A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

maconatzína , avb Definizione fàghere a sa m. = a sa maconatza, che is macos, chentza cabu, chentza incuru, chentza pentzare sa cosa innanti Etimo srd.

maconàtzu , agt Definizione chi est pagu sàbiu, chi portat pagu capia / fàghere a sa maconatza = a stravanadura, chentza cunsideru, che is macus, a tropu, chentza régula Sinonimi e contrari machilloto 2. gruxeit s'ischina suta de su tribàgliu a sa maconatza ◊ sos seros los ispiliat bufutzendhe e riendhe a sa maconatza ◊ si andhas a sa maconatza, chena connòschere su logu, finis male ◊ sa nave est andhandhe a sa maconatza, ca est bentu forte Etimo srd.

macòne , agt, nm Sinonimi e contrari machilloto, machisóngiu, maconatzu Frasi ses própiu unu macone, apedhendhe a sa luna! Etimo srd.

macósu , agt Sinonimi e contrari mancosu.

macótu , agt, nm Definizione chi est unu pagu macu, nau de unu piciochedhu ma cun cunfidàntzia; genia de pigione Sinonimi e contrari machilloto, machisóngiu, trantziu / cincirri, olzale Frasi deo che tue ca no so macotu, in diritu perunu no bi creo Cognomi e Proverbi smb: Maccotta Terminologia scientifica pzn Etimo srd.

màcra , nf: maga, màgia, magra, maja, marca, marga, maxa Definizione matedu bàsciu cun cambos e naes medas chi essint totus impare, a bisura tundha; fintzes marcu de diferente colore de cosa bruta, de pistadura; curpa, mància de atzione mala / una marca de sàmmene, una magra de ozu Sinonimi e contrari busa 1, màcia 2, mata, maúgia, moa 1, molarxa, tupa, tupili / màcia Frasi mérula ladra chi brincas lizera intro maja de chessa, ue ses? ◊ a unu malevadadu a tardighinu l'at feridu in sa maja unu silvone ◊ bi at una màgia de rú 2. at comintzadu a li essire in totu sa carena magras rujas che bràsia ◊ portat una balígia a margas a margas, de unu birdi iscoloriu 3. Tue mi as puliu dae cada macra de pecadu! Etimo ltn. mac(u)la Traduzioni Francese maquis Inglese stain, bush Spagnolo espesura, mancha Italiano màcchia, cespùglio Tedesco Buschwald, Busch.

macràdu , pps, agt: ammargau, macrau, magradu Definizione de macrare; chi est a magras o a marcos de diferente colore (nau fintzes de bentina de animale), chi est ammanciau, a tretos brutu de cosa chi no ndhe andhat Sinonimi e contrari incespiau, ziziadu / ammarciau, tacadu 2. su gatu fit pili macradu e murri niedhu ◊ est una craba magrada Traduzioni Francese tacheté, taché, tacheté Inglese stained Spagnolo manchado Italiano chiazzato, macchiato Tedesco befleckt, fleckig, gesprenkelt, scheckig, gescheckt, befleckt.

macràre , vrb: magare, magrare Definizione fàere a magas, a tretos de diferente colore; fintzes imbrutare cun calecuna curpa Sinonimi e contrari ammaciae, maculai 1, tacare Frasi su chelu si est ammurinadu leandhe colores de fruscu e magràndhesi de biancu (Q.Falchi) 2. l'isco de cantu male mi soe macrau! Traduzioni Francese tacher Inglese to stain Spagnolo manchar Italiano macchiare Tedesco beflecken.

macràssu , nm: magrassu, massacru Definizione degollu, dannu chi si faet a meda; moida manna de cosa movendho, segandho, murigandho Sinonimi e contrari degógliu, fracassu, isfragassu, sciarrocu, sdorrocu Etimo itl. massacro.

macràu macràdu

macríle , nm Definizione terrenu a magas, de terramíngios diferentes, bonu a tretos Etimo srd.

macrósu , agt Definizione nau de terrenu, chi dhue at tupas de matedu; nau de pedhe, chi est a marcos de diferente colore / terra m. = grassa, lugiana, bona a tretos, a magas Etimo srd.

màcru , nm: malcu, marcu Definizione tretu de diferente colore, fintzes su singiale, genia de cosidura chi abbarrat de una segada, de una freadura in sa carre Sinonimi e contrari frincu, leidora, libidore, lidigori, pistadura, sambellutau Frasi acantu arribbant, cussus peis lassant sempri unu bellu marcu biaitu ◊ chin sos ocros at sichitu sos macros biancos de sas erveches in turvontzu ◊ su sole de martu ponet marcu Cognomi e Proverbi smb: Marcu, Marcus Etimo srd. Traduzioni Francese marque, signe, trace, plaque, tache Inglese stain, mark Spagnolo marca, mancha Italiano màrchio, ségno, imprónta, chiazza Tedesco Zeichen, Marke, Spur, Fleck, Mal, Striemen.

