Ditzionàriu in línia
de sa limba e de sa cultura sarda

preulíre, preulíri , vrb: priuliri Definizione buscare, arregòllere cosa a pagu a pagu, cun dificurtade, in tempos longos; a logos dhu narant in su sensu de ndhe bogare s'agriore a s'ogiuermanu faendhodhoe fríere unu bículu de pane; fintzes cumprèndhere su chi s'ischit de s'àteru in manera ibballiada, in su sensu de ndhe pentzare male Sinonimi e contrari acabidae, acabigiulare, acabulare, arreguai, coberai, pelcutzare, regutzulare, sciscillonae Frasi semus triballendhe che àinos ma no resessimus a preulire unu sodhu ◊ de un'arzoledha de prantaza de càule petzi bi ndh'apo preulidu pagos puntos ca mi che l'at manigada sa ruga ◊ si podint priuliri cuatru litrus de ollu dónnia coranta chilus de ollestincu Traduzioni Francese ramasser, écornifler Inglese to scrape up Spagnolo juntar, reunir Italiano racimolare, raggranellare, procacciare Tedesco zusammenbringen, zusammensparen, ansammeln.

preutíre , vrb Definizione istidhigare su lardu allutu a sa petza orrostindho po dha fàere prus saboria Sinonimi e contrari allardare, ispinghinare, istedhiare, untinare Frasi iferchit s'anzone, comintzat a l'arrustire e a lu preutire chin lardu Traduzioni Francese arroser un rôti Inglese to baste Spagnolo enlardar Italiano pillottare Tedesco spicken.

prevalèssiri , vrb Definizione èssere de prus, prus forte a paragone de un'àtera cosa Sinonimi e contrari bíncere, prevàlere, superai Etimo spn. Traduzioni Francese l'emporter Inglese to prevail Spagnolo prevalecer Italiano prevalére Tedesco überwiegen.

prexài , vrb, rfl: bresare Definizione provare cuntentesa Sinonimi e contrari aggajare 1, allegrare, frogare, gavisare | ctr. dispiàchere Frasi mi ndi prexu meda de su chi as fatu tui ◊ gei si ndi prexat, filla tua, chi dhi arrogas cussu fólliu!…◊ gei si ndi prexat, sa pobidha, si dh'agatat imbriagu, candu torrat!… 2. cuntentu issu, prexaus totus! Traduzioni Francese être ravi Inglese to rejoice Spagnolo alegrarse, regocijarse Italiano rallegrarsi Tedesco sich freuen.

privàre 1 , vrb Definizione su si pigare cunfidàntzia cun is mannos, pigare is angenos coment'e gente de domo Etimo spn. privar Traduzioni Francese traiter familièrement Inglese to treat informally Spagnolo tratar con familiaridad Italiano trattare familiarménte Tedesco jdn. mit Vertrautheit behandeln.

proài , vrb: proare, probare, progare, provai, provare Definizione fàere calecuna cosa po bíere comente essit, si andhat bene o àteru, po iscumbatare e averguare calecuna cosa, po àere sa cunfirma de una duda; sentire calecuna cosa in sa carena o in s'ànimu; fortzare, pònnere cosa a isfortzu Modi di dire csn: provai a + vrb. = fàghere una cosa a meda, a mal'istropiadura, a tropu; proare sas fortzas = fàghere irfortzu mannu a cantu si podet, fagher fàghere irfortzu Frasi aite no ti proas a fàghere cussu, ca bides sa música?!…◊ totu sa genti provàt a bocí su mostru ma nudha! ◊ ajó, prova tui, immui, a fai sa firma bèni! ◊ ant fintzas provau a tocai is bòis de istrumbu, ma no boliant prus andai ◊ a su proa proa, amus fatu, fatu, fintzas a candho bi semus revéntidos ◊ bonu za paret: proadu ebbia cheret! ◊ chie no lu progat no bi credet 2. bos ant proadu s'imbrollu: ite bregunza in cudhos logos chi l'ant a ischire! ◊ sa die chi mi provas un'ingannu tènemi pro malignu e traitore ◊ pro isperiéntzia tenimus proadu chi si morit de dogni atzidente ◊ chie creet - at nadu Cristos - mi lu proat faghindhe su chi deo li apo nadu ◊ nara si unu símile difetu in custu modu proadu mi as mai! 4. no ti dha provis meda, sa conca, no ti noxat!… 5. ant provau a ndi ghetai, de sali!…◊ ant provau a ndi papai: agiummai no ndi lassant! Etimo ltn. probare Traduzioni Francese prouver, démontrer Inglese to prove Spagnolo probar, comprobar Italiano provare, testare, comprovare Tedesco probieren, ausprobieren, prüfen, fühlen, empfinden, beweisen.

