Ditzionàriu in línia
de sa limba e de sa cultura sarda

bòta , nf Definizione cropu; cosa chi si narat po erríere, a befa / dare botas = nàrrere cosa faedhendhe a befe Sinonimi e contrari colpu / botada, mofa Cognomi e Proverbi smb: Botta Etimo itl. Traduzioni Francese coup, boutade, moquerie Inglese banter Spagnolo golpe, broma Italiano bòtta, mottéggio Tedesco Schlag, Spott.

bótu 1 , avb: buta Definizione de botu = de istrémpiu, a corpu Frasi candu dh'ant bistu si ndi funt pesaus de botu ◊ mi ant de botu giradu sas palas! ◊ m'ischidesi nervosu de unu botu ◊ su chelu si fit inchimeradu e caleit de botu sa irada de s'abba ◊ mancai surpréndiu de buta, candu su cuadhu si est postu a curri, no si fiat pérdiu de ànimu ◊ comente apo bidu deai, mi ndhe peso de botu, curro a sas bestes e mi pijo totu Cognomi e Proverbi smb: Butta Traduzioni Francese brusquement, tout à coup, soudainement Inglese suddenly Spagnolo de repente Italiano di scatto, all'improvviso Tedesco plötzlich.

cannonàda , nf Definizione cundhutu de cannones; isparu de cannone; cosa chi essit a fortza de tubbu o àteru deasi / c. de gisterra, de latrina Sinonimi e contrari cdh. cannunata Frasi cannonis si narant is tubbus de terra o de prumbu chi formant sa cannonada de sa gisterra 2. surdu che picu, no intendhes mancu sas cannonadas! 3. s'abba de s'urrubbineto essit a cannonada Etimo srd. Traduzioni Francese coup de canon Inglese cannon shot Spagnolo cañonazo Italiano cannonata Tedesco Kanonenschuss.

capedhàda , nf Definizione saludu fatu cun su capedhu; cropu giau a capedhu, briga Etimo srd. Traduzioni Francese grand coup de chapeau, chapeau plein Inglese clanger Spagnolo sombrerazo Italiano scappellata, cappellata Tedesco Hutabnehmen.

colàda , nf: colata Definizione su colare, su passare; su logu inue si passat o un'iscuta de tempus, un'intrada una essia lestra a unu logu; unu tanti; una manu (de trebballu), una lómpia lestra, faendho trebballu / èssere in c. = aundi si passat o si depit passai, candu si passat, passendi Sinonimi e contrari passera / atraessada, passada, trasida Frasi a domo sua bi so intradu una colada ◊ s'ortu est in colada, a oru a caminu!, e bi so intradu nessi a compidare 2. una colada de zente irbaia bi est in totue 3. in binza bi cheret dadu una colada de tzapu, nessi pro s'erba meda Etimo srd. Traduzioni Francese passage, donner un coup de… (chiffon, fer, ect.) Inglese rub, passage, soup Spagnolo pasaje, paso Italiano passata Tedesco Seihen.

