Ditzionàriu in línia
de sa limba e de sa cultura sarda

carasiài , vrb: caraxai, crasiai Definizione frigare, suíghere un'arremu de sa carena e fintzes sa pasta; a logos, carinnare Sinonimi e contrari afrigongiai, friai, ifricatzare, scrovinai, sfrigongiai / ciuexi, soíghere / carignai Frasi si ti benit càncuru a su piscioni, carasiadhu! ◊ cun sa manu at sodigau a carasiai su fillu nendu is brebus po su dolori de brenti ◊ serbit s'ollu po mi carasiai Etimo ltn. charaxare Traduzioni Francese frotter, masser Inglese to rub Spagnolo frotar, amasar Italiano strofinare, massaggiare Tedesco reiben, massieren.

caraterizài, caraterizàre , vrb Definizione distínghere cun o po calecuna cosa Traduzioni Francese caractériser Inglese to mark (out) Spagnolo caracterizar, distinguir Italiano caraterizzare Tedesco kennzeichnen.

caratzàre , vrb: coratzare Definizione pònnere sa caratza o faciola in cara, po no si lassare connòschere (po su malu o fintzes po divertimentu a carrasegare) Sinonimi e contrari afaciolai, ammascherai, carotare, incaratzare | ctr. iscaratzare Etimo srd. Traduzioni Francese masquer, déguiser Inglese to mask Spagnolo disfrazar, enmascarar Italiano mascherare Tedesco maskieren.

carcagliàre , vrb: cracagliare Definizione su cantare o fàere sa boghe de is crobos, de is arranas Sinonimi e contrari agrogostiare, cacariare, croidare Frasi ube sos rios e benos abbas currentes no ana cracagliendhe istat sa rana intro de sos pojos pienos (P.Serra)◊ sas contularzas las intenno colenne in sa carrela, carcaglienne parent pudhas (G.Tilocca) Terminologia scientifica bga Etimo srd. Traduzioni Francese croasser Inglese to crake Spagnolo garznar Italiano gracchiare Tedesco krächzen.

carcaxài , vrb: cracaxai Definizione cúrrere, lòmpere a unu po dhi fàere male, brigare, giagarare; fàere cracamúngia, gherrare a unu a brulla, betandhodhu a terra e faendhodhi catigati / cracaxai su procu = istrumpare e trobeire Sinonimi e contrari calcai, perseghire Frasi funt gruis veras carcaxadas de su stori ◊ cracaxadhu, cussu piciochedhu, ca mi est donendi istrobbu! ◊ comunu e istadu ti cracaxant de impostas ◊ dh'at cracaxau sa malària ◊ margiani at cracaxau un'àtera angionedha! Traduzioni Francese persécuter Inglese to persecute Spagnolo perseguir Italiano perseguitare Tedesco verfolgen.

carcinài , vrb: acarcinai, carcinari, cracinai, cranciai, crancinai Definizione giare craches, pigare a craches; fàere cun tzacu, a dispetu, sa cosa chi unu no bolet Sinonimi e contrari acromai, acumbuai, arrampedhai, arrebbellai, calchedhare, calchidare, incumerare, screnciai / cadredhai Frasi su molenti at apuntau is peis e at carcinau ◊ bandant a sartai e a cranciai, ca funt cumenti a mobentis in s'arxoba! ◊ ti arregordas candu dh'iat cranciau su cuadhu? ◊ su muenti cràcinat a peis paris 2. a mamma dha fatzu carcinai ma no mi coju cun d-unu béciu! Etimo srd. Traduzioni Francese donner des coups de pied Inglese to kick (out) Spagnolo cocear Italiano scalciare Tedesco ausschlagen.

cardampulài , vrb Definizione rfl., ispassiare, pigare passatempos, istare in giru Frasi sa scialema de is annus chi floressint si at a fai istrumbu de is dis brebèscias chi no as a podi cardampulai ◊ tui cardàmpulas e giogas: ses bona feti po cardampulai? Etimo srd. Traduzioni Francese s'amuser, intriguer Inglese to amuse oneself Spagnolo divertirse Italiano trastullarsi, trescare Tedesco trödeln.

cardiàre , vrb Definizione giare sa càrdia, callentare (ferru o àteru metallu) fintzes chi essit abbrigau agiummai de s'iscagiare Sinonimi e contrari abbrigai, arrubiai, arrujire, cardigiai, ingrujare, orruviare 2. ti at a inchèndhere semper de piús a fundhu finas a ti cardiare sa cusciénscia (N.Puggioni) Etimo spn. caldear Traduzioni Francese chauffer au rouge Inglese to make red-hot Spagnolo caldear, calentar al rojo Italiano arroventare Tedesco zum Glühen bringen.

