A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tremulèa tremuèa

tremulèa 1 , nf Definizione pische de mare chi giaet s'iscossa Sinonimi e contrari tramurosa* Terminologia scientifica psc, torpedo marmorata.

tremulèdha , nf Definizione genia de movimentu lestru e curtzu de sa carena (in totu o in parte), su istare tremendho, tremedreme Sinonimi e contrari trementa, tremualla, tremuea / cdh. trimaredha, trimuledha, ttrs. trimuredha Frasi sas mamas a tremuledha si faghiant sinnos cuendhe sos pitzinnos ◊ li picaiat sa tremuledha solu a lu intènnere mentovare: totu lu timiant che frea ◊ mi sentia su coro a tremuledha Etimo srd. Traduzioni Francese frisson, tremblote Inglese shivers Spagnolo tembleque Italiano tremarèlla Tedesco Zittern.

tremulégiu, tremuléju tremuèa

tremulénu tremuèa

tremuléri , agt Definizione chi tremet, chi si tremet, istat tremendho Sinonimi e contrari trémulu, tremulosu / cdh. trimuloni Frasi fit isturdidu e tremuleri che una criadura impaurida pro su chi li fit sutzessu ◊ pommori de sa basca mi cumpariat ananti de is ogus undas de àiri totu tremuleras Etimo srd.

tremuléu tremuèa

tremulía tremoía

tremulígia tramarígia

tremuligiòni , nm: trimuligioni Definizione trimulígia etotu, animaledhu de mare (faet in logu de istagnu) chi ponent a esca po cassare su pische: che istat aintru de una genia de istúgiu a tubbu chi si faet cuss'etotu Frasi donamí unu pagu de trimuligioni, chi depu donai a papai a su pisci! Terminologia scientifica crp, arenicola marina, dasybranchus caducus Traduzioni Francese sipunculiens Inglese lobworm Spagnolo gusana de coco Italiano sipùnculo Tedesco Pierwurm.

tremulòsa tramuròsa

tremulósu , agt Definizione chi tremet, chi si tremet, istat tremendho Sinonimi e contrari tremicosu, tremuleri, trémulu / cdh. trimuloni Etimo srd. Traduzioni Francese tremblant Inglese tremulous, shaking Spagnolo tembloroso Italiano tremolante, tremante, trèmulo Tedesco zitternd, bebend.

trémulu , agt Sinonimi e contrari tremulosu Frasi si la bides andhendhe, trémula de ancas!… Etimo ltn. tremulus.

trémulu 1 , nm Definizione cosa ledreledre, modhe modhe Sinonimi e contrari beladina, madredhu Frasi pro fàghere trémulu de murta bi cheret: ispíritu, supressadura o ispíritu de murta, túrulos de ou, late, vanillina, cannella, túcaru ◊ a troledhu, si che betat su trémulu in su tofu de sa farina, murighendhe cun sos pódhighes (G.Addis).

trémulu 2 trémbula

tremutíre , vrb Definizione trèmere meda, a forte, che a candho faet terremotu Sinonimi e contrari trèmere Frasi su terrinu at tremutidu Traduzioni Francese sursauter Inglese to give a start Spagnolo estremecerse, moverse Italiano sussultare Tedesco zusammenfahren.

tremútu , nm: trimutu Definizione stragamullu mannu, agiummai coment'e terremotu; terremotu puru, trémia forte Sinonimi e contrari abbatúliu, baraundha, irburbutzu, mamudinu, sciumbullu, stragambullu, tifitanu, trambullu, tregollu / cdh. trimutu / terremotu Frasi trimutu de ómines e de cadhos ◊ sa zente pranghiat a tremutu intendhendhe cudhu cundennau a s'impicu ca fachiat dolu a sas predas Traduzioni Francese vacarme, remue-ménage Inglese rummaging, uproar Spagnolo estruendo Italiano frastuòno, tramestìo Tedesco Lärm, Durcheinander.

tremuzólu tremizólu

trèna , nf: trina Definizione tiras de cosa (fintzes de pedhe), filos o àteru deasi, a tres, intriciaos apare, atrotigaos Sinonimi e contrari trícia / corria, lantu, presógliu, soca Modi di dire csn: is trinas de is crapitas = sos presorzos; trina de fune = túmixi, onzunu de sos filos profizados chi profizados ancora e imboligados apare faghent una fune Frasi sos pilos sunt créschios impresse e mama at detzisu de mi fàchere sa trina (D.Murru) Etimo ctl. trena Traduzioni Francese toron, brin Inglese strand Spagnolo liñuelo, hilo Italiano tréfolo Tedesco Garn.

trenèsci , vrb Definizione arrabbiare, pigare tzacu, prènnere de sàngia Sinonimi e contrari afelonare, infelai, infellonai, infelloniri.