A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

imbòe , avb Definitzione in betada o incrubau a un’ala / èssere a un’i. = postu de malu betu, chi calat o est prus bàsciu a un’ala, coment’e crocandhosiche, betau a un’ala Sinònimos e contràrios abboe, achibboe, achifilu, acorrimboe, calembru, ochirioe Frases s'isterzu si ponet a un'imboe pro sucutare ◊ cussa cosa a un'imboe est suzetu chi si che tàmbulat! Ètimu srd. Tradutziones Frantzesu oblique, biais Ingresu oblique Ispagnolu oblicuo Italianu sghémbo, oblìquo Tedescu schräg.

imbogadàre , vrb Definitzione fàere sa bogada, samunare s’orrobba Sinònimos e contràrios illempiare Ètimu srd.

imbogiàre , vrb: imbojare Definitzione nau pruschetotu de filos o cosas deasi, betare apare a dónnia manera tanti chi apustis est difícile a tirare su càbudu; abbarrare coment’e acapiau, arréschiu in mesu de ccn. cosa o chistione; nau de una chistione, cunfúndhere, fàere difícile a cumprèndhere, ammesturare is argumentos, is cosas / mòere a s’imboja imboja = cun movimentos a inghiriadura, coment’e imbojendhe Sinònimos e contràrios acugurrai 1, atrepillai, atrobodhare, batagugliare, imbodhiai, trabojare, trebedhai, trobillai, trobullai, trogai | ctr. irbojare Frases imbóliga bene sa lana ca sinono s'imbojat, totu! ◊ no tires chentza ischire cale est su cabu ca s'imbojat! 2. pro unu pastore bi cheret pacu a che abbarrare imbojau in sos tadharanos de sa zustíssia Tradutziones Frantzesu embrouiller Ingresu to tangle Ispagnolu enredar, enmarañar Italianu aggrovigliare Tedescu verwickeln.

imbógiu , nm: imboju, imbozu Definitzione cosa totu betada apare Sinònimos e contràrios atrepógliu, cugurra, imbodhicu, trobedhu, troboju, trochilla / camàndula, istibba Frases chin sas manos pragadas de checas fungudas isorbo imbojos, peleas, medassas de tramas de iferru Ètimu srd. Tradutziones Frantzesu enchevêtrement Ingresu tangle Ispagnolu enredo, maraña (f) Italianu grovìglio Tedescu Knoten.

imboidàda , nf Definitzione su imboidare Sinònimos e contràrios illichidada | ctr. prenada Frases a s'imboidada de sos coinzolos si poniat torra in caminu Ètimu srd.

imboidàre ibboidàre

imbojadúra , nf Definitzione su imbojare Ètimu srd.

imbojàre imbogiàre

imbojàu , pps, agt Definitzione de imbojare; chi est totu betau o intrau apare, nau de filu o àteru deasi Sinònimos e contràrios impiricau, trepojau.

imbóju imbógiu

imbolàda , nf Definitzione su imbolare a fuliadura, nau fintzes po ispinta, imperta Sinònimos e contràrios fuliada, ispinta Frases li desit un'imbolada a s'iscuru, a sa broca, e segada l'at! ◊ candho creschet, su pisedhu, za no si at a lassare leare a imboladas, no! Ètimu srd.

imboladúra , nf Definitzione su imbolare, nau mescamente de sa manera de betare a fuliadura, giare o pònnere sa cosa / àere sa cosa a i. = a meda Sinònimos e contràrios fuliadura, ghetadura, imbolu Frases sas cosas fatas a imboladura sas prus boltas finint peus de comente sunt comintzadas ◊ a su frade bi che at betau su pane a imboladura comente si faet cun sos canes 2. chie sa cosa l'at a imboladura e chie timet a bíere arbéschiu chin sa pagura de no buscare su bucone Ètimu srd.

imbolàre , vrb Definitzione betare a terra, lassare sa cosa betandhochedha atesu, betandhodha de artu o a istràmpidu, coment’e a bolu, chentza órdine; calare de artu a cropu; rfl. nau prus che àteru de fémina chentza cojuare, crocare cun facilidade po si giare a s’ómine faendho pagu càrculu de issa etotu / andhare imbola imbola = imbolèndhesi inoghe e in cudhane, de tretu in tretu, a su corca corca Sinònimos e contràrios abbutare, betae, foliai, frundhire, imbrillai, irbotulae, iscavulai, ispiòndiri, issèndhere, scabiossai | ctr. collire / assantae, assetiai, pònnere Frases imbolamiche atesu cussas cosas! ◊ imbòlache s'arga! ◊ collide s'olia e imbolade a s'isterzu! ◊ no imboles gai fatu de su logu sa bestimenta chi ti càmbias! 2. s'abiolu si tucat, leat bolu e dae s'aera s'imbolat che raju! 3. si biet chi issa no est una fémina pagu séria chi s'imbolat in bratzos de chie totu li capitat! ◊ nos semus imbolados che duos iserelados! Ètimu ltn. involare Tradutziones Frantzesu lancer, jeter Ingresu to fling Ispagnolu tirar, arrojar Italianu lanciare, buttare, scaraventare Tedescu werfen, schleudern.

imbolàu , pps, agt Definitzione de imbolare; chi dh’ant lassau, chi est fuliau in terra o àteru e abbandhonau coment’e àliga o cosa chi no serbit prus Sinònimos e contràrios betadu, frundhiu, fuliadu.

imboléu , avb Definitzione ghetai a i. = pesare a bolare, betare a imboladura Sinònimos e contràrios boleu Ètimu srd.

imbolicadòre , agt: imboligadore Definitzione chi costumat a trampare, a pigare s'àteru a ingannia Sinònimos e contràrios imbodhicheri, imbodhiosu, inganneri, tramperi Sambenados e Provèrbios prb: s'imbólicu torrat a s'imbolicadore! Ètimu srd.

imbolicadúra imbodhicadúra

imbolicantínu , agt, nm Definitzione nau de ccn. chi no est tanti singillu in su fàere; coment’e nm., sa codriola chi s’imbodhigat in sa bardúfola po dha fàere ballare Sinònimos e contràrios imbodhicheri, imbodhiosu Ètimu srd.

imbolicàre imbodhiài

imbolicàu , pps Definitzione de imbolicare Sinònimos e contràrios cdh. imbulicatu Tradutziones Frantzesu enroulé Ingresu wrapped Ispagnolu envuelto Italianu avvòlto Tedescu eingewickelt.