carelàre , vrb: carellai, carellare, cuerelai, cuerelare Definizione intrare o pònnere in giustítzia a unu po calecuna cosa Sinonimi e contrari cramari, dannuntziai, incherellare, tzitare Frasi m'abbàida a mi carellare de fura!…◊ issu si fiat carellau cun d-unu chi dh'iat fuedhau mali ◊ bandu a ti carellai a su pretori ca mi as iscutu! Etimo itl. quarellare Traduzioni Francese porter plainte Inglese to bring an action against s.o Spagnolo querellar Italiano querelare Tedesco verklagen.

cariàre , vrb Definizione suíghere, trebballare a istrecadura sa farra impastada, sighendho cun fortza fintzes a candho sa pasta essit bella lisa e de totunu andhare; frigare, faendho pagu o meda fortza, cun sa pranta de is manos o cun sa matza de su pódhighe un'arremu o unu tretu de carena addoloriu, bogau, atrotigau o àteru (ma fintzes po gustu, a allisadura, a istringidura); foedhandho de cosas díligas, tocare a tropu, pistare (ma si narat fintzes cariare sa pedhe conciada) Sinonimi e contrari ciuexi, iscarasciare 1, soíghere / apalpedhare, aplopodhare, cariedhare, pistae, surrai Frasi passabat notes intregas inturtandhe, cariandhe e tendhendhe 2. penso no as a chèrrere cariadu pro sos isfortzos tuos! ◊ ndh'est rutu dae su carru e como lu sunt cariendhe pro che li torrare unu pè bogadu 3. càriat subra de palas su bàrriu pesosu…◊ sa zente fit totu cariendhe miséria, cussos annos de annada mala ◊ e s'iscoberint mudandha e camija, cària cària e tòcami toca! ◊ si ti cheres cariadu beni, za che tenzo unu bellu fuste!…◊ no ti càries sos ogros ca ti faghet peus a ratinzu: pònedi collíriu! Etimo srd. Traduzioni Francese pétrir Inglese to knead, to massage Spagnolo amasar, masajear Italiano gramolare la pasta, massaggiare Tedesco kneten.

carigài , vrb: carigare Definizione fàere a càriga, nau mescamente de sa figu ma fintzes de àteros frutos / carigàresi de unu = pagaresindhe, vengaisí Sinonimi e contrari acalabiare, acalamai, addormicare, allacanae, allartzanai, allizare, ammustiai, apabassai Frasi sa figu cota, si no ndh'est bodhida, si che càrigat dereta ◊ sa figu si ponit in su soli a carigai ◊ sa figu est carighendi 2. za mi ndhe at fatu, ma mi ndhe so carigadu! Etimo srd. Traduzioni Francese sécher des figues Inglese to desiccate Spagnolo secarse (de la fruta) Italiano assecchire (détto di frutta) Tedesco trocken werden.

carignài , vrb: acarignai, carignare, carinnare, carinniai Definizione pigare a carignos, istare castiandho cun atentzione e praxere sa persona istimada Sinonimi e contrari acarissiai, ammorare, frandhigare, imbimbinare Frasi si setzit, mi carignat, si riparat in bratzos mios ◊ unu bentu lébiu lébiu ti fait intendi cument'e unu fruscinamentu chi cument'e un'anninnia ti carignat ◊ ti mi astringhes a sinu e mi carignas, mi nínnigas, mi cantas e mi apentas (G.Sini)◊ su beranu paret carignadu de sole e chelos giaros ◊ sa mama carignàt su pipiu passendidhi lébia sa manu in sa faci sudada e abboboscada po sa callentura Etimo srd. Traduzioni Francese caresser Inglese to caress Spagnolo cariciar Italiano accarezzare Tedesco liebkosen.

carmieràre , vrb Definizione pònnere su carmieri, regulare is prétzios de is cosas a bèndhere comente faet unu guvernu a manera chi no crescant po aprofitamentu Traduzioni Francese taxer Inglese to control the price of officially Spagnolo establecer el precio político Italiano calmierare Tedesco Höchstpreise amtlich festsetzen.

carminài, carminàre , vrb: craminai, craminare, craminari, garminare Definizione ispilusare, bogare de pare sa lana po dh'aprontare a dha filare: foedhandho de banitas, serbit po dhas fàere prus modhes, candho sa lana (o crinu) est abbatilada o no totue parívile a fortza de dhue crocare Sinonimi e contrari acramiai, balminare, irgardare, isgraminare, isparpedhare, laminare Frasi candu is matalafus funta de crinu tocàt a dhus craminai assumancu una borta a s'annu 2. po fàere su nènnere s’isterret unu pratu cun lana infusta e in pitu dhue ponent lentixa, trigu, biada, órgiu, tres cígiris e s’imbúsciat cun lana craminà Etimo ltn. carminare Traduzioni Francese carder Inglese to card Spagnolo cardar, escarmenar Italiano scardassare Tedesco kratzen.

