A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fodhédhu , nm, agt Definitzione fodhe piticu ma nau in cobertantza po unu chi no mantenet segretu perunu, chi narat a totus cantu ischit; nau de àghina, chi no portat su pibione prenu crispu ma pabassau, coment’e fodhe.

fodhéri , nm Definitzione maistu chi faet is fodhes de is ferreris; chie tirat su fodhe Sinònimos e contràrios fodhaju Terminologia iscientìfica prf Ètimu srd.

fòdhi fòdhe

fodhída, fódhita , nf Definitzione àlidu chi si torrat a fortza, coment'e de chie fut currendho / dormire a fódhita = a sonnu surtu Sinònimos e contràrios assúpidu, bémida Frases a limba fora, a fodhidas che pegus batimosu, fatu a su cadhu in fua curro ancora ◊ a fodhidas su respiru, paristi de mòrrere, naschendhe! Ètimu srd.

fodhíne, fodhíni , nm: podhini Definitzione cosa niedha de fumu, coment'e pruine finivini, chi faet su fogu pruschetotu segundhu ite si abbruxat; est una maladia de su trigu puru Sinònimos e contràrios fumàdigu, mascara, sintziedhu, sintziniedhu Frases sa farra de su tiàulu est fodhini Ètimu ltn. fulligine(m) Tradutziones Frantzesu suie Ingresu soot Ispagnolu hollín Italianu fulìggine Tedescu Ruß, Steinbrand, Schmierbrand.

fodhinósu , agt Definitzione chi est intzintziedhau; nau de su pilu de un'animale, chi est a pilu ammesturau, mesu niedhu e mesu biancu, nau fintzes de àteru, chi est de colore niedhudu Sinònimos e contràrios fumadigosu, mascarosu, podhinosu, tzintzidhosu, tzitziedhosu / niedhutzu 2. una tzimbónia fodhinosa cuguzat sa tzitade chi pro cussu no si podet bídere Ètimu srd. Tradutziones Frantzesu fuligineux Ingresu sooty Ispagnolu fuliginoso Italianu fuligginóso Tedescu rußig.

fodhiólu , nm Definitzione su faegannedhos po imbodhigare su filu in s'ispola Sinònimos e contràrios ispoladore, umpidóriu Terminologia iscientìfica ans.

fodhíre , vrb Definitzione arregòllere o bodhire a manu frutu de is matas Sinònimos e contràrios bodhire, godhire.

fodhócu , nm Definitzione su fodhe de su pibione de s'àghina Sinònimos e contràrios bodhone, fodhone Terminologia iscientìfica rbr.

fodhònca , nf Definitzione cosa o tretu supesau coment’e fodhe, de ufradura, bubburuca Sinònimos e contràrios tzurumba Frases sa bistimenta chi zughet dhi faet fodhonca ca est larga meda.

fodhòne , nm Definitzione su fodhe de s'àghina, su pigiolu de su pibione, ma fintzes castàngia aortitza, totu corgiolu; su fundhurúgiu chi abbarrat de is regras de su mele faendho sa chera Sinònimos e contràrios bodhone, fodhocu Frases soe che nuche chentza chivu o de s'àchina solu su fodhone Sambenados e Provèrbios smb: Foddone Terminologia iscientìfica rbr. Ètimu srd. Tradutziones Frantzesu pelure de la grume Ingresu grape-skin Ispagnolu hollejo Italianu fiòcine Tedescu Weintraubenschale.

fodhósu , agt Definitzione chi est modhe, chi tocandhodhu abbàsciat coment'e fodhe prenu de ària Sinònimos e contràrios lentu, madhitzosu, modhanu, modhe, modhitzu | ctr. téteru, tostu Ètimu srd. Tradutziones Frantzesu moelleux, léger, doux Ingresu soft Ispagnolu blando, suave Italianu sòffice Tedescu weich.

fodhúdu , agt Definitzione nau de fémina, chi portat titas mannas, tituda Sinònimos e contràrios titiódhinu Ètimu srd.

fodichinadòre , nm Definitzione chie tenet s'abbitúdine de forrogare, chi costumat a cricare, a forrogare Sinònimos e contràrios corroveri, forrocheri, forrogadori, fudighineri Terminologia iscientìfica ntl Ètimu srd.

fodichinadúra , nf Definitzione su fodichinare, su cricare, istare cricandho, forrogandho Sinònimos e contràrios fodichinzu, morichintzu, morighinada Ètimu srd.

fodichinàre , vrb: fudichinare Definitzione mòvere sa cosa cricandho, cricare Sinònimos e contràrios corrovai, farrogai, forroconare, iforrogare, iscrucuzonare, isforronciare, sciorrogai, scorrovonai Frases prugheraza de istedhos nobales mi est fudichinandhe sa petorra (G.Piga)◊ sos pitzinnos sunt fudichinandhe sa téula de sas copertas chircandhe nidos ◊ su marissallu est tucandhe a fudichinare sos sartos si podet acatare su bandhiu ◊ si fit fudichinandhe sos naricros a malichinzu Ètimu ltn. fodicare Tradutziones Frantzesu fouiller Ingresu to search Ispagnolu hurgar Italianu frugare Tedescu kramen, stöbern.

fodichínzu , nm Sinònimos e contràrios bulizinzu, corrovu, isforrogu, morichintzu, morighinada, morighinu 1 Ètimu srd. Tradutziones Frantzesu fouillement Ingresu search Ispagnolu hurgamiento Italianu frugaménto Tedescu Kramen.

fodigàre , vrb Definitzione istare tocandho, cricandho Sinònimos e contràrios fodichinare Frases us pipius, chi dhus bides fodigandho su computer… dhu connoscent plus de mimmi!

fòdora fòdera

fòe , nm: boe*, voe Frases Mariedhu truvat sos foes e su carru tichírriat in sa pigadorza Sambenados e Provèrbios smb: Foe (Foi, Fois).