A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isciucàda , nf Definitzione su isciucare Sinònimos e contràrios assucada*, isciuchitada, sciampullinada Tradutziones Frantzesu rinçage Ingresu rinse Ispagnolu enjuague Italianu risciacquata Tedescu Spülung.

isciucadúra , nf Definitzione su isciucare, manera de mòvere a cropu un'istrégiu cun cosa aintru, de un'ala a s'àtera, o fintzes a murigadura; s'abba chi est serbia po isciucare un'istrégiu brutu Sinònimos e contràrios assucadura* 2. candho li cumandhant a bufare no lis dat petzi che isciucadura e narat chi est binu de Olíana ◊ che frundheit una cíchera de late in s'istelzu de s'isciucadura po su polcu.

isciucài, isciucàre , vrb: issucare, ixucare Definitzione pònnere e iscutulare a forte abba o àteru deasi aintru de un'istrégiu, coment'e po dhu samunare, po illimpiare; fintzes solu samunare, betare abba a un'istrégiu, passare un'istrégiu in s’abba, samunare orrobba Sinònimos e contràrios assucare*, igiucare, isciaculare, iscioriare, sciabballotai, sciampuinai / sciacuai, samunae / iscotzinare, iscutuai, sachedhare, sucariare Maneras de nàrrere csn: issucàresi sa limba = nàrriri totu su chi si tenit in ganas (prus che àteru fuedhendi contr'a ccn.); issucàresi sa buca = papai àtera cosa po cambiai sabori Frases si at isciucadu manos e cara ◊ sa mama at isciucadu sos pes a su pitzinnu ◊ a s'edade tua fia istraca de isciucare in su riu ◊ bi cheriat totu s'abbasanta a che isciucare cussa ura ◊ sa giovanedha ixucheit su tatzone ◊ no mi fatas zínziri issuchendhe sos piatos! ◊ no issucant de su sabone s'istrezu ◊ so andhendhe a ixucare lentolos ◊ unu annanghiat abba a su late cun sa cóntiga de ixucare sas cannadas (S.Patatu) Tradutziones Frantzesu rincer Ingresu to rinse Ispagnolu enjuagar, aclarar Italianu risciacquare Tedescu ausspülen.

isciucàre 1 , vrb: isciugai, isciugari Definitzione asciutare, fàere asciutare Sinònimos e contràrios asciutai* | ctr. ifúndhere Frases prima de dhu moli, su trigu bolit prugau, isciacuau e ispartu po chi isciughit ◊ as féminas ant isciacuau s'istérgiu e postu a isciucare.

isciuchiàre , vrb Definitzione isconciare, betare, isciusciare Frases comente su muradore fut isciuchiandhondhe su muru, in mesu de duas pedras iat agatau un'ispécia de lómburu ◊ s'úrtima a su babbu che dh'iat isciuchiau: s'iat tróchiu unu búrciu iscreciandho cun is amigos e de cussu si ndhe fut immalaidau (Deidda/Saderi).

isciuchitàda , nf Sinònimos e contràrios assucada, sciampullinada Ètimu srd.

isciuchitàre , vrb Sinònimos e contràrios assucare, isciaculare, isciucare, iscutuai, sachedhare, sciampugiai Ètimu srd.

isciuciài , vrb: issuciare, issutzare Definitzione bogare o fàere essire su súciu; ma fintzes suciare Sinònimos e contràrios múgghere, tilpiare / suciai Frases s'issutzat unu limone, un'arantzu 2. ti ses fenenada issutzendhe meighinas ◊ tziligherta, espu, fromiga, totus a issuciare pibione in bíngia!◊ su dannu chi faent cudhos bobboedhos est a issutzare calecunu frore areste Ètimu srd.

isciúcu , agt: asciugu*, isciugu, issugu, sciugu Definitzione chi no portat abba, chi no dhue at abba: nau de su tempus, chi no proet, no est proendho, o de cosa isciusta (o chi isciundhet) chi at asciutau Sinònimos e contràrios adustu, àrridu, asciutau, asciutu, sicu | ctr. ifustu, inciustu Frases chi marsu e abrile faet isciucu, frobbidindhe su runcu! ◊ sa cilixia ancora no est issuga ◊ su desertu po su prus est unu logu issugu ◊ is Ebreus funt passaus in su mari Arrúbiu a peis isciugus.