probassài, probassàre , vrb: propassai, propassare Definizione andhare prus ainnanti de un'àteru (gente, logu, cosa, tempus o àteru) Sinonimi e contrari acabulare, cobai, isazerare, isigolare | ctr. ammoderai Frasi su tallu passat in bidha, propassat su ponti e sighit andai a innantis Etimo ctl., spn. propasar Traduzioni Francese dépasser Inglese to go beyond Spagnolo superar, pasar Italiano oltrepassare, sorpassare, superare Tedesco übersteigen, überschreiten, überholen.

produíre , vrb Definizione fàere o bogare ccn. cosa coment'e arresurtau de unu trebballu, o fintzes coment'e arresurtau de sa vida naturale de matas, erbas e animales Sinonimi e contrari fàchere, frutai, prodúsiri Frasi non fit su sèmene in bundhàntzia de pòdere produire s'unu deghe! ◊ a logus si produit in s'indústria de is mineralis chi si agatant in cantidadi ◊ una terra ifusta dae sa próghida chi a s’ispissu rughet produit erba ◊ trebballa e non murrunges, produi trigu, late, petza e binu! Etimo ctl. produ(h)ir Traduzioni Francese produire Inglese to produce Spagnolo producir Italiano produrre Tedesco produzieren, herstellen, erzeugen.

profizàre , vrb Definizione atrotigare, girare de longu una cosa, pruschetotu orrobba, fune o cosas deasi, de no èssere prus a línias deretas, deasi comente si faet filandho lana o àteru Sinonimi e contrari acordiolai, arretroci, atrotixai, folfigiare, forrighitare, furrighedhare, fortzicare, tontirgiai, trofigare, trochigiare, trofizare | ctr. isprofizare Frasi duos cabos de filu si los profizant a diferente betu s'imbóligant apare ◊ li at profizadu su bratzu chi azummai si ndhe píssiat de su dolore ◊ segundhu sa linna chi est si profizat, totu, fintzas si est tènnera 2. su professore si frimmaiat in donzi bancu e abbaidaiat su cómpitu: daghi bi aiat carchi isbàgliu de pagu contu profizaiat su murru Traduzioni Francese tortiller, tordre Inglese to twist Spagnolo retorcer Italiano ritòrcere, contòrcere Tedesco drehen, verdrehen, auswringen, zusammendrehen.

progetài , vrb: prozetare Definizione istudiare, cuncordare e fàere progetos Sinonimi e contrari sestare Traduzioni Francese projeter Inglese to plan Spagnolo proyectar, planear Italiano progettare Tedesco planen.

proighinài , vrb: proiginai, proiginare, proischinare, proixinai, proxinai Definizione pròere pagu, abbighedha lena Sinonimi e contrari aciaviai, arrosinai, cibinare, istedhiare, lentinare, modhinare, pioinare, plopighinare, proiginedhare Frasi a marrai trigu andastus mancai proxinendi ◊ totu su mesi est abarrau próxina próxina Terminologia scientifica tpm Etimo srd. Traduzioni Francese pleuviner Inglese to drizzle Spagnolo lloviznar Italiano piovigginare Tedesco nieseln.

