmentat, càticat e supressat, iscuponat e ponet su mustu in cantina Etimo srd. Traduzioni Francese presser Inglese to press Spagnolo prensar Italiano torchiare Tedesco pressen.