Legenda Abbreviazioni | Legenda Simboli

strumbuài , vrb: istrumulare*, strumbulai, strumbulari, strumulai Definizione tocare de istrúmbulu, pigare a istichias de istrúmbulu, a cropos; tratare de mala manera a unu, atzitzare Sinonimi e contrari apuntolzare, ispuntogliare Frasi strumbuladhu, su bòi! 2. strumbuladhu a fillu tuu, si bollis chi trebballit! Traduzioni Francese aiguillonner Inglese to goad Spagnolo aguijar Italiano pungolare Tedesco stacheln.

stuài , vrb: istuai* Definizione calare de codhu, iscarrigare, o agiudare a iscarrigare una cosa, unu pesu, fintzes in su sensu de si ndhe bogare unu pentzamentu, unu pistighíngiu Sinonimi e contrari irbarriare, scarrigai | ctr. atuai Modi di dire csn: stuai is cadinus = èssere apunt'a mòrrere, a si falare; stuaisí = irbarriare, pònnere su gàrrigu chi si zughet a codhu; stuaisí in ccn. logu = sètzeresi Frasi su burricu passat arrasiga arrasiga crasura crasura po si ndi stuai su pesu ◊ stuat sa bertuledha e dhi donat sa metadi de su pani chi iat corbau ◊ mi ndi seu stuau su sacu ◊ as a agatai unu pipiu mesu mortu: ndi dhu bodhis e dhu stuas abbellu abbellu in is coscinus de sa carrotza e mi ndi dhu betis 2. non si podiat stuai cun nemus de cussu disisperu (I.Lecca)◊ tenint bisóngiu de fuedhai, de si stuai sa cusciéntzia Traduzioni Francese décharger Inglese to discharge Spagnolo descargar Italiano scaricare Tedesco entladen.

studài , vrb: iltudare* Definizione fàere mòrrere o bènnere mancu su fogu, una lughe, ccn. cosa alluta o chi si pentzat coment'e alluta, tenendho, funtzionandho (es. s'aràdio, su motore, àteru) Sinonimi e contrari ammoltighinare, ammortiare, irmòrrere | ctr. allúere, allumae, atzèndhere Frasi studaindi sa luxi! ◊ studa su fogu! Traduzioni Francese éteindre Inglese to put out Spagnolo apagar Italiano estìnguere, spègnere Tedesco löschen, ausschalten.

stuviolài , vrb Definizione fàere tuvudu, buidu; fintzes forrogare coment'e po imbuidare o istuvonare cosa Sinonimi e contrari iscafudare, istofare, istuvucare / istampai, istuvare, istuvire, pertusai, stufonai Frasi stuviolai su niu de is espis ◊ su picalinna stuviolat is truncus Etimo srd. Traduzioni Francese creuser Inglese to dig Spagnolo cavar, ahuecar Italiano scavare Tedesco graben.

suài , vrb: sulai, sulare, surare Definizione surbare, bogare o fàere sulu, ària, bentu, fintzes in su sensu de su sonu chi faet s'ària chi essit o passat a fortza; torrare àlidu, bogare súlida, nàrrere calecuna cosa a murrúngiu o a iscúsiu, pònnere in s'origa, nàrrere, giare a ischire; prènnere de sulu, de ària Sinonimi e contrari sulvare, surbiai / fruscidare, frusiai, moidare, sulietai, zumiai / respirai, musciai Modi di dire csn: sulai che píbera = istare a súlidas de arrennegu, survilare; no sulat ne suba e ne suta = no fuedhat, no bollit fuedhai, no muscit (in cobertantza, innòi "suba" est sa buca e "suta" su pertusu) Frasi suididhu ca gei iscapat pampa, cussu fogu! ◊ bati linna a su fogu, o cres chi nos sulamus sas ungras?! ◊ cussu frúschiu li pariat su surare de sa colovra 2. su connau no sulàt prus: si fiat mortu! ◊ babbu tuu depit arriposai: chi nisciunus sulit a dhi segai su meigama! ◊ cussu no iscidiat nudha: chini si dh'at suau? 3. sos de s'Altu ant detzisu chi pro rezer sa nassione totu devimus sulare buscichedhas de sabone ◊ paret suladu de cantu est rassu, cussu cristianu! ◊ si li alterat dogni pilu e si ponet che píbera a sulare ◊ su malloru, sulendi che píbera, si nci dh'iscudit asuba a conca bàscia isciamiendu is corrus acutzus Etimo ltn. *subilare Traduzioni Francese souffler, respirer Inglese to blow, to breathe, to speak Spagnolo soplar, resollar Italiano soffiare, fiatare Tedesco blasen, etwas verlauten lassen.

