Ditzionàriu in línia
de sa limba e de sa cultura sarda

porrogàre , vrb Definizione dimandhare po ischire, mescamente comente faent is giúdices, sa giustítzia, a is testimòngios o a un'acusau po che dhis tirare sa beridade de calecunu fatu o chistione; fintzes portare o nàrrere s'acusa Sinonimi e contrari precontare | ctr. arraspundi Frasi abbituatu comente fit a porrogare, li rispondhet chene si pistichinzare meta ◊ su marissallu e su brigadieri aiant porrogadu finas a cantu lis est istadu possíbbile ◊ muzere mia mi at porrogadu pariat carabbineri ◊ su coro meu si pòrrogat chin s'isetu de acatare rispostas 2. Pinóchiu aiat porrogatu a su zúdiche sa mala trassa chi l’aiant orditu sos bannitos Etimo ltn. perrogare Traduzioni Francese interroger Inglese to question Spagnolo interrogar Italiano interrogare Tedesco befragen, verhören.

pranciài , vrb: apranciare, pranciare, pranciari, prantzare, prenciai 1, prentzare 1 Definizione istirare bestimentu de orrobba cun sa prància budhia po che dhi bogare is pinnigas, is tzirbisas, e calare méngius bestia; nau in cobertantza, furare Frasi Chica, a dha biri, girat che unu fusu, cosit e isciàcuat e prènciat ◊ a Ninnitedha bella bi lu cherzo pranciare a intentu, su bestire! ◊ notesta dh'imbidonu e cras prànciu su telu ◊ bestimenta bene pranciada no giughet pijas ◊ cussa no cosit, no prànciat e no arrandat! 2. mi che ant prantzau sas forramentas chi aia in su cunzadu ◊ a primu de totu prànciat sa busciaca, màssimu si est in die de pensione! Etimo ctl., spn. planxar Traduzioni Francese repasser Inglese to iron Spagnolo planchar Italiano stirare Tedesco bügeln.

pràndhede, pràndhere , vrb: prandi, pràndiri, prànnere Definizione papare a mesadie / pps. pràndhiu, pràndiu, prasu / prandirisí de ccn. cosa = mascaresindhe Sinonimi e contrari bustare, merendhare Frasi li cherent dare a manicare, lu diant chèrrere a pràndhere ◊ macarrones de busa faet Mariorrosa po pràndhede e chenare…◊ prandeisí e bonu apititu! 2. si seus cravaus apari e incarrerau eus a si basai chi no si ndi podiaus prandi! ◊ dha càstiat e dha càstiat sen'e si ndi prandi mai! Etimo ltn. prandere Traduzioni Francese déjeuner Inglese to dinner Spagnolo comer, almorzar Italiano pranzare Tedesco zu Mittag essen.

preàre , vrb Definizione leare a unu su chi tenet po dhi fàere pagare is dépidos Sinonimi e contrari aprensionai, escecutare, imbargai, issucutare, istajire Etimo itl. predare Traduzioni Francese prendre en gage Inglese to distrain Spagnolo embargar, incautarse Italiano pignorare Tedesco pfänden.

