A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

imbodhiài , vrb: imbodhiare, imbodhicai, imbodhicare, imbodhicari, imbodhidai, imbodhigai, imbodhigare, imbolicare, imboligare, imbudhiai, imbulicare, immodhigare, impodhiai Definitzione fàere imbodhigos, pònnere sa cosa in paperi o àteru a manera de istare ammontada, badrada de su fritu o àteru, pònnere cosa, prus che àteru orrobba, paperi, lióngiu a inghíriu de àtera; cuncordare trampas, fàere calecuna cosa a dannu de s’àteru faendhodhi a crèdere una cosa candho est un’àtera Sinònimos e contràrios dimanare / imbogiare, trabojare, trobillai, trobodhicai / abbovai, abbuvonare, coglionai, colovrinare, imbusterai, improsae, ingannai, trampai | ctr. ilboligare Maneras de nàrrere csn: imboligare in… (carchi cosa) = imbudhiai cosa in mesu de àtera, cun àtera; imboligare a… (carchi cosa) = a ingíriu de àtera cosa, ma fintzas cun àtera cosa; imbodhicaisí in amori = cojare cun ccn. chi fossis no cumbenit Frases su bicarbonau impodhiadhu a paperi! ◊ custu est paperi impodhiau cun paperi! ◊ est chin sa pedhe imbolicada a s'ossu, debbiledhu ◊ sa fiuda fit imbodhigada in su mantu niedhu ◊ su grassu imbódhiat sa frissura e sos nerules de custa berbeche ◊ filo e imbódhigo lana 2. a s'imboligosu no impares a imboligare! ◊ su maistu tontu imbódhiat a craru e ponit in malítzia dogna clienti ◊ bengu a ti acumpangiai, a bortas chi no t'imbodhighint, a tui! Ètimu ltn. *involicare Tradutziones Frantzesu enrouler, rouler, envelopper Ingresu to wrap (up) Ispagnolu envolver, enrollar Italianu avvòlgere, invòlgere Tedescu einwickeln.

imbodhiamédhu , nm Definitzione imbodhighedhu, imbodhigu piticu, cosa imbodhigada Sinònimos e contràrios imbodhicu Frases at pigau s'imbodhiamedhu, dh'at abertu e at pigau su dinai Ètimu srd.

imbodhiàmi, imbodhiàmini , nm: imbodhicàmini Definitzione cosa chi serbit a imbodhigare, a pigare cosa imbodhigada, fàere pacos; sa cosa etotu candho est imbodhigada Sinònimos e contràrios imbodhiada, imbodhicu, imbólicu Frases istringiat s'imbodhiàmini de su chi iat comporau ◊ si ndi fiat ghetada mesu imbodhicàmini a un'ogu e mesu imbodhicàmini a s'àteru, de mexina ◊ at portau un'imbodhiami de pabassa Ètimu srd. Tradutziones Frantzesu emballage Ingresu package, paching Ispagnolu emballaje Italianu imballàggio Tedescu Verpackung.

imbodhiàre imbodhiài

imbodhicadòri , agt Definitzione chi ingannat, faet trogas, trampas, cosas pagu craras apostadamente Sinònimos e contràrios imbodhicheri, imbodhiosu, inganneri Frases sa gent'imbodhicadora est arribbada s'ora de nci dha iscabulai!(S.Vargiu) Ètimu srd.

imbodhicadúra , nf: imbolicadura, imboligadura, immodhicadura Definitzione su imbodhigare, nau fintzes po trampa, ingannu, su fàere imbodhigos Sinònimos e contràrios imboligamentu, trogadura, trogamentu | ctr. sbodhicamentu Ètimu srd. Tradutziones Frantzesu enroulement Ingresu winding Ispagnolu envolvimiento Italianu avvolgiménto Tedescu Umwickeln.

imbodhicài imbodhiài

imbodhicàmini imbodhiàmini

imbodhicàre, imbodhicàri imbodhiài

imbodhichéri , agt, nm: imbodhieri, imbudhicheri Definitzione chi o chie faet is cosas totu a imbodhigos, a ingannu Sinònimos e contràrios imbistiritzu, imbodhiosu, imbolicantinu, imbusteri, ordinzeri, tramperi, trochizosu Frases tui ses unu confusioneri, imbodhieri e missimpari! Ètimu srd. Tradutziones Frantzesu intrigant Ingresu intriguing, intriguer Ispagnolu intrigante Italianu intrigante Tedescu ränkevoll.