promíntere , vrb: promítere, promítiri, prommíntere, prommítere, prummíntere Definizione giare su foedhu, assegurare cun antibitzu de fàere o de giare ccn. cosa / pps.: prointu, promintu, promissu, promítidu, promítiu, promitu Sinonimi e contrari aparagulare, impromíntere, promitire Frasi iat promítiu a sa picioca sua su pannu de brocau po su costúmene de sa cójua ◊ ti apo basadu e promintu caros donos ◊ issu dhus at imprenus promitendidhis maris e montis! ◊ sos tres ómines andhant dae un'amigu a s’àteru pedindhe un'inditu e promitindhe a càmbiu dinari e pegos ◊ iant imprommintu a isposa sa primu fígia insoro a don Antioglu Cognomi e Proverbi prb: a ricu no depas, a pòberu no promitas! Etimo ltn. promittere Traduzioni Francese promettre Inglese to promise Spagnolo prometer Italiano prométtere Tedesco versprechen.

propòniri, propònnere , vrb Definizione nàrrere calecuna cosa cun s'idea de dha bòllere fàere, po dha fàere, mescamente candho dipendhet in parte o deunudotu de àtere chi depet èssere cuncordu Traduzioni Francese proposer Inglese to propose Spagnolo proponer Italiano propórre Tedesco vorschlagen.

prubbicàre , vrb: pubblicai, pubbricare Definizione pònnere in púbblicu, giare a ischire o pònnere a su púbblicu, a chie totu ndhe bolet bíere, ischire, comporare o àteru: si narat prus che àteru de iscrituras chi s'imprentant po dhas giare a connòschere Sinonimi e contrari isprubbicare Traduzioni Francese publier Inglese to publish Spagnolo publicar Italiano pubblicare Tedesco veröffentlichen, publizieren.

prugàe, prugài, prugàre , vrb: pulgare, purgai, purgare Definizione illimpiare, isceberare e bogare a manu s'àliga, sa malesa de mesu de su laore o de css. àtera incúngia (es. s’olia) o cosa; pigare o giare sa purga; illimpiare de is pecaos; foedhandho de is matas de frutu, lassare orrúere su frutu guastu, difetosu / prugae a pilu piticu = bene meda, a fine a fine, a puntinu Sinonimi e contrari musinare 1 Frasi prugai a manu, in mesa, in su ciriu ◊ dae s'Onnipoténtzia divina no si fuit, donzunu est chiliradu: a un'ala su lozu, sa genina, a s'àter'ala su trigu purgadu (Monzitta)◊ si purgat su trigu, s'orzu, sa fae, s'olia ◊ is féminas, piciochedhas e piciochedhus puru,trabballànt a prugai su minerali 2. po ti prugai comporadí s'olleurrícinu 3. ti dao su cunfortu de sa cunfescione a manera chi, purgadu dae sos pecados, potas intrare in sos chelos 4. sa nughe est prugandho: abbàida canta che ndh'at in terra! Etimo ltn. purgare Traduzioni Francese émonder, purger Inglese to clean, to weed, tu to give a laxative Spagnolo mondar, purgar Italiano mondare, purgare Tedesco reinigen, säubern, läutern.

pubujonàre , vrb: apupughinare, pupughinare, pupujonare Definizione papare e fàere a farra o pruine sa linna comente dha faet su greme Sinonimi e contrari abbrumai, afarrixedhai, arnai, impupughinare, papuinare, pipionire 2. in sa pupujonada càscia manna iscurcuzono che in cosa istranza… toh, sa murroculedha de castanza chi che aia furadu a Pepe Sanna! ◊ su portale che fit rughendhe pupughinau ◊ fit unu portale azannarau e pupughinau Etimo srd. Traduzioni Francese se vermouler Inglese to get wormeaten Spagnolo carcomer Italiano tarlare Tedesco wurmstichig machen.