precàre , vrb: prechiare, pregai, pregare Definizione foedhare cun Deus o cun Santos siat po làudes, arrengratziamentu, siat po dhis pedire e cumprèndhere calecuna cosa; istare a su pedi pedi a ccn. po chi fatzat o getzat cosa naendhosidhu de dónnia manera; disigiare cosas de bonu o fintzes de malu a ccn. Sinonimi e contrari arrasai / aurare Modi di dire csn: a pregare a crésia! = chi ndi bollis, piga, assinuncas lassadhu!; chèrreresi pregadu = ispetare chi lu preghent, fàghere sa cosa petzi si bi la pedint Frasi apu a pregai po issus puru ◊ su sant'ómine pregat su Chi totu podet ◊ "Firmadhu, su registradori" - pregu dèu a boxi chesciosa -◊ no li apo dau sa vinta de lu prechiare 2. ti cheres pregadu pro fàghere sa cosa ◊ no at mancu ispetadu a lu pregare meda pro cantare ◊ candho devio pagare no mi soe chertu pregadu ◊ l'ant pregadu che unu santu, ma isse no ndhe at chérfidu mancu s'intesa ◊ cussu si no est pregadu no faghet nudha 3. sa morte no si pregat a neune ◊ ti prego bona fortuna! ◊ deo sa moda mia apo finidu preghendhe a totugantos benes mannos (Sozu)◊ bona fortuna apedas comente bos pregades! ◊ ti deves pregare dies de vida! Cognomi e Proverbi prb: su de pregare est su saludu Terminologia scientifica prdc Etimo ltn. precare Traduzioni Francese prier Inglese to pray Spagnolo rezar, orar, rogar Italiano pregare, esortare Tedesco beten.

precontàre , vrb: precuntare, pregontai, preguntai, preguntare, priguntare, progontai Definizione fàere pregontas, dimandhas, foedhare po bòllere ischire de is àteros ccn. cosa, o fintzes po pigare o tènnere cosa Sinonimi e contrari chilcare, dimandhare, imbistigare, ispreculare, istigare, isuzigare, speculai / pedie | ctr. arraspundi, dare Frasi precuntat chercos, élighes, ozastros comente sunt naschidos ◊ bos cherzo preguntare: De chie est su pitzinnu chi ninnades? ◊ comare mia, odheu, de ite cosa mi azis preguntadu! ◊ unu carabbineri mi at progontau innoi bivias ◊ su pitzinnu si ch'est drommidu in coa in su menzus preguntare ◊ si est presentau pregontendi si fiant cussas is chi fiat circhendi 2. at pregontau un'ou a sa gomai Etimo ltn. percontare Traduzioni Francese interroger, demander Inglese to ask Spagnolo preguntar Italiano interrogare, domandare Tedesco befragen, fragen.

pregantàe, pregantài , vrb Definizione fàere pregantos Traduzioni Francese conjurer le mauvais sort Inglese to touch wood Spagnolo hacer conjuros Italiano fare scongiuri, scongiurare Tedesco beschwören, bannen.

pregonài, pregonàre , vrb: apregonai Definizione betare su bandhu, declarare, fàere ischire; nau de sa giustítzia, cracare a unu, fàere essire, bogare a fora, cundennare Frasi sa língua nosta dha boleus biri usada e arrispetada comenti pregonat sa carta europea ◊ prima d'èssere bandhidu pregonadu depo nàrrere ch'istesi traighidu 2. a unu l'aiant pregonadu a s'impicu ◊ sa zustíssia lu pregonet! ◊ sa giustíscia lu potat pregonare! ◊ mi ant a pregonai coment'e pecadori Etimo spn. Traduzioni Francese bannir Inglese to banish, to publish Spagnolo pregonar, anunciar, desterrar, proscribir Italiano bandire Tedesco bekanntgeben, verbannen.

prejàre , vrb: aprentziare*, presiare, pressiare, pretziai, pretziare Definizione apostivigare, istabbilire cantu si balet una cosa, pònnere unu valore o prétziu a calecuna cosa, dimandhare su prétziu de cosas a bèndhere; pònnere in càrculu e dimandhare po àere calecuna cosa, unu praxere, un'agiudu, brindhare a ccn. po calecuna cosa / pretziare una fémina, un'ómine = bíere o cricare de cumprèndhere ite si balent una fémina, un'ómine Sinonimi e contrari dimandhare, percontare / combidare Frasi no si podet cumprèndhere nen pretziare cultura, limba, arte si no ponimus mente a sas régulas e modos de produtzione de unu pópulu ◊ fit pressiada e calculada che bona massaja ◊ est una poesia chi prétziat su tribàgliu de sos artesanos 2. de piagheres mi ndhe ant fatu àteros e ndhe apo duritu a los torrare a presiare 3. a su betzu chi l'at sanada l'at pretziadu a s'afidu ◊ mi ant presiadu a distimonzu pro un'isposu ◊ no aiat cuizadu una bajana chentza pretziada, ma neune lu cheriat ◊ l'apo pretziadu a bènnere a domo ◊ at presiadu totu sas amigas a manigare ◊ is amigus m'ant pretziau a sa festa, ma no potzu andari Traduzioni Francese estimer, solliciter un service, inviter Inglese to esteem, to ask a favour, to invite Spagnolo apreciar, rogar, convidar Italiano apprezzare, chièdere un favóre, invitare Tedesco schätzen, um einen Gefallen bitten, einladen.