carotàre , vrb: acarotare*, corotare Definizione pònnere sa carota, sa caratza o màschera in cara po no dha connòschere Sinonimi e contrari afaciolai, caratzare | ctr. iscaratzare 2. impupas carotadas s'irghelant in su caminu Traduzioni Francese déguiser Inglese to mask Spagnolo enmascarar, disfrazar Italiano mascherare Tedesco maskieren.

carrabbugliài, carrabbulliài , vrb: acarrabbullai Definizione lòmpere de mala manera a unu, a una cosa, cracare, iscúdere, gherrare Sinonimi e contrari barriare, carrabbusai, crazugai Frasi candu su noti abarramu a s'orbetu mi carrabbugliàt su sintzu ◊ gei ses afrodhocu: ita ti ant, carrabbulliau is gatus? ◊ un'ómini at carrabbulliau una picioca, aprofitendisindi Traduzioni Francese attaquer Inglese to assail Spagnolo asaltar Italiano assalire Tedesco angreifen.

carrabbusài , vrb: carrabbuzai Definizione lòmpere de mala manera a unu, pònnere is manos a pitzu, betare a terra Sinonimi e contrari abbrancai, acafai, aciapai, afarcai, afarrancae, aferrai, aggafai, aggarrai, carrabbugliai, crazugai, tènnere Frasi carrabbusau siast! ◊ passànt de is fuedhus a is cropus: si carrabbusànt, s'iscarenànt, si mussiànt ◊ me in su nuraxi dhoi fiant is cortilis, chi serbiant po óminis, animalis e fintzas po carrabbusai is inimigus Etimo srd. Traduzioni Francese attaquer, assaillir Inglese to attack Spagnolo agredir, acometer Italiano investire, attaccare Tedesco anstoßen.

carragiài, carragiàre, carragliàre , vrb: carrajare, carralzare, carrargiare, carrarjare, carrarzare, carraxai, carrazae Definizione ammontare cun calecuna cosa (trastu, orrobba, terra, àteru chi si ponet o arresurtat in pitzu) siat po su fritu, po cuare, po aprigu, difesa, po tudare e àteru Sinonimi e contrari acarragiai, acuguzare, ammantai, assacarrare, cratzai, imbusciae, incarralzare | ctr. iscarragiare, iscuguzare Frasi su pàrracu intregat su letzolu a su giàcanu e custe carràgliat a Santu Bainzu ◊ su trainu in sa badhe si est drommidu intro de su letu carralzadu de nie ◊ sa leada est totu carrarzada de romasinu, almidha e àteras erbas fiagosas 2. si aiat carragliatu sas oricras e si aiat tentu sa conca chin sas manos ◊ iscummitu ca ti carraxant is fémmias a usu de musca! ◊ pro carrarzare a isse mi so postu deo in pregiudíssios mannos ◊ aiant carragiau púncias in mesu a s'orruga Etimo srd. Traduzioni Francese couvrir Inglese to cover Spagnolo tapar, cubrir Italiano coprire, sommèrgere Tedesco bedecken.

carrài , vrb: carrare Definizione ingòllere, portare cosa a carru, ma si narat po css. manera de ingòllere cosas de unu logu a s'àteru; nàrrere male de unu / s'ogu est carranne = s'ogru (malàidu) est bogandho malesa Sinonimi e contrari abbiaxai, acarrigiai, batire, carrutzare, poltare Frasi est tota die carrendhe linna cun s'àinu ◊ chie no tenet àteru, carrat sa linna a codhu ◊ a s'incunzada carrat a domo sua trigu e orzu ◊ faghiant sos fogarones cun su sarmentu chi aiant carradu sos pisedhos 2. sos bentos sunt carrendhe nie, fritu, abba, bolasina ◊ sa gherra no est cosa de bi brugliare ca carrat morte, fàmine e corrutu (P.Canu) 3. mancari ndhe li carrent de onzi iscera, de pecos, eo los lasso cantare! ◊ sigheit a nàrrere contras a cudha carrèndheli canta arga bi aiat in su muntonarzu Etimo srd. Traduzioni Francese transporter Inglese to transport Spagnolo transportar, llevar Italiano trasportare Tedesco befördern.

carralciàre , vrb: carrasciare Definizione fàere o ispudare carràschios, isprugadura de prumones, de is bruncos Sinonimi e contrari carraschiare, iscarraschiare, sdarrasciai, sflemmai Etimo srd. Traduzioni Francese expectorer Inglese to expectorate Spagnolo expectorar Italiano espettorare Tedesco aushusten.