isciuculàre isciaculàre

isciúculu , nm Definitzione su isciuculare Sinònimos e contràrios assucóngiu, sciampuinu Ètimu srd.

isciucutàre , vrb Definitzione fàere o lassare calare abba (o àteru deasi) de calecuna cosa isciusta (istrégiu, orrobba), a bortas fintzes is úrtimos istídhigos Sinònimos e contràrios aggutai, botiare, ilgutare, sucutare, sucutire Ètimu itl.t soggottare Tradutziones Frantzesu dégouliner, égoutter Ingresu to drip Ispagnolu gotear, escurrir Italianu sgocciolare Tedescu tröpfeln lassen.

isciucutàre 1 iscicutài

isciúdere , vrb: iscúdere, iscudi, iscúdiri, iscútere, scudi Definitzione giare cropos, pigare a cropos (ma bastat fintzes unu cropu solu); iscutulare, betare, atzapulare, mòvere a cropu cun fortza e fuliare o fàere lòmpere atesu, fàere o lassare orrúere a terra / 1ˆ p. sing. ind. pres. iscuto, iscutzo; pps. iscutu; cong. pres. 2ˆ p. sing. iscutzas Sinònimos e contràrios abbanzare, acamassare, aciocai, acorpai, addobbai, arropai, atripai, irbatulare, iscotzinare, sussare, zongare / ghetai, imbolare Maneras de nàrrere csn: i. a libbru, a berbos = nàrrere peràulas fortes; i. una cundenna, annos de galera = betare una cundenna; iscúdere su sorde de una malandra = fàgherendhe rúere o essire su sorde; meghina de iscúdere = meighina chi ndhe faghet rúere su sorde Frases sa sorte chin sa destra mi at iscutu, chin sa manca corpadu ◊ iat pigau unu fusti e iat atacau a iscudi a peis e totus si ndi fuant pesaus ◊ si no faghes a bonu t’iscudo a iscantarzada! ◊ si as de m'iscúdere, colpa! ◊ parent canes, iscudèndhesi a moltolzu ◊ candho ndhe imbatet l'iscuto che unu cane!◊ no dh'iscutzas, s'animale: ammasetzat frandhigandhodhu! 2. is óminis me is matas iscudint s'olia cun is furconis e is féminas asuta ndi dha bodhint ◊ at iscutu duos brincos e ch'est rutu ◊ candho mi as bidu reu, a terra mi as iscutu! ◊ su pitzinnu si ndh'est iscutu a subra mia ◊ si ndh'est iscutu de su letu ◊ si nc'iscudit a sa tzurpa acantu dhui at pirígulu ◊ che l'at iscutu in mare ◊ su pudhu iscudet unu cantu chi assustrat sas coitas 3. bi at àrbures chi iscudent foza in atunzu e àteras chi iscudent foza in istiu ◊ daghi at a àere iscutu su machine, torret a inoghe! Ètimu ltn. excutere Tradutziones Frantzesu battre, frapper Ingresu to beat Ispagnolu golpear, pegar Italianu bàttere, picchiare, scagliare Tedescu schlagen, prügeln.

isciudràda , nf Definitzione su isciudrare Ètimu srd.

isciudràre , vrb Definitzione betare a ispàniu, a ispartzinadura, nau de abba, ógiu, sàmbene e cosas deasi Sinònimos e contràrios ispaghinare Frases s'abba che l'at isciudrada in terra ◊ pro únghere su re li at isciudradu s'ozu in conca.

isciugài isciucàre 1

isciugamànos , nf: asciugamanu*, issugamanos, sciugamanus Definitzione trastighedhu de orrobba, mescamente linu, po si frobbire is manos, sa cara o àteru Sinònimos e contràrios abbammanu, tiagiola.

isciugàre , vrb Definitzione giagarare, fàere fuire comente si faet a sa musca movendho is manos Sinònimos e contràrios agegherai, isciuliai, salargiare.

isciugàri isciucàre 1