A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

macedhài , vrb: ammacedhai, macedhare, machedhare, maghedhare Definizione bochíere bestiàmene, fàere a petza prus che àteru bestiàmene agatau faendho dannu (e fintzes solu fàere pagare a su mere su dannu chi at fatu su bestiàmene); malatratare, pigare a cropos, nau pruschetotu de bestiàmene Sinonimi e contrari machissiare / masellare, matzucare 2. maghedhadu, za ses che a mie, bestidu de trastes betzos!… Etimo ltn. macellare Traduzioni Francese abattre Inglese to butcher Spagnolo matar Italiano macellare Tedesco schlachten, metzgen.

macedhàju , nm: masellaju, masellarju, masellarzu, masellazu, matzellaju, matzidhàgiu Definizione chie faet e bendhet sa petza Sinonimi e contrari bancalaju, bangadore, bangàgiu, caitzeri, carnanseri / cdh. macidhaju, ttrs. matzedhaju Terminologia scientifica prf Traduzioni Francese boucher Inglese butcher Spagnolo carnicero Italiano macellàio Tedesco Schlächter, Fleischer.

macedhàre macedhài

macédhu , nm, agt: machedhu 1, maghedhu, masellu Definizione logu adatu a bochíere bestiàmene de fàere a petza a bèndhere (e fintzes su macellare etotu); butega inue bendhent petza; su maghedhare, bochíere, fàere a petza, a bisera Sinonimi e contrari bochidorju, caitza, carnatzeria, mocidórgiu / cdh. macedhu, ttrs. matzedhu / degógliu, destrossa, istralia Modi di dire csn: musca macedha = animale fatu a pessamentu, zenia de musca mala e manna meda, unu mostre de timire chi nachi punghet e bochit su cristianu…; mòrrere de musca maghedha = m. de apesta, de maladia apitzigadita; musca maghedha b'at!… = no dhui at própriu nudha! Frasi medas, a tallus che bestiàmini po su macellu, funt partius in guerra e no funt mai torraus ◊ a comporare petza a su macellu in cussu tempus pagu si andhaiat! 2. su martis fit die de masellu e de minuzos e de chentupuzones de bitellu chi los daiant agiummai a s’indonu 3. Neroni prenu de arrogantza in Roma fiat unu macellu Etimo itl. Traduzioni Francese abattoir, boucherie, massacre Inglese abattoir, massacre Spagnolo matadero, masacre (f) Italiano macèllo, massacro Tedesco Schlachthof, Schlachthaus, Gemetzel.

macédhu 1 , nm Sinonimi e contrari bacedhu* Frasi passus de macedhus mi acumpàngiant atzopiendi (D.Maccioni)◊ portat duas cambas fatas a fraci po macedhus de peis istasius.

maceròni, macerròni , nm: macerrone, maciaroni, maciarroni Definizione àpiu de cuadhus, una genia de erba bona a cundhimentu puru Sinonimi e contrari alisandru, apiuguadharu, arrosàdulu, chirielle, liriandru, lisau, lisiardu, orrusadu Frasi preparastus is iscovas cun cambus de maciarroni o coma de modhitzi po mundai su forru Terminologia scientifica rba, Smyrnium olusatrum Etimo itl. macerone.

machedhàre macedhài

machédhu , agt Definizione min. de macu Sinonimi e contrari machilloto, machisóngiu Frasi màschera machedha e brullera cantat a carrasecare.

machédhu 1 macédhu

macheíne , nm: machine, machini Definizione pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza igudítziu, pagu abbista; css. fata o nada pagu sàbia, fintzes cosighedha de pagu importu Sinonimi e contrari machíghine, machímene | ctr. sabidoria, sabine Modi di dire csn: a m. = a meda, a fuliadura, a malistropiadura, o fintzas chentza zudíssiu; essíreche in machines = nàrriri iscimprórius, acabbai nendi tontesas, essiri in coranta mois; catzare su m.= lassai de fai tontesas, imparai a no fai tontesas, iscrammentai Frasi machine si niat, custu, sempre zoghendhe!…◊ su machine est de trinta ses zenias e tue l'as leadu 'e trinta sete! (Sassu)◊ ista mudu e lassa sos machines! ◊ che ingullit pro bonos totu sos machines chi intendhet ◊ ti lu catzat su machine si leas su ferru ingrujadu a manos!…◊ ponindhe fatu a su machine tou no mi apo fatu sas fainas ◊ su macheine unu filu at de picare! 2. at brigau po machines 3. los istimaiat a machine ◊ in campu bi fit s'antunna a machine Cognomi e Proverbi prb: de machine e poesia ognune at sa parte sua ◊ su machine alligatu est peus de su naturale Etimo srd. Traduzioni Francese folie, sottise Inglese madness, nonsense Spagnolo locura, desatino Italiano pazzía, dissennatézza, scemènza Tedesco Wahnsinn, Unsinn, Unverstand, Dummheit.

macherína macarína

machetòni , nm Definizione pische, una genia de giarrete Sinonimi e contrari machetu Terminologia scientifica psc.

machétu , nm Definizione giarretedhu fémmina (ma su giarrete est innanti mascu – e faet su sèmene chi chistit in d-una busciuca – e apustis est fémina e faet is oos chi ingendrat cussu etotu cun su sèmene chistiu) Sinonimi e contrari machetoni Etimo itl.s macchettu.

machiéllu , agt Sinonimi e contrari machilloto.

machighinàda , nf: machinada Definizione aconcada maca, fata de macos, de chie portat machiore, machine Sinonimi e contrari aconcada, cianciarronada, garrafatoni, isabidóriu, isconcata, isconchinada, locura, meleda, scioncheria Frasi a bi credes, Bustià, chi candho intendho machighinadas goi, su late che achirrat fintzas a mie?! Etimo srd. Traduzioni Francese balourdise, bêtise Inglese dullness Spagnolo necedad Italiano balordàggine, atto sciòcco, sconsiderato Tedesco Dummheit, Narrheit.

machíghine , nm Sinonimi e contrari macheine, machímene | ctr. sabidoria, sabine Frasi bocae bos nche custu machíghine dae conca! 3. a isse cudha cosa l'aggradit a machíghine Etimo srd.

machíglia , nf Definizione sa paga chi si giaet a su molidore Etimo spn. maquilla.

machílliu , nm Sinonimi e contrari macheine, machiore Etimo srd.

machillòto, machillótu , agt, nm Definizione machedhu, chi est unu pagu macu Sinonimi e contrari irvalioti, macacu, machisóngiu, macotu, scilivrau, trantziu Etimo srd. Traduzioni Francese folichon, folâtre Inglese madcap Spagnolo alocado, chiflado Italiano pazzeréllo Tedesco leichtsinniger Mensch, Springinsfeld.

machímene, machímini , nm Sinonimi e contrari macheine, machíghine | ctr. sabidoria, sabine.