A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ilmarruncàre , vrb: ismarruncare Definizione bogare o pèrdere is dentes (nau fintzes de ferramentas), pèrdere is casciales Sinonimi e contrari irdentae / ildentighedhare 2. tenzo su serracu totu ilmarruncadu 3. sa conca de su mortu zughiat sas barras a serra, totu ismarruncadas Etimo srd.

ilmaschiàre , vrb: ismaschiare Definizione arrasigare su pedhutu de is pedhes conciadas; ispertare o iscrarire sa boghe, giare unu cropu sicu, un’arrasigadura, in su gúturu, coment’e de tussi, un’iscrémiu, ma chentza ispudu (coment’e po ndhe bogare ispurgadura), fintzes po singiale a un’àtera persona chentza foedhare: medas bortas est unu singiale de disprétziu o de befa, de avertimentu / ferru de ismaschiare = ferru addatu pro ndhe rasigare su pedhutu de sas pedhes Sinonimi e contrari burruscinai, iscarrusciai, iscremiare, sdorrosciai 2. fit ilmaschianne e tussianne po si fàghere a intènnere de sos àteros (A.Cossu)◊ apo ilmaschiadu ma no mi at cumpresu ca si depiat calliare 3. cussu cheret ilmaschiadu ca est nanne cosas chi no annant bene! Traduzioni Francese graillonner Inglese to clear one's throat Spagnolo carraspear Italiano liberare la góla dal catarro Tedesco sich räuspern.

ilmàschiu , nm Definizione cropu sicu, a arrasigadura, in su gúturu, coment’e de tussi ma chentza ispudu, po singiale a un’àtera persona chentza foedhare: medas bortas est unu singiale de disprétziu o de befa Sinonimi e contrari burrúscinu, iscadrúsciu, iscrémiu, rózita, sdorrósciu 2. cuss'ómine a s'ilmàschiu si arrennegat Etimo srd. Traduzioni Francese toussotement Inglese clearing one's throat Spagnolo carraspera Italiano ràschio Tedesco Räuspern.

ilmatadúra , nf: ismatadura Definizione trebballu chi si faet segandhondhe su matedu illimpiandho unu terrenu po dh’arare Sinonimi e contrari ispatonzu, matadura Etimo srd.

ilmeltzàdu , nm: immertzadu Definizione s’istentina prus grussa o larga de un’animale (porcu, brebè) furriada e prena de orrughedhos de petza de còere a orrostu Sinonimi e contrari boltadu, longus Terminologia scientifica mng.

ilmenàre , vrb Definizione menguare, miminare una cosa, nau fintzes in su sensu de digirire Frasi si pesant'e istògomo mi abbizo, pro ilmenare su cichete impreo (Mortello).

ilmentigàdu , pps, agt: immentrigadu Definizione de ilmentigare; chi dh’ant immentigau; nau de ccn., chi imméntigat is cosas, nau mescamente de persona antziana Sinonimi e contrari iscaéssiu, olvidadu / cdh. isminticatu / conchischeréscidu, olvidosu 2. Bàrbara, chi as in chelu sa cadrea, ismentigadu no ndhe lessas unu! (Sozu)◊ Deus no at fizos ismentigados 3. sa zente manna, ca est tzimiada, est immentrigada puru Traduzioni Francese oublié, oublieux Inglese forgetful, forgot Spagnolo olvidado, olvidadizo Italiano dimenticato, diméntico Tedesco vergessen, uneingedenk.

ilmentigàre, ilmentigràre , vrb: ilmentrigare, imentrigare, immenticare, immentigai, immentigare, immentrigare, irmenticare, irmentigare, ismenticare, ismentigare Definizione essire o pèrdere una cosa de mente; cricare de no arregodare, una cosa, fàere finta de nudha, a manera de no ndhe fàere prus contu Sinonimi e contrari iscadèssere, obbriviri, olvidai, variai | ctr. ammentare, arragodai, subènnere Modi di dire csn: bufare abba de imméntiga mundhos = iscarèsciri totu, èssiri conca ischeréscia, no si arregordai prus de su chi si depit fai; immentrigàresi che mortu = iscarescirisí deunudotu de una cosa; lassare a s'immentrigada = cricare de immentigare, lassare chi s'imméntighet Frasi si liu namus nois si nche irménticat ◊ ilmentigràndhemi de s'averténtzia, mi so postu in caminu ◊ essendhe allegros, calchi bolta nos immentigamus de s'avilimentu ◊ mi ndhe so irmentigadu de su chi depia fàghere ◊ mi che l'apo totu irmentigadu su chi mi aias nadu 2. fiat pasteri e sétziu in sa mesa pariat chi aiat bufau abba de imméntiga mundhos ◊ naemidhi un’iscuta: dogni borta chi essis paret ca ti giànt s’abba imméntiga mundhos! Cognomi e Proverbi prb: su perdonare est de sàbios, s'irmentigare de macos Etimo itl. Traduzioni Francese oublier Inglese to forget Spagnolo olvidar Italiano dimenticare Tedesco vergessen.