suàre , vrb: assuae, subare, suvare Definizione nau prus che àteru de is animales, èssere o bènnere in more / fémina suada = in suatzone, in chirca de ómine Sinonimi e contrari ingrilliri, seguzare Etimo ltn. subare Traduzioni Francese entrer en chaleur Inglese to be on heat Spagnolo estar en celo Italiano andare in caldo Tedesco brunsten.

subbacàre , vrb: subbecare Definizione arrennèscere a bínchere o a padire, baliare, ccn. cosa Sinonimi e contrari abbabiai, bíncere, sumèrghere Frasi ohi fizu istimadu, mortu in terra anzena: no subbaco sa pena! ◊ in pagos no podimus subbacare custu fogu fuidu ◊ de candho est morta sorre mia, a mamma no la podimus subbacare ◊ mancari forte, no subbacat tanta pena ◊ su corazu issoro no bastat a subbacare sa fortza de totu cudhos ◊ su santu no at subbecau custas peràulas de risu e at fatu sa fémina a pedra (Frau-Puddu)◊ sas annadas malas dhas amos sèmpere subbecadas Traduzioni Francese sortir de, surmonter Inglese to tolerated Spagnolo aguantar, sobrellevar Italiano sopportare, superare Tedesco ertragen, überwinden.

subbacuài , vrb Definizione piscare asuta de s'abba Traduzioni Francese pêche sous-marine Inglese to go in for underwater fishing Spagnolo hacer pesca submarina Italiano fare pésca subàcquea Tedesco Unterwasserjagd treiben.

subercài , vrb Definizione èssere o essire abbundhante, prus de su chi serbit Sinonimi e contrari bundhare, soberare | ctr. mancai 1 Etimo ltn. *superc(u)lare Traduzioni Francese surabonder Inglese to overabund Spagnolo rebosar Italiano sovrabbondare Tedesco im Überfluss vorhanden sein.

suberiàre , vrb Definizione giare ocasione, fàere arrennegare male e peus a chie est giai tzacau, istrobbare Sinonimi e contrari agghegiare, atiare, inasprèssiri, incidai, inciulai, insissiligai, insutzuligai, issuperiare, mincidiare, tinghitare Frasi no mi subéries, bastat chi so arrennegadu pro àteru! ◊ si subériat su cadhu e istinchidhat fogu ◊ in custu trunchedhu che at una tana de muscone: no lu suberiedas ca bos punghet! ◊ est unu raspinzu chi faghet efetu malu ca subériat sa palte chi est ratada Traduzioni Francese agacer Inglese to annoy Spagnolo irritar Italiano irritare Tedesco reizen.

subèschere , vrb: subíschere Definizione pigare cun passiéntzia, padire, agguantare un'ifadu, unu male, un'ofesa o àteras cosas chi no praghent o chi faent male Sinonimi e contrari babiai, bagiulai, dighire Frasi sa disamistade tra bidhas fit manna e su de una no podiat subèschere su de s'àtera ◊ cussa est cosa chi no si podet subèschere! ◊ non poto subíschere totu su chi mi ses nendhe ◊ si ammentant de su chi ant subéschidu ◊ de èssere cumandhada a foltza no lu podiat subíschere Traduzioni Francese tolérer Inglese to bear Spagnolo aguantar Italiano tollerare, sopportare Tedesco dulden, ertragen.