cólpu , nm: corfu, corpu, crofu, cropu Definizione sa ferta e s'istóchidu o tzàchidu chi si faet iscudendho cun calecuna cosa, móvia de botu, totu a una borta; cosa chi arrennescet bene meda prus che àteru candho est difícile / min. colparedhu, corpighedhu, cropighedhu Sinonimi e contrari acirrada, acollada, addobbu, afracada, afurconada, assuprida, ibbatulada, irbirroncu, isdobbiada, lómpia, tzacada / isparu, tiru, tzocu / gofu Modi di dire csn: dare, iscarrigai, leare corpos, leare a corpos, intèndhere corpos; corpu dadu a manimbesse, a totu codhu, a rasigadura, firmu, in prenu; torrare su c. = corpare a unu chi ti at corpadu (prus che àteru, deretu, apenas retzidu deretu torradu); corpu de punnigosu, de pedra, de fuste, de farci, de ferrus = corpu dadu a punnigosu, a perda, e gai; corpu de telèfono = telefonada; corpu de balla = balla, isparu; corpu de língua = peràulas pesantes, chi ofendhent; corpu de àcua = próida, refrigada de àcua; corpu de aera = bentixedhu friscu chi cassat a unu candu est insorau; corpu de tússiu, de boxi = su tzocu o sonu chi si faghet tussindhe, faedhendhe; corpu de gagaju = zenia de brincu de sa boghe chi si faghet cun s'irguzu comente si pronúntziat sa /c/ oclusiva velare surda o fintzas sa /f/ in tzertas bidhas (es. su ’ane, sa ’astanza = su cane, sa castanza; sa ’émina, su ’ocu = sa fémina, su focu); fuedhai a cropus a cropus = brinchendhe su sonu de /c/ o de /f/ comente faghent a logos (su ’asu, sa ’émina = su casu, sa fémina); colpu de Vènere = zoghendhe a manzíngula, est candho essint paris totas bàtoro números diferentes: est sa cumbinada menzus; avb. (bènnere, fàghere, e gai) a corpu, totu a unu crofu = totu paris, a una borta, totinduna; fàghere a corpu e ista = puntu e mortu; fàghere corpu malu feri ’ene = fàghere carchi cosa de una manera irballada, pagu zusta, e andhare in bonu gai etotu; fàghere a corpu innanti = fàghere innantis, lòmpiri a ccn. logu prima de un'àteru; tratu su colpu = fatuvatu, dónnia tantis; piscare in cropu a ccn. = segudàrelu, tènnere o agatare faghindhe su dannu; in su corfu/corpu de sa messera, in corfu ’e note = in su grofu de sa messera, in su menzus messare, intremesu de noti, a note russa, a noti incrófia, a note manna Frasi portale mannu, s'úrtimu corfu ti lu dat sa ruspa pro sa piatza de sa libbertade ◊ aiat leadu calchi colpu de aera essendhe a fora dai su caldu a su fritu ◊ faiat andhae su fuste noischedhosu cun cropos furiosos a cantu essit ◊ a su corpu chi li at dadu lu at fatu rúere 2. pissighit su polcavru, partit su colpu e fadhidu si l'at! ◊ a custu corpu de boxi totus si funt unius 3. no mancat mai calchi colonellu chi est meledendhe calchi colpu de manu 4. tratu su colpu, pigaiat su frade a montes, o su babbu, a cumpidare o a che li pigare su recatu ◊ tratu su colpu, chenaiant umpare 5. bellu pisedhu…: a sa mama li torrat su corpu!◊ candho paret chi l'apant fata franca, lis faghet a corpu innanti e los buscat gai etotu, a sos furones ◊ sos barratzellos fachenne sa posta a sos bardaneris fint aconcatos a tratènnere fintzas a los piscare in cropu ◊ in làmpadas sa zente fit in su corpu de sa messera e no fit pessendhe a sas festas ◊ custu est su corfu de su molinzu e no fachet a pasare! 6. bosatrus fuedhais a cropus a cropus peus de is santuidesus! Cognomi e Proverbi prb: a unu corpu no si ndhe segat s'àrbure Traduzioni Francese coup Inglese strike Spagnolo golpe Italiano cólpo, bòtta, percòssa Tedesco Schlag.

corfichédhu , nm Definizione min. de corfu, cropighedhu Traduzioni Francese petit coup Inglese small blow Spagnolo golpecito Italiano pìccolo cólpo Tedesco kleiner Schlag.

corriàda , nf Definizione cropu, iscrabigada de corria, de aciotu Sinonimi e contrari aciotada, iscorriada, nerbiada, zironiada Etimo srd. Traduzioni Francese coup de fouet Inglese lash Spagnolo azotada, latigazo Italiano staffilata Tedesco Knutenhieb.

dobbàda , nf Definizione cropu prus che àteru giau de malesaura Sinonimi e contrari abbrúnciu, addóbbida, atumbada, atzapulada Etimo srd. Traduzioni Francese coup accidentel Inglese casual stroke Spagnolo golpe accidental Italiano cólpo accidentale Tedesco zufälliger Schlag.

farrancàda, farrancàra , nf: afrancada, farruncada, francada, franchiada Definizione cropu de farranca; tanti de cosa chi istat in d-una o fintzes duas manos unias; unu tanti pagu precisu / francada de agiudu = betada de manu azuendhe Sinonimi e contrari apuinada, brancada, frascada, manada / giunta / farranca 2. custa mi paret una francada de macos,sarvamentu! ◊ at ghiradu una bella francada de linna a su fogu ◊ pongat sa pingiada de s'àcua e ghetidinci una farrancada de sali! ◊ totu cudha cosa mi l'aggantzaia a franchiadas ◊ dèu a fusteti custa cosa si dha pagu cun su dinai totu a una farrancara 3. sunt andhados pro li dare una francada de agiudu Etimo srd. Traduzioni Francese coup de patte, poignée Inglese blow with a paw, handful Spagnolo patada, puñado Italiano zampata, manciata Tedesco Tatzenhieb, Handvoll.

