A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ispuntedhàre , vrb: spuntedhai Definitzione tròchere is puntedhos de asuta Sinònimos e contràrios | ctr. apontedhae Ètimu itl. spuntellare.

ispuntedhòne , nm Sinònimos e contràrios bica, ispuntone Frases su cucu beranile est cantandhe in sos ispuntedhones Ètimu srd.

ispuntigliadòre, ispuntilladòre , agt Definitzione chi costumat a fàere puntíglios, dispetos, a bínchidas in calecuna cosa: si narat fintzes de is cadheris chi acumpàngiant e cricant de fàere bínchere sa Pandhela mazore in s'àrdia (faendho a manera chi no bincant àteros cadheris, is veros ispuntigliadores) Sinònimos e contràrios abbetiosu, dirbetosu, impuntilladore / ttrs. ipuntósigu 2. perunu ispuntilladore si est atriviu a che colare sas pandhelas Terminologia iscientìfica ntl Ètimu srd.

ispuntilladúra , nf Definitzione su ispuntillare, fàere puntíglios Sinònimos e contràrios ispuntillonzu Ètimu srd.

ispuntillàre , vrb Definitzione fàere puntíglios, fàere sa cosa a puntígliu Sinònimos e contràrios impuntillare, puntillare Ètimu srd.

ispuntillónzu , nm Definitzione su ispuntillare, istare a puntíglios Sinònimos e contràrios ispuntilladura Ètimu srd.

ispuntinàre , vrb Sinònimos e contràrios pichetai, rebbotare Frases ant ispuntinadu chin d-un'ochisorzu àbrinu.

ispuntinéri , agt, nm Definitzione chi dhi praghet a ispuntinare, a rebbotare, a fàere pichetadas Sinònimos e contràrios allufiadori, mangiufoni, rebboteri Terminologia iscientìfica ntl Ètimu srd.

ispuntínu , nm Definitzione papare prus che àteru in cumpangia po festa, faendho isciala Sinònimos e contràrios abbicónia, pichetada, pranzete, rebbota.

ispuntogliàre , vrb: ispuntorzare, ispuntzorjare Definitzione púnghere a istrúmbulu (puntógliu), fàere coment'e punghendho ispinghendho a cara a denanti a calecunu; nàrrere sa cosa, arregodare calecuna cosa a chie pagu dhue pentzat Sinònimos e contràrios apuntolzare, ifurconare, inchisai, impunciai, impuntzonare, infruncuai, inghitzidare, intzutzulai, istrumbulai, istuzare, púnghere, puntorjare, strumbuai Frases massajos aturdios, che carros iscussertos irdeghiant, ispuntorzaos a gana! ◊ su massaju ispuntorzat su zú sotandhe s'incarcu de s'aradu 2. si no est ispuntorzadu, cussu, no ndhe faghet de nudha! ◊ est ispuntoglianne chin duos pódhiches sa tastiera de sa computera Ètimu srd. Tradutziones Frantzesu aiguillonner, inciter Ingresu to goad Ispagnolu aguijonear Italianu pungolare, incitare Tedescu anstacheln, anregen.

ispuntogliàta , nf: ispuntorjada, ispuntorzada Definitzione incracada de istrúmbulu, de puntógliu; in cobertantza, cosa chi si narat po ispínghere is àteros a fàere ccn. cosa Sinònimos e contràrios issacada, puntorjada, strumbulada / aturigada, atzitzamentu, insúliu 1, insullamentu, intzídia, sotadura Frases est a palas abbassatas, domatu che boe vetzu dae s'iscórria e dae sas ispuntogliatas ◊ su mere lu leat a ispuntorzadas, a s'àinu ◊ un'ispuntorzada faghet achipire sos boitos pro che colare impresse 2. bi cheret s'ispuntorzada pro bos fagher fàghere sa faina! Ètimu srd. Tradutziones Frantzesu incitation, invitation Ingresu incitement Ispagnolu incitación Italianu incitaménto Tedescu Anregung.

ispuntòne , nm Definitzione ispinta, impéllida giada de istrémpiu, a cropu Sinònimos e contràrios imbudada, imperta Frases andho e li do un'ispuntone e ch'essit su tiru chi acalaizu at dadu unu suspiru.

ispuntòne 1, ispuntòni , nm: spuntoni Definitzione logu o punta de pedra chi essit de totu s'àteru, mescamente atza comente si atóbiant duos muros; trempa de monte, tretu artu de terra, de orroca, chi intrat in mare (itl. promontòrio); fintzes tretu coment'e parte de unu logu Sinònimos e contràrios bica, contonada, corruspidone / angrone, arranconi, chizone Frases sos muros ti mustrant ispuntones de sas predas ◊ dae cada ispuntone de preda bi falat unu candhelabru de àstragu 2. in s'ispuntone calcàriu de Cabugatza in Salighera bi at grutas mannas ◊ nadendhe, solu un'iscogliera bidiat, cun dogni ispuntone chi a ti acurtziare ndh'essis a bisera ◊ arribbau a s'ispuntone prus artu s'est sétiu ◊ si fit acrarau a s'ispuntone a bídere proite sos canes fint apedhandhe ◊ ant ispianadu s'ispuntone e a fortza de matza e de minas sa punta est diventada una piatza 3. tocat a mundai bèni totus is ispuntonis de su forru innantis de nci ghetai su pani a coi ◊ issu depit pensai a trabballai cussus pagus ispuntonis Ètimu itl. spuntone Tradutziones Frantzesu coin Ingresu corner, edge Ispagnolu arista Italianu spígolo Tedescu Kante.

ispuntorjàda, ispuntorzàda ispuntogliàta

ispuntorzàre ispuntogliàre

ispúntu , agt: spuntu Definitzione nau de binu, chi est aghedu, aghedandhosi / leare s'i. = aghedare Sinònimos e contràrios aghedadu Frases binu, piritzolu ispuntu ◊ candho cantas cun megus, no ti perdas che bíschidu lèndhedi s'ispuntu! Ètimu srd. Tradutziones Frantzesu aigre, tourné Ingresu sour Ispagnolu agrio Italianu àcido Tedescu sauer.

ispúntza impúncia

ispuntzàre , vrb Definitzione bogare, tirare is púncias Sinònimos e contràrios ilgiaitare, stacitai Tradutziones Frantzesu déclouer Ingresu to unnail Ispagnolu desclavar Italianu schiodare Tedescu aufnageln.

ispuntziàre , vrb Definitzione atzitzare, fàere mòvere, cumbínchere a unu a fàere ccn. cosa Sinònimos e contràrios impunciai, impuntzonare, insissiligai, intzidiare, ispuntogliare, ispuntzonare, tzuntzullare Frases pro sas lacanaduras ispuntzieint sos massajos a los denuntziare nendhe chi cussos terrinos fint in su bidatone (E.Giordano).

ispuntzigonàre , vrb Definitzione agiummai coment'e púnghere a puncione, nàrrere o fàere cosa po portare a unu a fàere su dovere, fintzes ofendendhodhu Sinònimos e contràrios impunciai, impuntzonare, insissiligai, intzidiare, ispuntogliare, ispuntziare, ispuntzonare, tzuntzullare Frases fiat sèmpede punghendhe, ispuntzigonandhe: fiat un'ómine malu ca poniat fogu a s'erba birde! (L.Pisano)◊ fit amigu de unu dannalzu chi l'ispuntzigonaiat a pedire Ètimu srd.