pudài , vrb: pudare, putare Definizione segare is cambos de su matedu a manera de dhu fàere crèschere comente si bolet, e mescamente a manera de dhi fàere bogare prus frutu, de dhi fàere bogare linna noa; nau in cobertantza, segare / a./c. Su ger. pudendhe est oguale a su ger. de pudire (in cantu custu, a prus de pudindhe, tenet pudendhe comente benit de ltn. putere) Sinonimi e contrari pullai Modi di dire csn: pudai in béciu = in sa linna russa, in sas cambas begras; pudai a longu su sermentu = lassare puda longa, a frutu Frasi puda a fitzionu, chi sas piantas produant unu frutu saboridu ◊ custa mata bollit pudada in béciu ◊ si putates vene vinnennates! Etimo ltn. putare Traduzioni Francese émonder Inglese to prune Spagnolo podar Italiano potare Tedesco beschneiden, stutzen.

pudèscere, pudèschere , vrb: pudesci, pudèsciri, pudèssere pudrèschere, puresci, putèschere Definizione nau de petza, pische, de erbas, guastare e pigare o bogare sabore o fragu malu, púdidu Sinonimi e contrari impudèssere, impudire, insuriri, pudinare, pudire Frasi su pisci candu est purescendi si bit de sa ganga ◊ su piriciolu si pudescit ca portat pagus gradus e àcua meda ◊ cust'abba est pudeschennosi! Cognomi e Proverbi prb: abba ci curret no pudescet Etimo ltn. putescere Traduzioni Francese pourrir, puer Inglese to stink, to putrefy Spagnolo pudrir, heder, apestar Italiano imputridire, puzzare Tedesco verwesen, verfaulen, stinken.

pudíre , vrb: putire Definizione essire púdidu o fàere fragu malu, de cosa guasta; pònnere fragu malu, pudidore a sa cosa, a su logu / ger. pudendhe (bíere s'etm.) Sinonimi e contrari impudire, pudèschere, putzinai Frasi pudit che contza ◊ su fiadu chi ant mortu l'ant lassadu cun sa mata intro e a candho sunt torrados l'ant àpidu pudendhe ◊ cussos tzigarros putinne ti sont toscanne 2. est abba mala chi fràzigat e pudit s'istentina ◊ cussu fiadu mortu est pudendhe sete terras! Etimo ltn. putere Traduzioni Francese puer Inglese to reek Spagnolo heder, apestar Italiano puzzare, impuzzolentire Tedesco stinken.

púgnere , vrb: púngere, púnghede, púnghere, punghi, púngiri Definizione intrare o fàere intrare cosa punciuda (e in custu sensu si narat po iscannare puru); fintzes fàere a iscrafíngiu, coment'e de cosa arrasposa chi tocat sa carre in tretu prus delicau; prnl. nau de linna, de orrobba, su si fàere totu istampos coment'e papau de su greme Sinonimi e contrari ifertzire, infrissai, istocazare, punciai / istocagiare / spurtiri / arnai, pipionire Modi di dire csn: púnghere su porcu (o àteru fiadu de bochire) = irgannare su porcu; púnghere una cosa a unu = arregordaisidha po chi dha fatzat; Maria Pungibungi = zenia de fémina mala, fata a pessamentu, chi tiat púnghere a bentre sos pisedhos chi ant manigadu tropu… Frasi comente l'ant puntu s'acu, sa crapa si est pesada a bebbéchinos ◊ pungit is bòis cun s'istrúmbulu ◊ si no mi lassas in pasu ti pungo s'agu! ◊ compà, colade bois a púnghere custas berbeghes ca sezis pràtigu! 2. segadiche s'arba ca mi punghes! ◊ sa lana grussa pungit, posta sentza de nudha asuta 3. si no est segada in sa muta zusta, sa linna si punghet ◊ su tzinníbiri durat séculus e mai si pungit 4. comente at intesu s'allega est abbarradu sicu: si lu aiant puntu no li aiant àpidu butiu de sàmbene! 5. sos àinos, si no bos lu punghet s'àteru, de cosa no ndhe faghides!… Etimo ltn. pungere Traduzioni Francese piquer Inglese to sting Spagnolo pinchar, punzar Italiano pùngere, punzecchiare Tedesco stechen, reizen, sticheln.