sucài , vrb Definizione tzucare, essire a logu, cumenciare, fàere mòvere o naschire unu sentidu, unu dolore, cumenciare a dòlere torra, tocare su coro; trubbare, fàere andhare, pònnere presse a un'animale camminandho Sinonimi e contrari alliare, incidai / trubare Frasi s’àcua frira m’at sucau su dolor’e denti ◊ est suchendimí sa conca: bai e cica poita mi benit custu dolori! ◊ non bollu unu contu chi mi suchit su prantu! (V.Pisanu)◊ faci a sa una e mesu de noti mi sucat custu dolori… mi ndi at iscirau! ◊ pensendudhoi, nosi sucat s'errisigedhu!◊ ancu si suchit unu bentu chi nd'isciuscit fentanas e ferradas! 2. suca su molenti! ◊ su carretoneri sucat su cuadhu e tzacat su fuetu Etimo srd. Traduzioni Francese susciter Inglese to provoke, to spur Spagnolo suscitar, estimular Italiano suscitare, stimolare Tedesco hervorrufen, anregen.

sucèdere , vrb: sucèdiri, suceri, sunsèdere, suntzedi, sussedi, sussèdiri, sutzèdere, sutzedi, sutzèdiri Definizione su capitare de is cosas e fatos chentza dhu bòllere ccn.: vrb. intransitivu, ma si su sugetu no est precisu, in is tempos cumpostos podet pigare su ausilàriu àere Sinonimi e contrari acadessi, acontèssere, capitai, cumbinare, incapitae Frasi ma ita totu est sussedendu? ◊ su chi no sucedit in chentu annos sucedit in d-un'ora ◊ ite bi at sutzessu in sa cussorza?◊ po si èssi azardau de fai is tres missas at sucédiu in issa tres cosas de ispantu (R.Pani Murgia)◊ ite ist sunsedendho inongi?!◊ fiza mia, ite t'at sutzessu? ◊ una dí iat sutzédiu una cosa unu paghedhu istrama (M.Porru)◊ si fiat abarrara in domu, totu custu no fiat sucériu!◊ eite at sussédiu? Etimo itl. Traduzioni Francese se passer, arriver Inglese to happen Spagnolo pasar, ocurrir Italiano succèdere Tedesco geschehen.

suchenàre , vrb Definizione papare a mengianu, fàere immúrgiu Sinonimi e contrari irmurzare Frasi sa bama fit isparta, pàsida, in sa tanca ínnida suchenendhe Etimo ltn. subcenare Traduzioni Francese prendre son petit-déjeuner Inglese to have breakfast Spagnolo desayunar Italiano far colazióne Tedesco frühstücken.

suciài , vrb: sutzare Definizione suspire, imbucare sa cosa tirandhochedha cun s'ària, coment'e a surbidura a buca Sinonimi e contrari isciuciai / súere / aciupae, assuspiri Frasi cussos sunt animales chi creschent a fortza de sutzare sàmbene ◊ su criu si nche dormiat sutzandhe sa crapichera 2. cudhos ndhe ant de su póveru sutzadu su sàmbene caldu de sas venas suas (S.Paulesu) Etimo itl. Traduzioni Francese sucer Inglese to suck Spagnolo chupar Italiano succhiare Tedesco saugen.

sucunzàre , vrb Definizione serrare un'apertura ma no deunudotu, lassandhodha pagu pagu aperta, acostia Sinonimi e contrari aggalenare, assibbiare, imbasare, irganzare, iscadangiai, iscanzire, suzire, tambai 2. lassaiat sa zanna sucunzada ◊ sa porta no fit tancada, fit solu sucunzada Etimo ltn. sub + cuneare Traduzioni Francese entrouvrir Inglese to half-close Spagnolo entornar Italiano socchiùdere Tedesco halb schliessen.