frenàda , nf Definizione su frenare, sa firmada chi si faet frenandho, fintzes singiale in terra de comente si est frenau Frasi at fatu una frenada, cussa màchina, chi at lassadu fintzas sas sinzas de sas gommas in terra Etimo srd. Traduzioni Francese coup de frein Inglese braking Spagnolo frenazo Italiano frenata Tedesco Bremsen.

frusciàda , nf: (fru-sci-a-da) Definizione su fruschiare, surbiada Sinonimi e contrari frúschiu, frúschida Frasi su bentu est minetosu cun frusciadas e sonos de terrore Etimo srd. Traduzioni Francese coup de sifflet Inglese whistling Spagnolo silbido Italiano fischiata Tedesco Pfeifen.

fusilàda , nf: fusilata, fuxilada Definizione isparu fatu a fousile Sinonimi e contrari archibbusada, busilada, foconada, scupetada Frasi l'at iscutu una fusilada ◊ s'intendheit s'istràchidu forte de sa fusilada ◊ su ràndhine iscudiat a sos bidros e tzocaiat che fusiladas Etimo srd. Traduzioni Francese coup de fusil Inglese gunshot Spagnolo fusilazo Italiano fucilata Tedesco Gewehrschuß.

ifrundhàda , nf: irfrundhiada Definizione cropu de frundha, pedra iscuta a frundha Sinonimi e contrari frundhata Etimo srd. Traduzioni Francese coup de pierres Inglese sling stroke Spagnolo hondada, hondazo Italiano fiondata Tedesco Schleuderschlag.

illatigàda , nf Definizione cropu giau a làtigu Sinonimi e contrari aciotada, afuetada, fusticada, iscorriada Etimo srd. Traduzioni Francese coup de fouet Inglese lash Spagnolo latigazo, azote Italiano sferzata Tedesco Peitschenhieb.

illinnarjàda , nf Definizione cropu giau cun nae de linna Sinonimi e contrari colpu, ilbarriada, irbirroncu, irrugada, irruncada, irzarriada Frasi illinnarjada de fuste Etimo srd. Traduzioni Francese coup de bâton Inglese blow (with a cudgel) Spagnolo paliza, varapalo Italiano legnata Tedesco Stockschlag.

incorràda , nf Definizione bultzone de boe, cropu o iscaviada chi is boes giaent cun is corros, mescamente movendho sa conca a corpu Sinonimi e contrari incorradura, sigorrada / cdh. incurrata, ttrs. iscurrada Frasi candho muschinzas in su tirighinu timent totu s'incorrada frusca (G.A.Cossu)◊ a s'incorrada su boe ndhe at betadu s'antarile ◊ sos boes ant leadu su cane a incorradas ◊ baidindi candu passant is bois, no nd'ingollas calincuna incorrada! Etimo srd. Traduzioni Francese coup de cornes Inglese goring, header Spagnolo cornada Italiano cornata, cozzata Tedesco Hörnerstoß.

incricàda , nf Definizione su incricare 1 / dare, fàghere un'i. Sinonimi e contrari acadriada Frasi su carru armadu cun d-una incricadedha ebbia frazat unu bidone de binzina Etimo srd. Traduzioni Francese coup d'accélérateur Inglese acceleration Spagnolo aceleración Italiano accelerata Tedesco Gasgeben.

innàdu , nm Definizione cropu de ischina, móvia de sa carena coment'e nadandho / avb.: a innadu = cun unu corpu de ischina, móida a incannadas Sinonimi e contrari ischinada Traduzioni Francese coup de reins Inglese blow with one's back Spagnolo espaldazo Italiano schienata Tedesco Rückenstoß.

innerbiàda , nf: innerviada Definizione su innerbiare; cropu de nérbiu Sinonimi e contrari ischirriolada, iscorriada, nerbiada Traduzioni Francese coup de nerf de bœuf Inglese lash Spagnolo latigazo Italiano nerbata Tedesco Peitschenhieb.