Ditzionàriu in línia
de sa limba e de sa cultura sarda

pàsculu , nm Definitzione logu, terrenu e totu s'erba (e fintzes sa sida) chi dhue faet po papare su bestiàmene; su papare puru, s'alimentu / pàschere o èssere a p. francu = in pàsculu tentu in donu, chi no si depit pagai Sinònimos e contràrios mindha, paschinzu, pastura Frases sos pastores carchi cantu de recotu in azunta a su mossu de su pàsculu pro sas béstias bi lu daiant ◊ s'àteru pàsculu fit piús bonu pro muntènnere su madrigadu.

pasèra , nf Definitzione pàusu, su pausare, pausada / èssere in p. = pausandho.

pàsi pàsa 2

pasía , nf Definitzione parte de unu trebballu, de una cosa, fintzes cunsiderada coment'e tempus, cosa fata a su pasa pasa, in tantas bortas Sinònimos e contràrios creze, mota Frases cussu triballu l'amus fatu in tantas pasias, ca fit meda totu a una borta ◊ cust'olia che cheret betada totu a unu: aite a la muntènnere in tantas pasias, tantu est totu a maghinare? ◊ unu líbberu est sèmpere divisu in tantas pasias Ètimu srd. Tradutziones Frantzesu part, reprise Ingresu part, restarting Ispagnolu parte, reanudación Italianu porzióne, parte, riprésa Tedescu Teil, Wiederaufnahme.

pasiadróxu pasadólzu

pasiài pasài

pàsida , nf Sinònimos e contràrios arreposu, arresetu, assentu, discansu, ibasu, pasa 1 Ètimu srd.

pàsidu , agt: pàsinu 1, pàsiru, pàsitu, pàssidu 1 Definitzione chi si movet abbellu, chentza brínchidos e ne iscutuladas, chi est a s'assentada faendho ccn. cosa, agiummai coment'e firmu; nau de una fortza, chi no est tropu forte, brandha Sinònimos e contràrios assulenu, glianu, pianu 1, pràtinu, séliu Frases sas àbbilas pàsidas chena trinnighinzu atraessant s'aera ◊ cadebai arratza de mari pàsidu, mancu si movit! ◊ pàsidu est su riu in logos paris ◊ su trenu curret prus pàsidu de su purma ◊ custu cadhu est pàsidu in s'andhare 2. diventadu ricu pàssidu, sa zente at comintzadu a dare cràculu a s'anticu massaju 3. sa pingiada ponidha a fogu pàsiru! ◊ custu pani est cotu a fogu tropu pàsiru Ètimu srd. Tradutziones Frantzesu paisible, placide, modéré Ingresu quiet, moderate Ispagnolu tranquilo, sosegado, moderado Italianu calmo, plàcido, moderato Tedescu ruhig, still, mäßig.

pasiéri , agt Sinònimos e contràrios asselieri, pasiosu Frases carignas pasieras as a bogai de is manus… Ètimu srd.

pasigàdu , agt Sinònimos e contràrios asseliadu, pàsigu Frases tenide su chervedhu pasigadu! Ètimu srd.

pàsigu , agt Sinònimos e contràrios chetu, glianu, pàsidu, séliu Frases sas pàsigas notes de austu las allegrant chígulas e gríglios ◊ su riu in cussu tretu andhat pàsigu Ètimu srd.

pasiguài , vrb: apaseguare* Definitzione agatare o giare pàusu, asséliu, abbrandhare o asseliare unu patimentu Sinònimos e contràrios abbacai, abblandai, allebiae, apachiare, assebiai, asselenare, assussegai.

pàsimu , nm Definitzione su chi si narat de acunnortu a is dolidores po unu mortu / dare su p. Sinònimos e contràrios assolta, pèsame*, passéntzias.

pasína , nf Definitzione una pasa pitica, pagos Sinònimos e contràrios fiotu, grústiu Ètimu srd.

pàsinu , nm, agt Definitzione pàusu, fintzes festa, díe chi no si trebballat / abbarra p.! = ista frimmu!, séliu! Sinònimos e contràrios assébiu, pàsida, pasa 1 / asseliau Frases custas sunt dies de pàsinu ◊ no nos at dadu una die de pàsinu ◊ sa pitzinna cheret pàsinu po si dormire ◊ sos lampos e sos tronos lompiant unu infatu de s'àteru sentza pàsinu 2. issu dh'at acunnortada che arreet pàsina e tenzet fide ◊ seo malàida e sos dolores no mi lassant pàsina Ètimu srd.

pàsinu 1 pàsidu

pasiógu , nm Definitzione pàusu Sinònimos e contràrios pasa 1, asséliu Frases no li daiat pasiogu mancu sa trancuillidade de sa muzere (U.Curcu)

pasiósu , agt Definitzione chi faet pausare, asseliare, asselenare Sinònimos e contràrios asselieri, pasieri Frases su poeta fini e delicau donat a chini ligit oras de ispreviamentu bonu e pasiosu Ètimu srd. Tradutziones Frantzesu reposant Ingresu restful Ispagnolu relajante Italianu riposante Tedescu erholsam.

pàsiru, pàsitu pàsidu

pàsiu pàsa 1