prelliài, prelliàre , vrb Definizione lúghere che pèrela, giare o mandhare coment'e lughe Sinonimi e contrari brigliai, grigliare Frasi sa follixedha nascendi candu essit a sa luxi prélliat e parit chi preghit! ◊ de cantu fit curiosu li prelliaiant sos ogros Traduzioni Francese briller Inglese to shine Spagnolo brillar Italiano brillare Tedesco glänzen, strahlen.

prellúgiri, prellúxi , vrb Definizione lúghere Sinonimi e contrari brigliai, grigliare, prelliai Frasi po ti abbandonai, mancu a pensamentu: po mei prelluxis che oro e argentu! ◊ immàgini in pintura formada po mei, po mei prelluxis coment'e istella! (E.Mameli) Traduzioni Francese resplendir Inglese to shine Spagnolo resplandecer Italiano risplèndere Tedesco glänzen, strahlen.

prèmere, prèmi , vrb: prèmmere, prèmmiri Definizione fàere fortza (de pesu o de àteru) apitzu, coment'e incracandho, fintzes coment'e istringhendho Sinonimi e contrari afíere, incalcare, isprèmere, istrígnere, tilpiare Etimo ltn. premere Traduzioni Francese appuyer, presser Inglese to press, to squeeze Spagnolo apretar Italiano prèmere, sprèmere Tedesco drücken, ausdrücken.

premiài, premiàre , vrb Definizione giare su prémiu Frasi custu fit unu pastu de premiare pro su cundhimentu Traduzioni Francese accorder un prix Inglese to give a prize Spagnolo premiar Italiano premiare Tedesco prämiieren.

prenciài , vrb: prensai, prensare, prentzai, prentzare Definizione incracare a prentza Sinonimi e contrari imprentzai, supressare Frasi sa benàcia depit èssi prenciara po ndi bogai totu su binu ◊ teniat sa prensa e binzateris meda che leaiant sa binata pro la prensare Etimo spn. prensar Traduzioni Francese presser, pressurer, comprimer Inglese to squeeze, to crush Spagnolo prensar Italiano torchiare, comprìmere, pressare, pigiare Tedesco pressen.

