A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ispuntedhàre , vrb: spuntedhai Definizione tròchere is puntedhos de asuta Sinonimi e contrari | ctr. apontedhae Etimo itl. spuntellare.

ispuntedhòne , nm Sinonimi e contrari bica, ispuntone Frasi su cucu beranile est cantandhe in sos ispuntedhones Etimo srd.

ispuntigliadòre, ispuntilladòre , agt Definizione chi costumat a fàere puntíglios, dispetos, a bínchidas in calecuna cosa: si narat fintzes de is cadheris chi acumpàngiant e cricant de fàere bínchere sa Pandhela mazore in s'àrdia (faendho a manera chi no bincant àteros cadheris, is veros ispuntigliadores) Sinonimi e contrari abbetiosu, dirbetosu, impuntilladore / ttrs. ipuntósigu 2. perunu ispuntilladore si est atriviu a che colare sas pandhelas Terminologia scientifica ntl Etimo srd.

ispuntilladúra , nf Definizione su ispuntillare, fàere puntíglios Sinonimi e contrari ispuntillonzu Etimo srd.

ispuntillàre , vrb Definizione fàere puntíglios, fàere sa cosa a puntígliu Sinonimi e contrari impuntillare, puntillare Etimo srd.

ispuntillónzu , nm Definizione su ispuntillare, istare a puntíglios Sinonimi e contrari ispuntilladura Etimo srd.

ispuntinàre , vrb Sinonimi e contrari pichetai, rebbotare Frasi ant ispuntinadu chin d-un'ochisorzu àbrinu.

ispuntinéri , agt, nm Definizione chi dhi praghet a ispuntinare, a rebbotare, a fàere pichetadas Sinonimi e contrari allufiadori, mangiufoni, rebboteri Terminologia scientifica ntl Etimo srd.

ispuntínu , nm Definizione papare prus che àteru in cumpangia po festa, faendho isciala Sinonimi e contrari abbicónia, pichetada, pranzete, rebbota.

ispuntogliàre , vrb: ispuntorzare, ispuntzorjare Definizione púnghere a istrúmbulu (puntógliu), fàere coment'e punghendho ispinghendho a cara a denanti a calecunu; nàrrere sa cosa, arregodare calecuna cosa a chie pagu dhue pentzat Sinonimi e contrari apuntolzare, ifurconare, inchisai, impunciai, impuntzonare, infruncuai, inghitzidare, intzutzulai, istrumbulai, istuzare, púnghere, puntorjare, strumbuai Frasi massajos aturdios, che carros iscussertos irdeghiant, ispuntorzaos a gana! ◊ su massaju ispuntorzat su zú sotandhe s'incarcu de s'aradu 2. si no est ispuntorzadu, cussu, no ndhe faghet de nudha! ◊ est ispuntoglianne chin duos pódhiches sa tastiera de sa computera Etimo srd. Traduzioni Francese aiguillonner, inciter Inglese to goad Spagnolo aguijonear Italiano pungolare, incitare Tedesco anstacheln, anregen.

ispuntogliàta , nf: ispuntorjada, ispuntorzada Definizione incracada de istrúmbulu, de puntógliu; in cobertantza, cosa chi si narat po ispínghere is àteros a fàere ccn. cosa Sinonimi e contrari issacada, puntorjada, strumbulada / aturigada, atzitzamentu, insúliu 1, insullamentu, intzídia, sotadura Frasi est a palas abbassatas, domatu che boe vetzu dae s'iscórria e dae sas ispuntogliatas ◊ su mere lu leat a ispuntorzadas, a s'àinu ◊ un'ispuntorzada faghet achipire sos boitos pro che colare impresse 2. bi cheret s'ispuntorzada pro bos fagher fàghere sa faina! Etimo srd. Traduzioni Francese incitation, invitation Inglese incitement Spagnolo incitación Italiano incitaménto Tedesco Anregung.

ispuntòne , nm Definizione ispinta, impéllida giada de istrémpiu, a cropu Sinonimi e contrari imbudada, imperta Frasi andho e li do un'ispuntone e ch'essit su tiru chi acalaizu at dadu unu suspiru.

ispuntòne 1, ispuntòni , nm: spuntoni Definizione logu o punta de pedra chi essit de totu s'àteru, mescamente atza comente si atóbiant duos muros; trempa de monte, tretu artu de terra, de orroca, chi intrat in mare (itl. promontòrio); fintzes tretu coment'e parte de unu logu Sinonimi e contrari bica, contonada, corruspidone / angrone, arranconi, chizone Frasi sos muros ti mustrant ispuntones de sas predas ◊ dae cada ispuntone de preda bi falat unu candhelabru de àstragu 2. in s'ispuntone calcàriu de Cabugatza in Salighera bi at grutas mannas ◊ nadendhe, solu un'iscogliera bidiat, cun dogni ispuntone chi a ti acurtziare ndh'essis a bisera ◊ arribbau a s'ispuntone prus artu s'est sétiu ◊ si fit acrarau a s'ispuntone a bídere proite sos canes fint apedhandhe ◊ ant ispianadu s'ispuntone e a fortza de matza e de minas sa punta est diventada una piatza 3. tocat a mundai bèni totus is ispuntonis de su forru innantis de nci ghetai su pani a coi ◊ issu depit pensai a trabballai cussus pagus ispuntonis Etimo itl. spuntone Traduzioni Francese coin Inglese corner, edge Spagnolo arista Italiano spígolo Tedesco Kante.

ispuntorjàda, ispuntorzàda ispuntogliàta

ispuntorzàre ispuntogliàre

ispúntu , agt: spuntu Definizione nau de binu, chi est aghedu, aghedandhosi / leare s'i. = aghedare Sinonimi e contrari aghedadu Frasi binu, piritzolu ispuntu ◊ candho cantas cun megus, no ti perdas che bíschidu lèndhedi s'ispuntu! Etimo srd. Traduzioni Francese aigre, tourné Inglese sour Spagnolo agrio Italiano àcido Tedesco sauer.

ispúntza impúncia

ispuntzàre , vrb Definizione bogare, tirare is púncias Sinonimi e contrari ilgiaitare, stacitai Traduzioni Francese déclouer Inglese to unnail Spagnolo desclavar Italiano schiodare Tedesco aufnageln.

ispuntziàre , vrb Definizione atzitzare, fàere mòvere, cumbínchere a unu a fàere ccn. cosa Sinonimi e contrari impunciai, impuntzonare, insissiligai, intzidiare, ispuntogliare, ispuntzonare, tzuntzullare Frasi pro sas lacanaduras ispuntzieint sos massajos a los denuntziare nendhe chi cussos terrinos fint in su bidatone (E.Giordano).

ispuntzigonàre , vrb Definizione agiummai coment'e púnghere a puncione, nàrrere o fàere cosa po portare a unu a fàere su dovere, fintzes ofendendhodhu Sinonimi e contrari impunciai, impuntzonare, insissiligai, intzidiare, ispuntogliare, ispuntziare, ispuntzonare, tzuntzullare Frasi fiat sèmpede punghendhe, ispuntzigonandhe: fiat un'ómine malu ca poniat fogu a s'erba birde! (L.Pisano)◊ fit amigu de unu dannalzu chi l'ispuntzigonaiat a pedire Etimo srd.