A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

petíre pedíe

petíre 1 , vrb Definizione andhare o tirare a…, cricare de… : pruschetotu bolet nàrrere a tènnere sa volontade, sa gana de ndhe pigare ccn. cosa chi praghet, de dhue lòmpere po si ndhe impobidhare, po dha tènnere, po dha fàere; fintzes tènnere calecunu difetu (es. a sa vista, a s'oidu) Sinonimi e contrari apititai, impugnare, punnai, puxae Frasi male niedhu contràriu, cantu petint a su Comunu: a Badu ’e Carros nessunu bi andhat volontàriu! ◊ bi at chie bi petit finas si est topu a fàghere s'amministradore! (Tz.Muredda)◊ su bestiàmine petit a su brusiadu ◊ deo a sos durches no bi peto 2. cussu petit a sa vista e fintzas a surdu Traduzioni Francese tendre, viser, aspirer Inglese to tend, to yearn, to aspire Spagnolo anhelar, ansiar, tender Italiano tèndere, anelare, aspirare, propèndere Tedesco streben, neigen.

pètiri pètene

petirúju , nm Sinonimi e contrari brinchidhi, brinci, dhodhi 1, ghiri, iscalzurúgiu, princiotu, tintillu, tradhera, tzichi Terminologia scientifica pzn.

petitéri , nm Sinonimi e contrari dimandhone, pedidore, pedulianu, pidore, pobiritedhu Etimo srd.

petitòre pedidòre

petítu , agt Definizione nau de cosas de papare, chi est saboria, de gustu bonu Sinonimi e contrari licaldu, licantzu, lichitosu, lichitu.

petitziòne, petitziòni , nf Definizione genia de dimandha púbblica chi si faet a un'autoridade aregollendho firmas de chie est de acórdiu.

petívu , agt Definizione chi est a sa sighia, sèmpere, po sèmpere Sinonimi e contrari fetianu, fetivu Frasi unu tempus fit triballendhe a zoronadas, ma como est intradu petivu.

petixédhu , nm Definizione genia de pane modhe, grussu, longhitu, cun pagas segadas a istúturu Terminologia scientifica pne.

petólu , nm: petzolu Definizione orrugu, pruschetotu nau de sa petza (fintzes móssigu, bucone): dhu narant de dónni'àtera cosa puru Sinonimi e contrari arrogu, bículu, binarja, chirriolu, isperriolu, ispetzolu, minutzu Frasi sos corbos, chene pietu, sont istrutzanne s'úrtimu petolu ◊ abbramida, sa súrbile de sa gherra sos angheledhos faghet a petolos Etimo srd. Traduzioni Francese lambeau Inglese shred Spagnolo jirón (petza), pingajo Italiano brandèllo Tedesco Stück, Fetzen.

petonàda petenàda

petonadòri , nm, agt Definizione chi o chie pètenat; chie trebballat lana a pètene, aprontandhodha po dha pòdere filare; genia de trastu chi si betat in codhos e in palas po no s'imbrutare petenandho / cuadhu p. = carchidadore Sinonimi e contrari caldadore Etimo srd.

petonadúra , nf Definizione su petenare; cuncordu de is pilos petenaos, manera de petenare Etimo srd. Traduzioni Francese coiffure Inglese hair-do Spagnolo peinado Italiano pettinatura Tedesco Kämmen, Frisur.

petonài pantonài

petòne , nm Definizione movimentu lestru meda Sinonimi e contrari fua, fuliénsia Frasi in sa falada su carru at leadu petone e sos voes si sunt iscorrados (G.Ruju)◊ si no bi est sa mecànica, su carru leat petone e si podet bortulare ◊ addaghi est arrividu a sa trempa, s'ómine at leadu petone e a su paris ch'est lómpidu lorumendhe Traduzioni Francese bond Inglese rush Spagnolo salto, impulso Italiano slàncio Tedesco Schwung, Anlauf.

pètora , nf Definizione balia, fortza de prumones, capacidade de padire pelea in su cúrrere Sinonimi e contrari agguantu Frasi cussos sont canes de pètora, de mossa e de nasu (G.Farris).

petoràle, petoràli , nm Definizione tira de pedhe chi si ponet in su petus a su cuadhu Etimo itl. pettorale.

petorína, petorínu , nf, nm Definizione parte de petorras de una camisa, fintzes s'apertura de unu bestimentu in petorras; pannitzu de pònnere in petorras Sinonimi e contrari petina Frasi no ti est bella cussa petorina, ca che ndh'amus de mezus raighina, ma nessune che tue ammachiada! (M.Murenu)◊ in su molinu de s'ulia portant una falda cun petorina po no s'imbrutare sa robba.

petòrra , nf, nm: petorru, peturru, peturra, piciurra, pitorra, pitorru, piturra Definizione sa parte de ananti de su dossu de su cristianu, su tretu de is costas prus in artu de su chintzu e tra tzugu e codhos, nau prus che àteru pl. (ca est in duas partes) e sèmpere po sa parte de fora; sa parte de ananti de unu bestimentu, sa chi bestia arresurtat in petorras / a/c.: petorru dhu narant prus che àteru foedhandho de animale pangau po sa petza, parte de is costas prus acanta a su tzugu; petorru e piciurra fintzes po pesada, logu chi faet andhandho e inartandho Sinonimi e contrari petus, teporra Modi di dire csn: s'arcu de sa petorra = sa crae de su codhu; sere banca a petorra = in mesa pro manigare; dare a chie petorru e a chie carrone = fai unu fillu e unu fillastu; sa punta de sa petorra = ispíciu, ossu neuladori Frasi bae a masellu e sa peta faghedila segare dae su petorru! ◊ apo leadu fritu meda chi mi dolent fintzas sas petorras ◊ padritu totu petorru cun sas nàstulas de bulu ◊ manighendhe pònedi cosa imbia, no ti che ruat in petorras! 3. in s'apusentu b'istaiat una barantina de persones aparitzadas banca a petorra ◊ cuss'amministratzione daet a chie petorru e a chie carrone Cognomi e Proverbi smb: Petorru, Pettorra, Pettorru, Pitorra, Pitorru, Pittorra, Pittorru, Pitturra, [Pitzurra] Terminologia scientifica crn Traduzioni Francese thorax, poitrine Inglese chest, breast Spagnolo tórax, pecho, pechera Italiano torace, pètto Tedesco Brust.