ilméntigu , nm: imméntigu, imméntrigu, irménticu, irméntigu, isméntigu Definizione su irmentigare, su essire de una cosa de sa mente Sinonimi e contrari imméntiga, iscaessidura, obblevione, olvidu, scarescimentu / cdh. sménticu, smínticu | ctr. ammentu, arragodu Frasi su papàile dat s'imméntrigu, nostru trobeale ◊ est atesu che s'isméntigu ◊ s'allega intrat in su niedhore de s'irménticu Etimo srd. Traduzioni Francese oubli, amnésie Inglese forgetfullness, loss of memory Spagnolo olvido, descuido Italiano dimenticanza, amnesìa Tedesco Vergessen, Amnesie.

ilmentrigàre ilmentigàre

ilménu , nm Definizione su ilmenare, méngua, illébiu Frasi tocat chi lu fates po ilmenu de su pecadu!

ilmeràre , vrb: ismerare, smerai Definizione su si fàere in bàtoro po ccn., fàere de totu pommore de unu, po dh’agiudare; fintzes bogare sa cosa de un’istrégiu tropu prenu; a logos dhu narant in su sensu de s’incantare, de si meravigliare, ispantasiare Sinonimi e contrari aurzire, desintragnai, irfrissurare / iscolomare Frasi Deus ismerat onnipoténtzia, amore e sabidoria ◊ sucurre sos chi s'ismerant pro bènnere a ti visitare! 3. a minore ti ndhe ismeravas vadiandhe sa campagna Etimo spn. esmerarse Traduzioni Francese prodiguer, se prodiguer Inglese to lavish, to do all one can Spagnolo esmerarse Italiano prodigare, prodigarsi Tedesco verschwenden, sich ergehen.

ilmeravizàre , vrb Definizione fàere o fàere provare meravíglia, ispantu Sinonimi e contrari abbajare, ammaraizare, isbaudire, ispantai, mirificai Frasi su chi piús l'ilmeravizeit fint sas alas (M.Bua).

ilmesisciàre , vrb Definizione bogare o menguare sa cosa torrandhodha a sa metade Sinonimi e contrari irmesare Frasi sos annos sa fortza de su tribàgliu in Sardigna s'ilmesisceit ca emigreint a trumas mannas (P.Fogarizzu) 2. a candho a agabbare s'annu sa classe resteit ilmesisciada Etimo srd.

ilmiaulàre , vrb: ismiaulare Definizione nau de is gatos, fàere sa boghe Sinonimi e contrari maulai Etimo srd.

ilmiàulu , nm: ismiàulu Definizione sa boghe de is gatos Sinonimi e contrari miaulonzu, màulu Frasi s'intendhent tzeltos ismiàulos intro de domo ◊ su gatu in sa gianna est a ràfios e a ilmiàulos Terminologia scientifica bga Etimo srd. Traduzioni Francese miaulement Inglese miaowing Spagnolo maullido Italiano miagolìo Tedesco Miauen.

ilmína , nf: immina 1, irmina, olmina*, urmina Definizione s’arrastu chi abbarrat in terra coment’e singiale chi at passau gente o animales, o fintzes cosa chi orruet a terra comente si andhat o si passat Sinonimi e contrari addromu, apeicu, arrasta, arrestallu, frata, frusa, iltiga, peada, peita, peuta, trata Frasi s'immina frisca de sos pes umanos giughes ancora crara, o Luna Traduzioni Francese trace Inglese footprint, track Spagnolo huella Italiano órma, tràccia Tedesco Spur.

ilminorigàre , vrb: imminoricare, imminorigare, irminoriare, irminoricare, irminorigare, isminorigare Definizione fàere una cosa prus pitica, prus minore Sinonimi e contrari amenguai, apiciulinai, impicochire, impiticai, ispiticare, miminare, mindigai, minorai, scimai, torrae | ctr. ammanniae, crèschere, immannitare Frasi die cun die s'imminórigat su tempus ◊ sos chírcios de su furredhu de ghisa faghent andhendhe e ilminorighèndhesi in mesu Etimo srd. Traduzioni Francese rapetisser Inglese to decrease Spagnolo achicar Italiano rimpicciolire Tedesco verkleinern.

ilmisòne , nm Definizione frammentu de farra de órgiu; genia de pane mannu, grussu, de farra de órgiu Sinonimi e contrari bermisone*, chimisone, erminzone, misone Frasi si solvet chin abba tébia su ilmisone pro ammadrigare sa farina ◊ su ilmisone s'impitat solu po s'olzatu 2. li ant dadu colzu de ilmisone e calchi cocorroi.

ilmodídu , agt: immodidu, irmodidu, irmodiu, smodiu Definizione chi in su fàere est chentza misura, chentza régula, chentza crabbu, mescamente in su sensu de tropu; chi est a tropu Sinonimi e contrari illacadu, malammodidu, scumpudiu, sfogonau / irgrabbau Frasi mi tia èssere vetadu a m'infriscare, tantu bi aiat aldore ilmodidu ◊ siscurigada chi sias: già ses pagu immodida!…(G.Raga) Terminologia scientifica ntl Traduzioni Francese démesuré, excessif Inglese immoderate Spagnolo excesivo Italiano smodato Tedesco maßlos.