A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ilbantàre , vrb Definizione foedhare de unu naendhondhe male, a disprétziu, a innóriu, a menguamentu de valore Sinonimi e contrari aciociai, afrentai, desdorai, disprejare, ilzenzare, ispresciare, ispucire, isvenzare, menispresiare | ctr. abantai, calculai Frasi bi ndhe at chi bantant e ilbantant cun su matessi mutu, cantendhe Traduzioni Francese se moquer Inglese to mock Spagnolo escarnecer Italiano dileggiare Tedesco verspotten.

ilbàntidu , nm Definizione male chi si narat de ccn. o de calecuna cosa chi si càrculat pagu, cosa chi ni narat a disprétziu, a menguamentu de valore o de cunsideru Sinonimi e contrari abbenzu, ciascónu, disdoru, innóriu, inzenzu, malisprésciu, tragàgiu | ctr.   bàntidu Etimo srd. Traduzioni Francese dérision Inglese derision Spagnolo escarnio Italiano diléggio Tedesco Verspottung.

ilbarànu , nm: arbaranu* Definizione genia de cartellu inue s’iscriet unu bene postu a bèndhere Sinonimi e contrari asta 1, dita.

ilbarionàre , vrb: irbarionare Definizione èssere a irbariones, coment’e candho unu sentit dolore forte meda o portat sa callentura arta e foedhat chentza ischire mancu su chi est naendho; nàrrere cosas chi est ladinu ca no funt sa beridade Sinonimi e contrari desatinai, fadhotai, ferionai, irvariolare, iscassoletare, istantariare, sciolloriai, strolicai Frasi no ti sègheras chi ses irrocandhe, o irbarionandhe ses?! ◊ fiza tua est fachendhe su dovere suo, mischinedha: ite ses, irbarionandhe a nàrrere custas cosas?! Etimo srd. Traduzioni Francese délirer, radoter Inglese to rave Spagnolo delirar Italiano delirare, farneticare Tedesco irrereden, phantasieren.

ilbarizàdu , agt Definizione chi est apertu deunudotu, totu apertu Sinonimi e contrari impamparriadu, iscampaniadu Frasi leat a dereta e che parat in buca de campusantu, a giaga ilbarizada.

ilbarràtu , agt, pps: irbarradu, irbarrau Definizione chi est chentza barras o chi a pagu dhi serbint; in cobertantza, chi est a barras apertas abboghinandho, chi est bogau de pare; de irbarrare / irbarradu sias! = citudidha cun custus itzérrius! Sinonimi e contrari barrifalau Frasi sos animales annasaiant s'àghera, ilbarratos dae sa gana 2. intendu is canis orrulandu irbarraus e is crabas belandu.

ilbarriàda , nf: ilvarriada, irbarriada, isbarriada, irvarriada, isvarriada Definizione su iscarrigare, fintzes cropu forte (o àteru) chi dhi lompet, a unu; dannu mannu Sinonimi e contrari colpu, illinnarjada, irrugada, irruncada, irzarriada, sciarrocada / derdícia, desacatu / cdh. sbarriata Frasi si sa domandha benit a bonu li dant un'irvarriada de dinari (G.Ruju)◊ custu est tronu faladu a isvarriada! ◊ una nue de tempesta mi at a rúere tota a subra, a isvarriada 2. a s'isvarriada est rutu a frundha (G.Ruju)◊ comente fit essindhe in sa gianna li arrivit un'isvarriada de bòcia a mutzighiles 3. ite irbarriada, odheu, a che li mòrrere su bestiàmine!…◊ isbarriada manna mi at agiuntu a sa chi mi est bochindhe, s'annada mala Etimo srd. Traduzioni Francese décharge Inglese discharge Spagnolo varapalo Italiano scàrica Tedesco Schlag.

ilbarrizàre , vrb Definizione apèrrere deunudotu Sinonimi e contrari ilbambarriare, iscampaniai, ispampanai.

ilbarulíre , vrb: isbarulire Sinonimi e contrari digidire, immartire, ispultidhire / ifegare, scexiai Frasi ti ndhe fato ingúllere una caltzida de cafè: as a bíere chi ti lu fato ilbarulire deo su chi as bufadu! (M.Danese)◊ l'ant lassadu a totu note a isbarulire s'imbreaghera.

ilbasciàre , vrb Definizione nau de logu apartau, fàere de aprigu, èssere in aprigu.

ilbatulàda ibbatulàda

ilbautídu , pps, agt: irbautidu Definizione de ilbautire; chi est chentza fortzas, arréndhiu Sinonimi e contrari débbile, disartoriadu, irbaléndhidu, istasidu Frasi recuit corcovadu e a sa lena irbautidu dae sa fadiga pro pasare sa pòvera carena! ◊ sos sordadedhos fint irbautidos, in sa gherra.

ilbautíre , vrb Definizione prnl., pèrdere is fortzas Sinonimi e contrari iltasire, irbalèndhere, irbalesiare.

ilbelidàre , vrb Sinonimi e contrari belai, beolare, melare, meulare, miaurai Frasi sas elveghes si acurtziaiant a s'abbadolzu, bufaiant e ilbelidendhe si poniant a pàschere.

ilbengàdu , agt Definizione chi est chentza gana nudha, in contu de fàere faina Sinonimi e contrari acallofau, lésinu, priu.

ilbentiàre ibentiàre

ilbeulàre , vrb Sinonimi e contrari belai, beolare, ilbelidare, melare, meulare, miaurai.

ilbéulu , nm Sinonimi e contrari bebbéchinu, bébidu, bèolo, imbéulu, mélida, méliu Etimo srd.

ilbiadída , nf Sinonimi e contrari irbiaridura Etimo srd.

ilbiadíre , vrb: irbiarire Definizione fàere su colore prus craru, coment’e biancu, nau pruscatotu de bestimentu o trastu chi perdet su colore cotu Sinonimi e contrari irbianchire, isarbiare, isbisorire, isbiorire, ischizire | ctr. acotilai, anniedhigai, recòghere Frasi sa robba cheret torrada a tínghere ca si est irbiarida Traduzioni Francese perdre sa couleur, décolorer Inglese to fade Spagnolo desteñirse Italiano sbiadire, scolorire Tedesco verblassen, verbleichen.