sucúrrere , vrb: assuncurri, suncúrrere, suncurri, suncúrriri Definizione su passare o mòvere una cosa in s'àtera a illascinadura: prus che àteru si narat de unu lobu unu pagu lascu in sa fune o àteras cosas deasi / pps. sucurtu 1, suncurtu 1 Sinonimi e contrari alliscinai Frasi custa funi no suncurrit ◊ dhu portat acapiau a crobu de suncurri ◊ dh'iant fatu passai unu nuu de suncúrriri in su tzugu 2. si ghetat una tassa de vinu e che la sucurret totu a una tirada Traduzioni Francese glisser Inglese to glide, to shuffle Spagnolo deslizarse, arrastrar Italiano scórrere, strisciare Tedesco gleiten, kriechen.

sucutàre , vrb: sugutare Definizione lassare o fàere apostadamente orrúere s'abba (o àteru deasi) chi portat sa cosa, pruschetotu a istidhigadura, candho est paga; si narat fintzes in su sensu de su pèrdere o calare a istídhigos chi faet un'istrégiu istampau, chi sumit / andhare sucuta sucuta = istidhiendi, cun ccn. cosa ch'istídhiat Sinonimi e contrari aggutai, botiare, ilgutare, ilgutire, isciucutare, sucutire, sumire Frasi sos càlighes covacados fint sucutendhe in su lavandinu ◊ fit acabbandhe de si sucutare sas úrtimas istidhas de su sudore ◊ totu frades si nche aiant sucutau peri cussu fiascu (G.Piga)◊ s’abba est sucutendhe dae sa cobertura ca fit proindhe ◊ sa supressa at sessadu de sucutare ◊ su boe masellau est in sa gantziera apicau a sugutare 2. sa cupa at sucutau (G.F.Sedda) Etimo itl. soggotare Traduzioni Francese dégouliner, suinter Inglese to drip Spagnolo gotear Italiano sgocciolare, percolare Tedesco tropfen, perkolieren.

suderàre , vrb: sudorare, suerare, suorare Definizione bogare suore, nau de sa carena (fintzes de un'animale); fintzes trebballare, fàere cosa a trebballu / suerare pilu pilu, che órgiu, a murza = fàgheresi a una murca de suore, suorau totu isciustu Sinonimi e contrari impodhorare, inciorai Frasi bi leo paga matana, istasero, prite mi papo su chi no suero ◊ t'istracas sa carena e ti suoras ◊ sa pobidha si sapiat candho issu comenciaiat a suorare e sorrogare 2. tribàgliant a denote pro èssere friscu epuru si sudorant che órgiu! 3. is atitadoras si pausànt, orrúbias che braxas de fogu e suoradas che messadoras in su mese de tréulas (I.Patta) Etimo srd. Traduzioni Francese transpirer Inglese to sweat Spagnolo sudar Italiano sudare Tedesco schwitzen.

sudhàre , vrb Definizione pònnere sudhu, ancu, pentzare in su malu, pentzare chi…, abbaidare a totue timendho calecuna cosa / si ndh'io sudhau!… = si bi aio pessadu, si mi dh'ia pentzada chi… Sinonimi e contrari assumbrire, busudhare, malissare Frasi sa giustíscia aiat sudhadu calchi cosa e l'istaiat ifatu che cane a polcrabu ◊ mi dh'apo sudhada chi fuit gasi ◊ mi l'apo sudhada chi no bastaiat cust'istentina pro totu cussa peta a sartitza! ◊ su chi mi sudhai risulteit dae sa vísita de su dutore ◊ duos ómines acugudhaos, orietandhe e sudhandhe, afarrancant su cunedhu de su dinari e fuint Etimo srd. Traduzioni Francese subodorer Inglese to get wind of Spagnolo adivinar, olfatear Italiano subodorare Tedesco ahnen.

«« Cerca di nuovo