prèndhere , vrb: prènnere Definizione pònnere o poderare a istrintu cun calecuna cosa – acàpiu – a inghíriu (faendho coment'e a fasche), agguantare apostadamente arréschiu a calecunu logu o cosa cun fune o css. àteru acapióngiu a bisura de fune, codriola, filuverru o àteru deasi; in cobertantza, agguantare a ccn. impreau, obbrigau de no pòdere fàere prus totu su chi bolet o chi iat a pòdere / pps. presu Sinonimi e contrari acapiae, alliongiae, apresorzare, liai, muciullai | ctr. iscapiae, isòlbere, isprèndhere Modi di dire csn: no b'àere filu ’e prèndhere = (fuedhendi) nàrriri cosas sentza de fundóriu, chi no tenint sétiu, chi no bi at ne cabu e ne coa; prèndhere a nodu mortu, o a nodu biu = fàghere unu nodu malu a isòrbere, chi no b'isorbet, o unu nodu fàtzile de isòrbere; prèndhere a peràulas fortes = fai mazinas, afaturai; prèndhere s'imbíligu a unu = furcare, ingannai a unu Frasi sa buca de su sacu si prendhet pro no che essire sa cosa ◊ prendhiat sa craba a fune longa a pàschere ◊ sa lóriga in su muru bi est a prèndhere animale ◊ sa linna si prendhet a fasche ◊ impàrali a prènnere sas corrias de sas iscarpas! ◊ prendhindhe dàeli duas incropadas pro agguantare de prus! 2. cun totu custos impitzos de binzas, de ortos e bestiàmine so presu chentza fune 3. fit giradu de carvedhu e candho faedhaiat no bi aiat filu de prèndhere ◊ in su chi naras no bi at filu de prèndhere ◊ no ti fides, mighi cussu prendhet s'imbíligu fintzas a su dimóniu! ◊ sos canes lapaos nanchi no si lassant prèndhere chin sos berbos… Cognomi e Proverbi prb: chie bene prendhet mezus isolvet Etimo ltn. prehendere Traduzioni Francese lier, ficeler, lacer Inglese to tie Spagnolo atar Italiano legare, allacciare Tedesco binden, zusammenbinden, festbinden, zubinden.

presentàe, presentài, presentàre , vrb: apresentare Definizione essire, bènnere, cumpàrrere ananti, batire, portare a denanti de unu, de gente, a manera de si pòdere bíere, connòschere, ischire, intèndhere o àteru (nau fintzes de dimandhas, paperis chi si portant o mandhant a un'ufíciu po calecunu dovere); foedhare de ccn. o de calecuna cosa a manera de dha fàere a connòschere Frasi ti mi ses in su sonnu presentadu ◊ iscadint sas domandhas de presentae Traduzioni Francese présenter, apparaître Inglese to present, to introduce Spagnolo presentar Italiano presentare Tedesco vorstellen, darstellen, einreichen.

pressàre , vrb Definizione fàere a pinnigas o gajas totu paríviles de largària e longària, foedhandho de gunnedhas, camisas, devantales; incracare, fortzare Sinonimi e contrari aggajai, apeciare, apinnigonai, illetimare, infrinzire 2. pressàdelos vene, acobore chi che lis istratzedas carchi francu pro sa festa! Traduzioni Francese plisser Inglese to pleat Spagnolo plisar, tablear Italiano plissettare Tedesco plissieren.

presumíre , vrb Definizione pònnere, pentzare, crèdere chi…, mescamente chentza fundhamentu, chentza bòllere bíere chi sa farta est segura Sinonimi e contrari presúmere Frasi no si devet mai presumire che àbbile chi bolat in alturas chie alas at postu de pisinatu ca faghet una mala resessida Etimo spn. presumir Traduzioni Francese présumer Inglese to presume Spagnolo suponer Italiano presùmere Tedesco vermuten.

presupòniri, presupònnere , vrb Definizione èssere, giare o pònnere coment'e necessària calecuna cosa o fata o cunditzione po chi ndhe potzat acontèssere un'àtera Traduzioni Francese imaginer Inglese to suggest Spagnolo presuponer Italiano presuppórre Tedesco annehmen, vermuten.

preubbíre, preubbíri , vrb: proibbie, proibbire, proibbiri, pruibbire Definizione cumandhare de no fàere calecuna cosa Sinonimi e contrari brevare, chitai 1, controire Frasi píscamos e preíderos unu tempus aiant preubbidu sas garas de sos poetes in piata ◊ a la bíere e a la pompiare, a Mallena, chie mi lu preubbit?!◊ proibbidos los ant de trabagliare ca no podiant boes comporare Etimo itl. Traduzioni Francese interdire, défendre Inglese to forbid Spagnolo prohibir Italiano proibire Tedesco verbieten.