imbodhícu , nm: imbodhiu, imbólicu, imbóligu, immódhigu Definitzione cosa (es. paperi, orrobba) po imbodhigare àtera cosa; sa cosa imbodhigada, fata coment’e a pacu; manígiu po ingannare s'àteru / min. imbolichitu; pònnere, míntere a imbólicu = a imboligadura, a imboligare Sinònimos e contràrios imbodhiàmini, imbódhiu / ttrs. imbórigu, cdh. imbúlicu / imboligada / abberintu, afrascu, cumpoltura, estremagiogu, imbovu, ingànniu, màngana, tarasca, tramòglia, trampa, trobinzu, troga Frases mi azis lassadu s'imbóligu: su chi bi fit intro boche l'azis manigadu bois! ◊ apo comporadu custu pabilu pro imbóligu 2. giúgheche s'imbóligu de su pane a babbu tou! ◊ candho morint su porcu, a sos bichinos lis fachent s'imbólicu ◊ custos imbóligos sunt de dare a sos invitados 3. su tziu fait s'imbodhicu e su piciocu partit sordau! ◊ imbóligos e trampas sunt in prua como piús de tandho ◊ s'infadeit de sos imbóligos de sos avocados ◊ arratza de immódhigu chi ant fatu!… Sambenados e Provèrbios prb: s'imbóligu a s'imboligosu torrat Ètimu srd. Tradutziones Frantzesu paquet, intrigue Ingresu bundle, plot Ispagnolu paquete, intriga Italianu invòlto, fagòtto, intrigo Tedescu Bündel, Ränke.

imbodhidài imbodhiài

imbodhiéri imbodhichéri

imbodhigàre imbodhiài

imbodhinàre, imbodhinàri , vrb Definitzione girare a furriadura, a molinadura, fàere su moliamólia; fàere, istare faendho, istare ammungiandho, cricare de fàere fintzes coment’e faendho finta, tanti po no giare a bíere o cuare calecuna cosa, faendho chentza cabu; fintzes pigare s’àteru a frandhigos Sinònimos e contràrios mobiai / inghiriare / melindrare Frases sa giòvana candho torrat a domo ciughet sa cara alluta e si ponet a imbodhinare pro coglionare su tempus ◊ no abbarres imbodhinendhe, fatendhe e filchinendhe: faghe sa cosa! 2. andhendhe andhendhe, dao sa trambucada e ruo imbodhinada (T.Giudice Marras)

imbódhinu , nm Definitzione su imbodhinare; manera de fàere pigandho s’àteru a frandhigos tanti po dhu cumbínchere a calecuna cosa Sinònimos e contràrios moliamólia / ingrangúgliu, imbímbinu, losinga Frases sa pitzinna no manigaiat nudha e pro che li fàghere ingúllere carchi mossu fit totu a fúria de imbódhinos (S.Saba) Ètimu srd.

imbodhiósu , agt, nm: imbolicosu, imboligosu Definitzione chi o chie costumat a trampare, a pigare sa gente a ingannia giaendhodhi a bíere una cosa po un’àtera Sinònimos e contràrios afrascadore, arrebuseri, imbodhicheri, imbolicantinu, imbusteri, inganneri, ingheniosu, ingregheri, introsigheri, inzomosu, pinnicule, tramperi, trapuleri / cdh. imbuliconi Frases imbodhiosu atriviu… balla ca no mi futis prus! ◊ so tantu imboligante e imboligosu chi mancu eo mi poto isboligare ◊ su chi fachent cussos est cubau, ca sunt imbolicosos ◊ imbolicosu chi no bi ndhe aiat àteru in sa terra, issu nos la fachiat in cara che unu maghiarju ◊ cussu cummertzante est un'imboligosu Terminologia iscientìfica ntl Ètimu srd. Tradutziones Frantzesu filou, escroc Ingresu swindler Ispagnolu tramposo Italianu imbroglióne, truffatóre Tedescu Betrüger.

imbodhíu imbodhícu

imbódhiu , nm: Definitzione totu su chi serbit a imbodhigare; sa cosa imbodhigada, fata a imbodhigu; in costúmenes de fémina, genia de deventale: in àteros, dhu narant a su prenimentu chi ponent a calecunu trastu; cosa chi si narat o chi si faet a ingannia Sinònimos e contràrios imbodhiàmini, imbodhicu Ètimu srd. Tradutziones Frantzesu enveloppe, revêtement Ingresu wrapper Ispagnolu envoltura Italianu invòlucro Tedescu Hülle.

imbodhói , nm Definitzione pinzos de s’ispolliedhu de su pipiedhu, genia de cobertedha de lana.