A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

trígulas trébua

trigulàu tregulàu

triguliànu , nm Definizione trigu de Índia (benit de is Américas), genia de laore chi faet a canna grussa, prena, arta prus de metro, a fògias mannas longas e ladas e bogat coment'e ispigas imbodhigadas in sa terga a tantos pígios / s'ispiga (cozorotu, cucuta o pannucra) est fata de: un'ossu o cau (trútiri o tutuàciu), su granu (totu a fileras a inghíriu de s'ossu), sa terga; est su laore chi faent a pulenta, móliu, a farra, ma s'ispiga cun su granu ancora modhe si podet fàere a orrostu Sinonimi e contrari moriscu, tridicumoriscu, trigaíndiri, trigumoria Terminologia scientifica lrs, Zea mays.

trigullída taculída

trigumoría , nm: trigumoriu Sinonimi e contrari cicilianu, moriscu, tridicumoriscu, trigaíndiri.

trigumoríscu tridicumoríscu

trigumoríu trigumoría

trigumórtu , nm Definizione maladia de su trigu, népide, trigu fatu a fungu píssinu Sinonimi e contrari bruvurinu, fodhebíssina, fogubíssimu, fungubíssimu Etimo srd.

trigunarésu , agt Definizione chi est de Trennuraghes.

trigúsa tirgúsa

trigútzu trabútzu

tríja tríca

trijàrzu tricàrju

trijinàre , vrb: trisinai, trisinare 1, trixinare Definizione pigare o andhare a tragu, andhare a su friga friga; tratagasare casu; in cobertantza, cobèrrere / trísina trísina = a su friga friga, a trazu, trazendhe Sinonimi e contrari atrasinai, istrascinai, istrisignare, traginare, trazare, trogonai / codhai Frasi caminendhe àrtzia sos pes, no istes trisinendhe sas iscarpas! ◊ sunt che canes chi si cherent trisinare ◊ rispondheit annuzadu trisinendhe sas dentes ◊ su topi afracat su paperi e dhu trísinat a unu stampu ◊ sos boes in s'arzola passant subra de sas mannas trisinendhe una pedra ◊ essiat a denote trisinandho una pedhe in terra Etimo itl. tracinare Traduzioni Francese traîner, ramper, raser Inglese to shuffle Spagnolo arrastrar Italiano trascinare, strisciare Tedesco schleppen.

trílla , nf Definizione funighedha, corria po pigare animale a fune aifatu; in cobertantza, cropos, surra chi si giaet / leare a t. = leare a fune; t. de corpos = banzu, surra Sinonimi e contrari cordedha / banzu 1, cadha, surra, trillada Frasi si calicunu la tocat, si zirat e minetat surra de trilla! 2. faghe su fatu tuo e pensa a tie, ca si no, ti lu giuro, leas trilla! (A.Casula)◊ si curres, so cadhu curridore, o sa trilla mi das o ti la do! ◊ babbu e fígiu fiant a briga e una bella trilla fiat acanta de calare in pitzu de su piciocu ◊ mancari pràngiast, una trilla dha pigas etotu! Etimo itl. striglia Traduzioni Francese laisse Inglese leash Spagnolo correa Italiano guinzàglio Tedesco Leine.

trillàda , nf Definizione su trillai / t. de corpus = surra, banzu Sinonimi e contrari trilla Etimo srd.

trillài , vrb Definizione atripare a trilla, o fintzes cun fune, foete, zirónia o cosas deasi Sinonimi e contrari abbanzare, atripai, fertzire, irfoetare, isciúdere Etimo srd.

tríllia tríglia

trilliàre , vrb Definizione giare una briga, pigare a tzérrios Sinonimi e contrari briare, certai, stronciai Frasi prestu, recui a sa faina, imbainajola: già torrat mamma tua a ti trilliare bene! Etimo srd. Traduzioni Francese reprocher, réprimander sévèrement Inglese to scold Spagnolo reprochar, echar una bronca Italiano rimproverare, sgridare aspraménte Tedesco schelten.

trillítu , nm Definizione sonàgia pitichedhedhu chi si ponet a unos cantu animales apicada a su tzugu mescamente a trintzilleri, a collana, po is festas Sinonimi e contrari caciolu, dringhígliu, ischíglia, sonagiolu Terminologia scientifica snl Traduzioni Francese petit grelot Inglese little harness-bell Spagnolo cascabel, campanilla Italiano sonaglino Tedesco kleine Schelle.