màcu , agt, nm Definizione chi o chie no est tanti giustu de conca, débbile de conca, chi tenet maneras de fàere unu pagu istrambas, pagu sàbias, faet machines: a bortas si narat a sa bona po su pagu imprastu o sa pagu abbistesa chi unu tenet / min. machedhu; genias de macu: m. alleporizadu, a ischíglia, codhacinu, fissadu; m. límpiu, aibbau = macu deretu, própiu chi no ndhe faghet una zusta, fintzas de manicómiu; m. durche = macu ma no de manicómiu, tontatzu, cun carchi pecu mannu a sa mente ma de naturale bonu; m. che cadhu = bambu che ludu, chentza imprastu perunu, chentza abbistesa nudha Sinonimi e contrari abbatuabbatu, ilvariadu, locu, mancante, médiu 2, scimpri, tontu | ctr. abbistu, cabosu, sàbiu Modi di dire csn: m. che cadhu, che crabu, che una crócua, che una tolla = macu meda; machixedhu!… = machillotu meda, chi at fatu tontesa manna; betàresi a m. = fai finta de èssiri macu, fàghere su macu; parare m. = essire macu, irbariare; fait su m. po no pagai sa staria = si betat a macu, faghet fintas pro no fàghere su chi depet; èssere o andhare m. pro (o de) una cosa, po ccn. = disigiai una cosa o a ccn. a ammachiadura, meda, un'ira; abbaidare che m. = coment'e abbabbalucaus, coment'e incantaus; m. segadu ’e crèschere = chi no at callau a ciorbedhu, pagu sàbiu; macu macu, …= bell'e chi paret macu…, mancari macu siat…; fàghere che su m. a su túcaru = si bi lu ponent in dainanti no ndhe lassat Frasi no fit macu che cabadhu, comente nabant! ◊ ih, machedha, goi ti at impressionadu su diauledhu? ◊ cussu, macu e no sàbiu, at fatu comente li ant nadu ◊ cudhu, ne macu e ne sàbiu, bi at crétidu ◊ zeo so restadu a buca abberta che macu ◊ annare cun macos est a zúchere diàulos a bènnere ◊ su macu est a ue l'afilat 2. tocat cussu macu de Efighedhu e si ponit a brullai cun santu Sidori ◊ su macu, aite mi faghes custas brullas?! ◊ candu sa meri est maca cumandat sa serbidora ◊ maca afrodhiera coment'e a tui no ndi apu biu mai! 3. mi annotat che macu, che chi mai si tatet de mi bíere ◊ su maridu si la pompiabat che macu ◊ ndhe andhat macu pro sos ballos ◊ si betat a macu po no pagai sa staria ◊ su bagadiu est macu po su ballu ◊ est macu e pérdiu po una fémina ◊ macu macu, at seberadu sa menzus chi bi fit! Cognomi e Proverbi prb: scit prus unu macu in domu sua chi no unu sàbiu in domu allena ◊ a peràulas macas origras surdas! Etimo ltn. maccus Traduzioni Francese fou Inglese crazy Spagnolo loco Italiano matto, pazzo, fòlle Tedesco verrückt, Verrückte, Narr.

màcu 1 , nm, avb, cng Sinonimi e contrari mancu* Frasi est dí bella, oi: no est macu basca meda (Gn.Piu).

màcua, màcula , nf: màgula Definizione prus che àteru, pecu de sa salude o fintzes de su cumportamentu de sa persona, neghe, curpa de s'ànima; tretighedhu de colore diferente coment'e de imbrutadura Sinonimi e contrari defeta, mendha, neche, nésica, peca 1 Frasi beneigo sas òperas de Deu chi no bi at ne màgula ne neu ◊ at de prata unu bestire sentza màcula peruna Cognomi e Proverbi smb: Maguledda Etimo itl. macula Traduzioni Francese tache, défaut Inglese stain Spagnolo mancha, defecto Italiano màcchia, mènda, difètto morale o della salute Tedesco Fleck, Fehler, Mangel.

maculài , vrb Sinonimi e contrari ammacigai, magliucare, matzocare, pistare Frasi maculai sa petza innantis de dha coi, maculai allu e birduras po cundimentu ◊ ti pistu, ti màculu e apustis ti nci papu Etimo ctl. magular.

maculài 1, maculàre , vrb: magulare, margulare Definizione pònnere màcula, neghe, pecu, fàere dannu a s'onore, a sa salude Sinonimi e contrari macrare, nesicare, tacare, tunconire Frasi su sèmene de sa figu, bellu e tundhu, ti màculat sa vida e s'onore e ti atirat sas befas de su mundhu (B.Mureddu)◊ no sias contr'a mie risentida, no timas chi ti màcule sas alas po custa nova falsa chi est essida ◊ mi at maguladu sa pessone cun nésigas e dólimas, corchendhe fora Etimo srd. Traduzioni Francese abîmer, détériorer, tacher Inglese to spot Spagnolo malear, echar a perder Italiano magagnare, macchiare Tedesco beflecken.

macularòri , nm Definizione genia de aina de ferru po pistare petza (fetinas) Terminologia scientifica ans Etimo srd.

maculàtu, maculàu , agt, pps Definizione chi tenet neghe, mantzadu, chi no est síncheru, no est sanu; de maculare Sinonimi e contrari fermiu, malàdiu, mantzadu, mermitu, nesicau | ctr. líaru, sanu, síncaru.